近日，有網民影到一間知名雲吞麵店的廚房居然出現大老鼠！然而網民都話好正常，甚至PO出更多驚人廚房後幕相⋯⋯
網傳著名雲吞麵店影片 廚房有大老鼠出現
近日，社交平台流傳一條令人反胃的影片。有網民在一間著名雲吞麵店內拍攝到超大隻老鼠，更揚言「幾次收工經過都見到，忍唔住要話比大家聽，唔想大家再食老鼠口水尾」！
Threads圖片
Threads圖片
Threads圖片
透明櫥窗成「自爆」設計
該雲吞麵店應已關門，但因店舖設計是透明的櫥窗，所以老鼠的身影可以說是一目了然！沒想到，本應是為了讓客人觀賞餐點製作的設計，變成了「自爆」設計！
一隻老鼠未算最癲 豆腐舖1照片眾人嘩然
以為雲吞麵店的老鼠已經夠離譜，點知有網民冷靜地表示，單單一隻老鼠未算最癲，更主動貼出一張自己親手所拍攝的照片。照片中，可見一塊放在地上的木板，而木板上爬滿了密密麻麻的曱甴！拍攝者就表示是「紅磡某間豆腐店，放食物的板」。
Threads圖片
網民苦中作樂：證明食物好有營養
食肆的衛生情況令人憂慮，但都有網民好睇得開，指「做過廚房就知，基本上間間都有，再高級嘅餐廳都會有」、「其實有食物吸引到老鼠曱甴，我覺得唔出奇」、「出奇嘅係點解佢會有食材過夜放喺枱面，正常一間食肆都唔會咁樣啦，佢都真係幾冇衛生意識」。
同時，有網民苦中作樂地留言道：「五星級大鼠都食證明好好食」、「養到仲肥過我屋企隻貓，證明食物好有營養」。
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
