7歲囝囝完美遺傳爸爸的游泳天份，今年再攞獎牌！
現年50歲的歌手車婉婉近年憑主持《中年好聲音》系列而人氣急升，工作大增的她未有忽略家庭，與澳洲籍游泳教練Jonathon結婚11年，育有一個7歲的混血兒子車浚義（BBQ），去年囝囝BBQ在學校舉行的水運會奪得銅牌，相隔一年再參加，BBQ今次同樣取得奬牌作鼓勵，而車婉婉就算工作繁忙，都會將時間空下來，不會錯過兒子的重要時刻。
車婉婉近年憑主持《中年好聲音》系列而人氣急升
一家三口非常幸福！
今個學期升讀小二的BBQ日前再度出戰學校的水運會，並以第四名完成賽事，作為媽媽的車婉婉頂著酷熱天氣，一直在泳池外為囝囝加油，真的是個廿四孝媽咪。車婉婉在社交平台留言：「第二次參加學校的水運會，BBQ先生拿了第四名，都有奬牌鼓勵，他十分之開心。Q MaMa今次亦『陪太子游水』，在游泳池外守候了半日。其實，我都差啲中暑！但係，見到D小朋友好開心，我又真係好開心，佢哋好盡力咁完成賽事，真係令我好感動。」
今個學期升讀小二的BBQ日前再度出戰學校的水運會
媽媽炎熱天氣陪囝囝游水
她續言：「我們都要知道，練習，才能有進步，投放的時間，都不會是白費的。在這𥚃，我想恭喜所有得獎的同學仔，仲有所有參加比賽的，你哋都好叻叻，仲有所有BaBa MaMa嘅付出，真係辛苦晒。大家都要繼續努力呀！」
以第四名完成賽事
好優秀
相隔23年再度「同車」，車婉婉難忘與馬明首度合作趣事：真係全日粒聲唔出
由徐正康夥拍新鮮人陳萍April擔任監製、麥世龍擔任編審的《妳不是她》，1月12日八點半翡翠台播映大結局，雖然全劇最大懸念「平行時空」經已揭盅，但據知結局依然有反轉位。11日林信（丁子朗飾）驚揭身邊的夏莉（馮盈盈飾）並非原本認識的夏莉，二人為此發生激烈爭執。12日晚二人經歷連串拉鋸及爭吵後，將作出一個令人意外的決定，密切留意！
幾經波折嘅夏莉同林信，原本已經和好如初咗。
不過因為林信意外發現咗夏莉部7G電話，令二人再度情海翻波，到底林信最後會點揀？原夏莉嘅故事又會點發展落去？密切留意大結局。
11日晚，全劇最大彩蛋馬國明亦終於登場，飾演的士司機馬明的他，劇中主要任務是與飾演林善的車婉婉發展姊弟戀。搞笑的是，現實中升呢人夫不久的馬國明，在劇中自稱單身兼性格「好鬼悶」之餘，又大談擇偶條件及兩性相處之道：「做女人唔使成日都咁Tough，唔使吓吓都死頂，間唔中流露番少少女性溫柔，需要膊頭咪開聲咯。好多男人見到太強嘅女人，佢哋就縮唔敢追架喇」、「唔係每個男人都鍾意小鳥依人嘅，我就唔鍾意湊女喇，我鍾意啲女人係成熟啲，有自信啲，兩個人相處最緊要夾唔夾。」
馬國明以「真名」上陣演的士司機，勁有代表性。
車婉婉形容呢一段關係係「倒後鏡之戀」。
馬明演暖男真係啱晒數。
車婉婉見到以前可以一日唔講嘢嘅馬明，突然變得今時今日咁talk得，相信一定覺得好Funny。
馬明喺劇中大談兩性相處之道。
齋睇表面證供，馬國明繼《新聞女王》再於《妳不是她》中與婉婉正面交鋒看似甚有淵緣，原來二人緣份早於23年前經已啟動！現正忙於演唱會綵排的婉婉，百忙中抽空受訪時透露原來與馬國明於2001年拍攝《不必剎掣》MV時已首度合作，當年二人除了同樣飾演情侶，馬明亦巧合地在MV中飾演司機，二人相隔23年再度「同車」，可謂別具意義；婉婉更對昔日的馬明近乎有讚冇彈，並笑指當年的馬明可以「全日唔講嘢」：「我同馬明都真係有特別緣份，當時拍嗰隻MV時，我覺得呢個男演員好斯文，全日冇講過嘢，全日呀吓，拍咗一日架！同埋佢又高啦，樣又靚仔，身形又好，所以我對佢有好深刻印象。後尾佢愈嚟愈紅，我就發現佢原來都幾活潑同幾好笑，但已經冇機會再合作。估唔到一直去到最近，又突然連續同佢有番合作，仲有對手戲添，所以好開心，好有親切感。」
馬明今次為咗力撐新進監製，幾忙都勁爽快地一口答應客串演出，圈中出名嘅好好先生，果然名不虛傳。
據知馬國明是次答應客串馬明一角，全因為了支持新進監製April，更是百忙中抽出空檔拍攝，絕對是有情有義代表。其實April與馬明亦相當有緣，二人先後於《白色強人》系列及《降魔的2.0》中合作過。
