《我談的那場戀愛》主題曲《筆友》MV浪漫上線 MC張天賦深情錄音難忘吳君如揪心一幕

主題曲《筆友》由導演何妙祺首次挑戰填詞，男主角兼主唱的MC大讚：「好意想不到！」

由何妙祺執導，吳君如、張天賦（MC）領銜主演，鄧麗欣（Stephy）特別演出的愛情喜劇《我談的那場戀愛》於9月12日浪漫獻映！早在優先場及首映禮，引起觀眾熱烈反應的電影主題曲《筆友》，MV終於正式在上映前登場。這首由MC主唱的情歌，再度帶領觀眾回味戲中的浪漫故事，歌詞直述兩位主角的心聲，唱出余笑琴（吳君如 飾）與李偉祖（張天賦飾）戲中關係的矛盾與美麗，MC更大讚首次為歌曲填詞的導演何妙祺。

《我談的那場戀愛》海報

《筆友》由戴偉作曲、梁栢堅與何妙祺聯合填詞，導演首次挑戰填詞工作，感謝歌曲製作團隊支持。她表示：「第一次填詞，真係未算最理想，幸好配樂戴偉邀請填詞人梁栢堅幫我補習改功課，好多謝佢仗義救急，先有依家大家都滿意嘅主題曲，另外亦感謝陳志發導演幫我剪輯MV，好多人睇完覺得冇劇透之餘，令人更加想入場睇戲，當然亦要多謝MC唱功，主題曲我貢獻有限，多謝大家支持。」

觀看相關影片按連結：https://youtu.be/MxJs5uf_yX8

《我談的那場戀愛》劇照

《我談的那場戀愛》劇照

《我談的那場戀愛》劇照

而身為男主角兼主唱的MC亦有回應，收到歌詞時非常意外：「好意想不到，因為導演唔係專業填詞人，但寫到一份歌詞，除咗有內容之外亦都配合旋律，導演做得好好。」錄音時，MC亦特別感觸於劇中天橋場景：「錄歌時不自覺地想起君如喺中環天橋追出嚟、天橋上又有人busking一幕，好似係戲中一段感情的完結點，當時的劇情與這首歌非常契合。」這首《筆友》也成為了電影中情感的延伸，讓觀眾透過歌曲再次感受主角之間的愛情故事。

《我談的那場戀愛》劇照

《我談的那場戀愛》劇照

《我談的那場戀愛》劇照

《我談的那場戀愛》劇照

自8月23日開始舉行的優先場，電影未正式上畫累積票房經已突破50萬，幾乎場場爆滿，口碑不斷攀升，同時亦吸引到多個海外電影節的關注。自年初以來，電影先後在香港、北京、台北、紐約、馬來西亞、成都及曼谷的影展中亮相，最近再獲五個影展邀請參展，包括第3屆海浪電影周「一萬次蕩漾」單元、亞洲電影大獎學院「香港電影巡禮2024：馬來西亞站」、香港國際電影節「光影浪潮．香港電影新動力2024: 柏林站」、第43屆溫哥華國際電影節Panorama單元，以及第44屆夏威夷國際電影節「聚焦香港」單元。

觀看相關影片按連結：https://youtu.be/c1v4-GhyeGQ

處女執導作未上畫就廣受好評，何妙祺盼電影打造全新港式愛情喜劇風格：「今次創作上想在感性的思考性和娛樂性之間找到平衡，創作有別於過往笑點密集港產喜劇。多謝優先場已有不少嘅觀眾入場鼓勵我哋，亦感恩各個影展嘅邀請。」

「期間限定」組合炸爆舞台

《Katch Our Life WARNER! GO!》一直為樂迷期待嘅演唱會，由宣佈至今仍未有演出詳情，加上華納歌手嘅school tour反應非常熱烈，令大家都好期待呢次總動員演出。呢日大會宣佈將於下年2月15日於香港亞洲國際博覽館舉行，華納唱片動員一共12個歌手樂隊單位參與，包括Dear Jane、陳蕾、洪嘉豪、MC張天賦、Gareth.T湯令山、Gigi張蔓姿、Kiri T、moon tang、Zpecial、Lewsz、Nancy Kwai歸綽嶢、Gordon Flanders等等，陣容極為吸引！

《Katch Our Life WARNER! GO!》

呢次演唱會唔同單位歌手Cross Over演出，將個人特色掃出新火花帶出新感覺，MC就話令呢次音樂會「好睇」最緊要：「我同好多同公司嘅歌手都合作過，例如陳蕾、Dear Jane、洪嘉豪都合唱過，我最想同湯令山試吓，因為佢有好多天馬行空嘅創意，如果成真嘅話會好正，但如果超支就真係要加場先搞得掂。有人問如果呢個騷要跳唱嘅話，我係好需要一個女伴，所以我好誠意邀請陳蕾同我一齊嘅，我地叫『PC』組！」

呢日大會宣佈將於下年2月15日於香港亞洲國際博覽館舉行

陳蕾聞言就話公司多創作歌手，冇諗過要跳舞演出：「我冇諗過呢個騷要跳嘅，都係得moon同Nancy學過吓。我地成班同事做過好多School Tour，後台都好熱鬧，大家都係健談嘅人，女仔就傾吓扮靚，男仔就傾第二啲野，反而我驚我地太好傾，本來約好咗傾吓歌單，點知講講吓傾咗另外一啲野。」

呢日歌手齊集影Poster，大家為另一位歌手指定造型影返個搞笑版嘅海報，趣怪造型令人驚喜，歌手們碰面亦傾唔停，氣氛非常熱鬧！Dear Jane主音Tim ：「係咪都難搞啦，但咁先有火花，我地計劃將後台搬上前台，比大家睇到最真實嘅一面，可能淨係『吹水』已經覺得好搞笑。我地好多歌手都會玩樂器，等呢個歌單整理好之後，再慢慢加啲創意！」

呢日歌手齊集影Poster

而同場嘅洪嘉豪揚言取代Howie，練好結他「加入」Dear Jane：「我代替咗佢之後，佢梗係負責唱《黑玻璃》啦，但我係完全唔識結他嘅，我點會比大家估到表演啲咩！其實舊時Dear Jane成日會同同事合唱，但唔知點解我等咗咁耐都等唔到『呢支曲』，佢地快手整出嚟玩吓先啦！我知道觀眾唔係期待每個單位唱2-3首歌，係期待大家合體，所以大家放心！」

湯令山同張蔓姿「互相吹捧」，笑言想與對方台上合體演出，Gigi仲話想「炸裂舞台」：「我好想唱『CHOK』呢首歌，因為呢首歌跳辣身舞應該幾有氣氛！」而Gordon Flanders就比眾人推舉「模仿大賽」，仲即場扮Gigi唱歌，搞到對方哭笑不得，Gordon Flanders仲自薦為對方伴舞！

而moon tang就話想「華納仝人」大合跳，仲話想同MC合唱：「我因為未同佢合唱過，所以想試吓！」而Zpecial就話想同「女聲」合作，仲心思未揀定「對手」：「我地想同Nancy合作，我估佢同Band合作會幾得意，而陳蕾就同Band同台會好型，最好就所有女歌手一齊啦！臨尾叫老闆Gordon Lee上台唱歌，我地幫手彈、moon負責跳舞，華納家族點可以冇佢呢！」