蔡卓妍曾揚言40歲仍單身會嫁老友 關智斌信守承諾跪地「求婚」！

恭喜晒啊～

蔡卓妍（阿Sa）於去年8月宣布與拍拖6年的「百億麻雀館太子爺」石恆聰（Anthony）分手，甩拖至今逾一年的阿Sa雖然未有新戀情，但就被老友關智斌（Kenny）「求婚」！

阿Sa去年8月宣布與拍拖6年的「百億麻雀館太子爺」石恆聰（右一）分手。

近日老友Kenny「求婚」！

阿Sa曾自爆如果40歲仍單身就會嫁給Kenny，二人近日相約去健身，期間Kenny正跪在地上用Cable滑輪機做捲腹的動作，阿Sa見狀便笑問：「你拜咩呀？」Kenny即搞笑地用哭腔說：「阿Sa你嫁畀我啦！阿Sa你嫁畀我啦！」逗得阿Sa哈哈大笑！

Kenny正跪在地上用Cable滑輪機做捲腹的動作。

阿Sa笑問：「你拜咩呀？」

Kenny即搞笑地說：「阿Sa你嫁畀我啦！」

逗得阿Sa哈哈大笑。

阿Sa事後將影片分享到IG，並留言：「好啦！我應承你#其實做gym都可以好開心嘅#終於搵到鍾意做運動嘅方法#有個靚仔喺隔籬就冇問題#另類求婚方法#大家可以參考吓。」Kenny回覆道：「粉絲追星求愛過程，好勵志！」二人一唱一和好搞笑！不少網民亦紛紛留言「恭喜」二人，更問「幾時擺酒？」

阿Sa和Kenny一向好老友。

二人近日相約去健身。

蔡卓妍IG圖片

蔡卓妍IG圖片

蔡卓妍IG圖片

拍YouTube 都有唔少得著呀。

日前，關智斌（Kenny）、衛詩雅（Michelle）及冤枉娛樂主理人「枉阿姐」受邀，為「Rhythm & Brews by YouTube」期間限定展，並進行以「內容策略如何協助藝人建立形象」為主題的Fireside Chat互動訪談。

六年前，Michelle開始成立自己的YouTube Channel，當中的「衛食攻略」愈拍愈受歡迎，不過原來開始的時候她十分抗拒，「我係嗰啲想好專心做一樣嘢嘅人，我淨係覺得我淨係拍戲！拍戲以外嘅任何嘢我都唔想做！以前嘅我係連訪問都唔鍾意做，我淨係想做關於電影嘅嘢。」不過由於開戲的不穩定性，枉阿姐便建議她投入「YouTuber」行列，「我話唔好啦，枉阿姐就話：『你試吓啦。』冇辦法啦，冇戲拍。『衛食攻略』都係佢哋幫我諗，因為覺得我個人貼地，就話不如拍一個咁樣嘅Channel。」

六年前，Michelle開始成立自己的YouTube Channel

至於Kenny，他坦言由始至終都沒想過自己會做一個YouTuber，疫情期間是一個轉捩點，「平時嘅工作好多都停頓咗，講得白啲即係冇嘢撈，哈哈。嗰段時間我睇多咗好多YouTube，開始覺得我唔使每次有演唱會或者出碟先至見人，其實我可以喺呢啲片入面，同到好多人接觸。拍Youtube唔係淨係拍一、兩條片，係要keep住長期拍挧，你要好有passion先得，人哋可以了解到你最真實嘅一面。」

Kenn沒想過自己會做一個YouTuber

「枉阿姐」絕對是二人的幕後推手，她憶述最初加入公司時，拍了大量不同類型的搞笑短片，但沒有適合平台播放，於是膽粗粗向CEO建議，「『可唔可以開一個Channel喺俾我擺一啲我哋拍嘅片、自家嘅content上去？』佢話：『好吖！你開啦。叫咩名好呀？』我話要玩嘢少少，不如叫『冤枉』啦，即係英皇嘅諧音，開頭諗住講吓嘅啫，點知老闆OK喎，原來佢比我想像中玩得，佢行得好前。我仲記得第一個project係許靖韻嘅『小背心』。」

「枉阿姐」絕對是二人的幕後推手

問到拍片的最大挑戰，Kenny直言在Youtube世界中，藝人不會有特別優勢，因為網民只會對着重短片內容，跟藝人身份毫無關係。但他坦言因為拍攝「斌菲特」系列而增長不少知識，「因為呢個Channel真係要講一啲投資、資訊性嘅嘢，每集嘉賓都係喺自己範疇入面係一個好勁嘅人，我真係唔可以完全乜都唔知就去做呢個訪問，因為咁亦都係好唔respect呢個嘉賓，喺呢一段時間我真係增長咗好多嘅知識。」Michelle則大爆拍攝時撞破偷情男女，「我哋拍『衛食攻略』，經常要去啲小店拍攝，小店多數都比較細間，我哋要避開啲人群嚟拍攝。有一次拍拍下突然間有個男人衝埋嚟，揞住個鏡頭叫我哋唔好怕，原來佢喺度同另外一個女仔偷情。條片係有出嘅，不過其實都影唔到佢哋，哈哈。」

Kenny坦言因為拍攝「斌菲特」系列而增長不少知識

Michelle則大爆拍攝時撞破偷情男女