港島大廈驚見「似貓又似老鼠」小動物 淡定網民揭真身：不嬲都有！

現時如在市區遇到野豬都已見慣不怪，但如見到這種野生動物，大家可能會好驚訝！有網民就上傳相片指日前見到一隻似貓又似老鼠的動物在樓宇外牆遊走，問網民這是否是果子狸？

Threads圖片

樣貎「似貓又似老鼠」

樓主社交平台發布相片，只見相中有一隻體積比一般老鼠大，但樣貎近似的動物在大廈外牆遊走，一身灰啡色的毛髮，但臉部及尾巴卻呈現黑色，並有一條幼長的白紋從頭一直延伸至頭部。相中牠似是站在一幢樓宇的外牆近窗枱位置，而另一張則似是在大廈的天台圍牆處。

Threads圖片

網民提醒：要好好保護佢哋！

樓主問到「見到呢隻嘢一開始以為係貓定老鼠，有冇人知咩嚟，係咪果子狸？」。許多網民都留言回覆，指中的動物的確是果子狸，並提醒樓主「要好好保護佢哋！佢係果子狸呀！」、「不嬲都有，牠們都是住太平山一帶落嚟搵嘢食，不騷擾牠們便可」、「千祈唔好公開地點，俾佢哋好好過生活」。

Threads圖片

不少人曾在鬧市中見過

原來都有一些網民在鬧市中見過牠們的蹤影「果子狸，港島區西半山上環一帶的鬧市中會見到，但都不是很常見，佢哋驚人」、「香港一向都有，不過好少落去民家」、「有啲cute，之前見人話薄扶林民居都有出沒過」、「有啲似我屋企附近 我都有見過佢哋，喺我窗外面」等。

Threads圖片

有網友擔心果子狸安危

有的網民則擔心果子狸的安危，並表示見過幾次有果子狸在馬路遭車撞斃「佢咁危險，佢而家去咗邊呀？佢哋久不久都會亂過馬路，見過好多次車死咗」。

八達通是港人日常出行、逛街購物的必備之物，不過近日，有網民在網上發文求助，指自己不慎將八達通「一分為二」，由於裏面還有約$300餘額，故向神通廣大的網友求助。

網上圖片

網民爆笑留言「由八達通變2張四達通」

該網友在Threads上發文，指自己「唔小心整斷左張八達通，內有300-400餘額，點算」，事主走投無路，惟有網上發文向網友求助。而帖文曝光很快掀起網民熱議，有網民爆笑留言，「由八達通變2張四達通」、「是咪變四通八達」

《愛回家》示意圖片

「今次真係八達都不通」

還有網友「安慰」事主：「而家你有兩張各有$150-$200餘額嘅八達通」、「攞支AA膠，黐埋兩邊，放入微波爐叮30秒，張卡就識AA制㗎啦」、「今次真係八達都不通」、「變成四通八達」。

網上圖片

熱心網友提出解決方法：「可以去地鐵站客戶服務中心買過張卡」

亦有熱心網友提出解決方法：「可以去地鐵站客戶服務中心買過張卡」、「有無得入八達通號碼落電話八達通，可以嘅話就成功轉移到啲錢」、「拎去客服中心填form，申請退款」。