男子不滿送車尾肉身攔巴士怒啤司機 網斥：阻住個地球轉！

社交媒體不時都有市民被影到因趕不到巴士而「發爛咋」，有的甚至「螳臂擋車」，日前就有男子以肉身攔住阻止巴士離開，實行「我上唔到車，你哋都唔駛旨意走」！

示意圖 (非涉事巴士)(圖片來源:星島日報)

趁紅燈攔住巴士並與司機僵持10分鐘

近日有網民在Facebook群組發相，只見相中一個戴帽男子目怒兇光，以身擋車，試圖阻止巴士離開，網民指原來相中男子因不滿送車尾，趁着紅燈巴士停下時，攔住架城巴，更與巴士司機僵持了10分鐘，最後司機無奈之下報警處理！

網上圖片

樓主不忿：樣阻住真係好冇品

而期間剛好有另一架巴士來到，司機於是叫車上乘客離開轉車，怎料此名男子亦和其它乘客一起上車離開！樓主氣憤說到「係乘機笠水！咁樣阻住真係好冇品，又唔係冇車搭」。

網上截圖

網民怒斥：阻住個地球轉

不少網民都不忿此名男子的行為，留言「黃子華魚蛋論：我上唔到車，你哋都唔駛旨意走」、「成個傻佬咁」、「好快就有車啦，使乜咁嬲啫」、「阻住個地球轉，威啲咩，以為自己咁樣型啲？」。不過都有網民指出，某些司機的行為有問題：「有啲司機好賤格，你跑到埋去佢先關門」亦有網民指有時巴士司機未必能夠看到乘客在「追巴士」，所以並不是故意。

網上截圖

荃灣麗城花園有住戶早前大呻，有外賣員「順手牽羊」放家門口的鞋子，惹起網民熱議 。

樓主上載天眼相片提醒街坊

樓主以匿名身份在facebook群組「麗城花園之友」以「大家小心自己對鞋，擺咗喺門口一陣就畀人拎咗」為題上載天眼相片，好心提醒街坊小心。

FB圖片

男子拿起鞋子後轉身

根據相中的天眼資料，事發12月初，一名紅衫男子彎身拿起一對疑扣有公仔的啡色膠鞋後轉身。

FB圖片

網民議論紛紛

有網民替樓主抱不平，大罵「搞錯呀，有冇片睇下」、「鞋都要偷？」；不過也人指出「放公家地方，畀人拎唔奇」、「做乜放喺門口啫」、「自己財物唔放入屋？下次會唔會放埋個銀包喺門口？」。接著有街坊提到「二期7座禁止住戶放雜物於門外」、「座座都嚴禁㗎喇！但仍有好多住戶放鞋在門外」。

麗城花園。（資料圖片）

亦網民留言指私人物品不應放在公眾地方

有好眼力的網民認出相中男子疑為外賣員，驚問「點解送外賣要拎走人哋對鞋」，回應的網民似乎有共識地表示「係幫佢扔！！」、「有人幫手掉垃圾鞋」、「送外賣之餘仲幫無公德住戶手掉埋垃圾，好員工嚟」、「好人好事，將公眾地方清理好，抵讚」。

示意圖

當事人親回應有反轉

沒想到，一個自稱「當事人」的網民現身留言，表示「我係當事人，你對鞋放喺走廊中間幾乎跌死人已經放咗喺後樓梯」。