企業強人｜尹詩沛獲讚突破「大聲公」框框 張曦雯譚俊彥唯美床上戲率先睇

尹詩沛每次演出必有突破！

由騰訊視頻和TVB聯合製作的《位元堂養陰丸呈獻：企業強人》，逢周一至周五晚八點半翡翠台播映。《企業強人》由「強人」系列金牌監製羅永賢（Marco）、聯同最佳拍檔—編審黃偉強聯手打造，主要演員有陳豪、譚俊彥、龔嘉欣、張曦雯、姜大衞、謝東閔、李芷晴、吳子冲、朱智賢、尹詩沛、李成昌、潘芳芳、余思霆、鄔嘉駿、吳兆麟、黃浩霆。

尹詩沛搣甩「大聲公」，今次化身實幹型女秘書！

《企業強人》除了四大主角陳豪、譚俊彥、龔嘉欣、張曦雯，及一大老戲骨姜大衞值得留意，其他角色亦各有特色。當中最令人眼前一亮的，是近年在作品中屢見突破的尹詩沛（Nicole），繼在《再見‧枕邊人》中飾演慘遭家暴的可憐女子、及在《法證先鋒VI倖存者的救贖》中大晒像真度極高的日式英語搶焦後，這次Nicole再次搞搞新意思，一改以往出位戲路飾演內斂實幹女秘書程璐，並再次憑在對白上的細節心思位、成功吸引內地KOL注意，大讚詩沛跳出以往的「大聲公」、長篇大論及粗魯框框，演活說話陰聲細氣、簡單中Point的實力女秘書。由於程璐是趙愷（陳豪飾）得力助手，不少場口均能見到Nicole的身影；過往多以鮮艷造型亮相劇集的Nicole，這次改以純樸OL風現身，微曲的束髮配以貼身鉛筆裙及書卷味濃的金屬框眼鏡，以及溫柔且井然有條的語速，根本完全認不出是尹詩沛本人，難怪獲讚脫胎換骨。

尹詩沛今次專登收細聲浪扮溫柔，佢笑言譚俊彥話每次見到佢都想打佢咁話。

尹詩沛就算企喺側邊，但造型依然好搶眼。

Nicole受訪時笑言由於劇中角色與現實的尹詩沛實在相差太遠，令不少相熟的台前幕後同事都大呼不習慣，當中尤以譚俊彥反應最為「激烈」及搞笑：「阿Shaun（譚俊彥）每次見到我都話我扮斯文想打我。」Nicole又謂為投入角色，她只要一埋位就死命保住陰聲細氣，並竭盡所能「自己呃自己」務求完全代入角色：「我唔畀自己講嘢太低音，同埋要勁溫柔同勁細聲，搞到收音老師成日收唔到我把聲，仲問我可唔可以大聲少少，但我都猛話唔可以，仲上晒身話自己本身真係咁細聲，情願黐番高少少個咪等收音師方便工作，我要去到咁樣自我催眠架。」

除咗尹詩沛之外，李君妍同樣都係飾演秘書，值得大家留意。

張曦雯同譚俊彥喺酒吧華麗邂逅。

昨晚（18日）的主線劇情圍繞趙愷、宋翹（張曦雯飾）及徐道明（譚俊彥飾）錯綜複雜的關係。徐道明代表世代物流找宋翹洽談買賣二手飛機事宜，但因宋翹一心只想與前夫趙愷交手，拒絕與道明會面，令不知就裏的道明有股莫名挫敗感；之後道明在酒吧中邂逅宋翹、並在不知道對方真正身份的情況下發生了一夜情，翌日醒來後才知道事態嚴重，並因而引發極多軒然大波。據知，今晚（19日）一集將會以Flashback閃現譚俊彥與張曦雯的床上戲，畫面更以神秘唯美做主打，敬請期待。

張曦雯譚俊彥唯美床上戲率先睇！

張曦雯譚俊彥唯美床上戲率先睇！

張曦雯譚俊彥唯美床上戲率先睇！

張曦雯譚俊彥唯美床上戲率先睇！

張曦雯譚俊彥唯美床上戲率先睇！

John哥：「希望攞啲後生嘅意見。」

由騰訊視頻和TVB聯合製作的《位元堂養陰丸呈獻：企業強人》，逢周一至周五晚八點半翡翠台播映。《企業強人》由「強人」系列金牌監製羅永賢（Marco）、聯同最佳拍檔—編審黃偉強聯手打造，主要演員有陳豪、譚俊彥、龔嘉欣、張曦雯、姜大衞、謝東閔、李芷晴、吳子冲、朱智賢、尹詩沛、李成昌、潘芳芳、余思霆、鄔嘉駿、吳兆麟、黃浩霆。

John哥原本都仲笑笑口。

但話咁快，佢秒變嚴肅。

昨晚（17日）一集，現年77歲的老戲骨姜大衞（John哥飾）單憑兩場簡單場口已搶盡風頭！第二集甫開始，商界奇葩徐道明（譚俊彥飾）向姜大衞飾演的富商邢文浩辭職，為了挽留人才，原本對著徐道明賠笑的邢文浩，瞬間黑臉並勒令大仔Vincent（謝東閔飾）向道明下跪道歉，之後再秒變和顏悅色繼續說服徐道明留職。

而又再話咁快秒變番老狐狸，薑都係老嘅辣。

對於張曦雯唔聽「指令」，姜大衞先係沉默。

另一場戲，邢文浩持著金主身份，半暗示半威脅成峰資本始創合伙人宋翹（張曦雯飾）盡快批出借貸予自己的友好公司，宋翹未肯就範，並以做生意最重要信守承諾暗寸當初表示不會干涉公司任何決定的邢文浩冇口齒；被反將一軍的邢文浩先是扮貪玩著令宋翹不要緊張，之後再故作誇張地表示之前只是試探宋翹，並擺明皮笑肉不笑地表示對宋翹百分百信任，眉宇間盡顯角色的機心、狡猾及識時務，每個微表情變化均是教科書級示範。對於John哥高水平演出，網民當然讚不絕口，直指John哥一出場便自帶「壓逼感」，並大讚John哥瞬間遊走於霸氣及笑臉虎之間的「無縫變臉」相當Impressive，並笑言已是第N次演富商、舉手投足都入型入格的John哥是富商專業戶。

然後先係嚇一嚇對方。

再扮到自己好大方、只係玩吓，實質都係笑住畀下馬威張曦雯。

另John哥是次膝下共有三名仔女及1名私生女，三名仔女分別是謝東閔飾演的二世祖Vincent，吳子冲飾演的乖二仔Michael，及李芷晴飾演女兒Emma；至於私生女，則驚爆是龔嘉欣Katy飾演的方芳。昨晚方芳為了擴充集運生意，不惜冒雨向邢文浩借取50萬，對方芳痛愛萬分的邢文浩一口答應，並希望方芳能叫他一聲爸爸，可惜方芳不但不願妥協，就連眼神也不肯望向邢文浩，令不少網民好奇二人之間的故事…昨晚Katy與John哥這場對手戲獲得不少正評，John哥充滿慈愛的眼神與在商場中的老狐狸tone大相逕庭，John哥受訪時亦笑指，自己的角色是集「大奸商」及「慈父」於一身，並笑謂與仔女對戲時，愛反過來向後生仔女取經，活到老學到老相當敬業，John哥笑言：「我同子冲對戲時，我會話呢場戲我會咁做，然後就做一次畀佢睇，我都希望攞到後生嘅意見，我咁做好冇呢？或者應該加啲咩呢？子冲都有少少提議畀番我，非常之好！」

Katy角色嘅人設其實同陳豪嘅趙愷真係好似。

呢場淋雨戲拍得嘉欣幾型。

姜大衞呢幕戲又係戲味十足。

到底Katy同John哥有咩恩怨？

逆齡瀏海原來係假髮
日前，Katy還曝光了冒雨借錢相關場口拍攝花絮，片中Katy透露為拍淋雨戲包了大量保鮮紙，並笑言感到很熱；另Katy還親解戴帽之謎，以笑指為拍淋雨戲帶定兩條後備底褲：「因為我個蔭係假嘅，所以唔戴帽嘅話（拍淋雨戲）係會穿崩。（工作人員：唔驚淋濕底褲咩？）我自備咗兩條底褲拍架！」Katy如此有準備其實相當精明，片段所見，為增加戲劇效果，嘉欣埋位前需接受工作人員「淋水儀式」，由於是兜頭被淋，Katy被淋至不時大笑及尖叫。對於Katy的Cap帽Look，網民相當受落，還有人搞笑追問如何可買到同款帽子：「看上你的帽子，臉變小了！」

淋雨戲幕後花絮截圖

淋雨戲幕後花絮截圖