「關愛座」常變「批鬥座」，年輕人排隊坐升降機都要變成「批鬥𨋢」？
一名港媽在社交平台發文，表示推着BB車的她在北角港鐵站想乘搭升降機，但有一名年輕男子排在自己前面，她不滿對方年輕卻「爭」搭升降機，於是拍下照片並放上社交平台公審。
港媽不滿年輕男子「爭𨋢」坐。(Thread)
不滿後生仔爭𨋢坐
該港媽於社交平台threads發相發文，留言「唔明啲青年人點解要同人哋爭𨋢嘅，我推住BB車係唔可以搭電梯啫，唔係我都答（搭）咗啦」。從港媽上載的相片見到，她當時在港鐵北角站等候升降機，前方有不少人正在排隊，而排在港媽前方的是1名身穿綠色短袖上衣的年輕男生，估計港媽就是說該男生「爭」搭升降機。
大多網民體諒排隊的年輕男子，並表示男子可能有難言之隱。(Thread)
網民批港媽自私、恃老賣老
貼文引起網民關注，紛紛批評樓主公審的行為，「唔可以等下一部（升降機）咩？ 點解你有BB車要畀你入先？因為你趕時間？趕時間又唔早啲出門？你問題咁關佢咩事呀？」、「恃老賣老啲frd」、「 好多肉眼睇唔到嘅傷你又知？架𨋢人人都排得來用嘅」、「後生做乜都錯」、「後生就唔可以搭𨋢？」、「又唔係打尖做乜唔得？」、「大癲，估唔到繼批鬥座之後，又有批鬥𨋢隆重登場」、「自私嗰個係你呀」。
網民提議港媽善用港鐵優先使用人士等候區。示意圖
提議善用優先使用人士等候區
另有網民表示，港鐵升降機設有優先使用人士等候區，毋須公審，「其實係有條優先隊畀輪椅或有需要人士，你有需要咪企前啲實入到去，唔使下下都公審人，好無品」、「下次可以直接排最前，因為老人家、BB車優先」。
