有港女在網上大爆職場腌臢事！她指單身男上司經常內部「搵女」，而自己則成為對方目標，就連同事都幫手「助攻」。最後她一招KO，贏得大批網民的讚賞。
示意圖
內部「搵女」同事個個做氣氛
樓主在Dcard討論區發文抱怨「我份糧唔包受溝」，事緣她近日受盡單身男上司內部「搵女」的作風，又指自己是公司內年紀最細的女生，所以成為該男上司目標。同事又見她年紀細，以為她「好單純好幼稚」，所以「成team人都故意托媒做氣氛」。
示意圖
溝女小動作不斷 終於頂唔順要出招
由於過去幾日對方不斷施展「溝女小動作」，樓主終於忍不住，上班前WhatsApp經理投訴，「篤佢哋出嚟」，希望大家明白「唔係個個都鍾意呢種模式」，舉報後亦已「預咗轉工」。她大呻：「我份糧唔包受溝囉，喺公司做呢啲嘢好核突好做作，點解要將自己生活撈埋落份工到？我接受唔到。」
有網民有類似經歷
既然樓主準備好辭職，網民就建議直接找人事部投訴，「辦公室覓食世界最戇居」、「建議轉工，呢個環境唔好留低，啲男人諗咩就係shXt」。
示意圖
同時，有女生表示遇到類似經歷，「我最近返緊新工，有個男同事經常趁我阿頭唔喺度就過嚟搲水吹，雖然可以解釋話係了解同事，但我真係唔鍾意」。
網民警世：妹豬要小心
有網民提醒，新人遇到「狗公上司」要小心，「聽過好多狗公上司食下屬，有啲甚至有家室，各位妹豬要小心」、「自己同身邊frd都經歷過，返intern嗰陣都遇唔少，成日flirt 你跟住仲要撩你爆房都有，可能見啲妹妹啱出社會，咩都唔識好易呃掛」。甚至有留言指，有些上司會專門請後生女，「你諗下間公司1年有幾多新人，可能面試專選女生或靚女，然後年中食唔少女」。
示意圖
