羅沛琪赴德國拍攝婚紗相 無懼寒冷登雪山晒長腿

羅沛琪將結婚！

ViuTV前藝人及參加過《中年好聲音2》的羅沛琪（Pinky），今年3月宣布喜訊，做龍年新娘。日前Pinky在IG大晒多張pre-wedding照。

羅沛琪（Pinky）與未婚夫Rayson赴德國拍攝婚紗照。

Pinky一共換了幾套婚紗。

朗才女貌！

穿上白色婚紗的Pinky，化上精緻妝容，仙氣十足。

Rayson十足「白馬王子」！

相中，Pinky與未婚夫Rayson走訪德國不同景點進行拍攝，包括當地名勝新天鵝堡，身穿紫色大露背婚紗的Pinky更無懼寒冷登上雪山拍攝。她留言寫道：「上到雪山，又有高山反應得嚟，但又唔記得帶藥（擺咗喺喼），謝謝團隊的幫忙及上天安排好天氣，明明上到雪山時，有很多雲遮蓋，攝影師都說，應該影不到雪山景了。最後，換好裙子出來時，所有雲，一掃而空。」

笑得好甜啊！

無懼寒冷登上雪山拍攝。

出現高山反應。

長腿成焦點。

瑪姬、胡孟青、素黑、羅沛琪、胡凱澄五大才女開咪！

新城廣播有限公司於下半年繼續製作精彩節目，知訊台全新節目《傾心、傾城》將於今晚（17日）首播，除了邀得已離開新城廣播逾10年的瑪姬和胡凱澄（Ame）「復出」開咪，更有「股壇小辣椒」之稱的胡孟青（青姐）、女作家素黑及多功能藝人羅沛琪（Pinky）擔任主持，5位不同界別的時代女性，在節目中跟聽眾討論城中熱話，又會分享心靈雞湯等故事，話題輕鬆又貼地，希望帶給聽眾滿滿正能量。

左起：素黑、胡孟青、瑪姬、胡凱澄

《傾心、傾城》將於今晚起，逢星期一至五晚上8時至9時，五位主持每晚輪流透過大氣電波陪着大家，逢星期一由瑪姬擔任節目主持、星期二主持胡孟青、星期三主持素黑、星期四主持羅沛琪、星期五主持胡凱澄，一連五晚為大家心靈上叉足電。

已離開新城廣播逾10年的瑪姬「復出」開咪。

胡凱澄（Ame）

知訊台台長程凱欣日前特別率領瑪姬、青姐、Ame及素黑為節目拍攝宣傳片，重返「娘家」的瑪姬表現得相當興奮，並呼籲大家今晚記得收聽節目，「我離開廣播界都12年，到依家依然有人問我係咪返電台開咪，或者我一講嘢，佢哋就知道我係DJ出身，曾經有前輩同我講，話入咗廣播界就出唔番嚟，所以無論我喺出面做幾耐主持或者唱歌，都係搣唔甩DJ呢個身份，不過今次返新城開咪真係好開心，我仲會揀一啲好啱畀『絲打』同『天花板』嘅歌畀大家聽。」

「股壇小辣椒」胡孟青（青姐）

素黑

羅沛琪（Pinky）

同樣離開新城廣播已12年的Ame，雖然已嫁作人妻，但她一夥心仍然牽掛着，「佢哋未接觸我之前，我成日覺得我仲會做番電台，突然收到呢個邀請係開心嘅，係新城廣播湊大我，所以我二話不說就返嚟，錢唔使講，好開心返自己『娘家』。」Ame在節目上會搜羅不同心靈雞湯的故事與聽眾分享，藉以撫慰大眾心靈，「依家周圍太多負能量，希望帶出一啲正向或者有愛的故事。」

新城知訊台全新節目《傾心、傾城》今晚（17日）首播。

星期一至五晚不同天空下的心靈雞湯。

至於財經界一姐的青姐，講股市就滔滔不絕，不過今次她將會敞開心扉，跟聽眾們盡訴心中情，散發柔情一面，「我會同大家講吓城中熱話，又會傾吓心事，雖然身在財經界，每日都見盡money，但其實每日都有好多人或事好值得講吓，我哋會一邊聽歌，一邊傾吓偈，引起朋友共鳴或者反思。」而外表斯斯文文的素黑同時亦是一位心理治療師，首次擔任電台節目主持的她，會分享個案及治療方法，「可能又會講吓生死，沉重啲，如果聽眾有嘢想同我講，可以寫信嚟新城廣播或者FB留言，係一個好好嘅互動。」