娛圈事
大家真係要期待一下係咪今年內。
蔣家旻（Angel）早前被爆與高層男友月底秘密到海外結婚，當時蔣家旻就回答拍：「總之有消息就一定會公布。」日前現身機場準備出發布拉格拍外景，接受TVB娛樂新聞台訪問時大賣關子，被追問會否今年成事時就叫大家期待一下。
蔣家旻大賣關子叫大家期待一下。
蔣家旻笑言收到不少好友的恭喜短訊，她說﹕「好似我去布拉格係去結婚咁樣，其實我呢兩日都唔知點樣去回覆，但係會感受到身邊啲朋友好替我開心。」不過她就沒有正面確認婚訊，又話呢段關係都係年頭先公開，對於私人事比較低調。
表示有好消息就會公布
今次蔣家旻去布拉格城堡取景拍攝，自言自己鍾意簡單婚禮，「以前細個係會覺得喺城堡搞婚禮好靚，大個咗其實原來唔係，喺城堡係好開心，但自己唔鍾意咁華麗，鍾意簡單啲，唔需要太公主。」
男友今年都有出席好姊妹聚會
今年情人節大曬靚相
蔣家旻自爆生育計劃。
蔣家旻（Angel）10月16日到新城廣播接受譚玉瑛（阿譚）、何基佑及黃筠兒主持的《QK玉瑛室》訪問，剛於上個月與電視台高層周永基在日本拉埋天窗的Angel，透露跟丈夫認識差不多10年，拍拖接近兩年便結婚，婚後丈夫更成為她最好的朋友，但自己仍未習慣被叫「周太」。
蔣家旻接受新城《QK玉瑛室》訪問。
Angel選擇在輕井澤舉行婚禮，皆因喜歡當地清涼天氣，而且早年在網上看到當地的教堂相片後便愛上，所以決定在當地行禮，「行禮當日朝早落咗場雨，本來好擔心會落雨，但到行禮時就好好天，個太陽仲射入教堂，真係好幸運。」鮮有公開談論另一半的Angel，在節目上大讚丈夫充滿責任感，同時給予她足夠的安全感，「個安全感係嚟自於佢講得出做得到，唔會口甜舌滑，結婚後佢嘅責任感比之前多好多，會覺得呢個人好可靠。」
左起：何基佑、蔣家旻、譚玉瑛、黃筠兒
雖然Angel不喜歡做家務，但成為周太後，她會親自下廚，最拿手煮生薑豬肉燒和豉油雞翼，處女座的她更一日吸3次塵，「我係有少少潔癖，好想所有嘢都好整齊，不過都有懶散嘅時候，自己衫又唔係點摺。」
至於家人如何評價女婿？Angel甜絲絲透露，「話佢好有責任感，因為試過一齊去旅行，見到佢安排得好好，唔使長輩點擔心，又睇得出佢好遷就我；我奶奶就覺得我好孝順，會成日返屋企食飯。」夫婦倆可有計劃生育？「我想有啲二人世界，兩年之後先，生BB好大責任，我希望自己有一種好想有小朋友嘅感覺先生會好啲，因為生咗BB就係另一種生活模式，最多生兩個，如果第一胎係女，之後生唔生都冇所謂。」
蔣家旻希望第一胎生女。
大讚丈夫充滿責任感。
詳細節目內容，請重溫10月16日，3-4時，新城知訊台《QK玉瑛室》節目，網址：https://www.metroradio.com.hk/MetroInfo/
