買蔥嚇餐死 港女用紙巾一抹見呢樣嘢「唔敢食」 網民驚訝：要報食安

近日有港女在社交平台發文，指買完蔥後返屋企一抹，竟驚到唔敢再食，照片更引來大批網民留言討論，甚至考慮要報食安中心！

FB截圖

買蔥驚見甩色：唔敢食蔥

買蔥後，帖主本想簡單清理一下。沒想到，濕水一抹，竟驚見紙巾上染滿藍綠色，懷疑這棵蔥曾被染色。事主將染色紙巾及蔥影相和上傳到網上，並發文表示「買蔥要小心d，check過先好用，而家真係唔敢食蔥​​」。

網民見怪不怪

事主經歷引來大批網民留言，惟不少網民指蔥被染色並非新鮮事，「已經無食蔥好耐，買同送既蔥都會甩色​​」、「原來係啲蔥甩色，我早排諗住炸蔥油但炸完啲油變左藍色，我仲以為係我用左牛油果油既問題，最終都唔敢食倒左​​」、「我一直以為甩色係正常，咁多年咁樣抹都會有少少色印落廚房紙​​」。

FB圖片

見招拆招 教「用洗潔精洗先甩​​」

蔥染色，但沒有理由一輩子也不吃，有網民就見招拆招，指「蔥有藍色我發現好耐喇，用梳打粉唔甩，要用洗潔精洗先甩​​」。

FB圖片

FB圖片

網民無奈：仲驚過有蟲

當然，不是所有網民也這麼豁達，大有人震驚指「蔥咁普通嘅嘢都整到咁​​」、「蔥又粗生又平都要染色​​」、「蔥已經係好平嘅嘢，做假嘅成本分分鐘貴過棵蔥本身​​」，亦有網民質疑「除咗蔥而家d豆苗、芥蘭都有咁唔藍色劑，其實食安有無驗㗎」、「我以為話有好多蟲，一直好努力睇到底啲蟲係邊，原來係條蔥有色，仲驚過有蟲​​」。

FB圖片

近日網上流傳一段短片，片中白衣男子懷疑正將港鐵站的樓梯當滑梯玩，有人擔心安全問題，有人則笑言：清潔姐姐多謝佢！

樓梯中央扶手當軌道

樓主以「這位男子咁樣落樓梯，會舒服啲嗎？#某某地鐵站」為題，在facebook群組「西環變幻時」發帖上載片段。短片長約8秒，可以見到，片中白衣黑褲戴腰包的男子如小朋友般，將樓梯中央扶手當軌道，以倒豎蔥方式從樓梯頂一路向下衝。

FB截圖

網民議論紛紛

雖然下降速度不太高，但已經令人觸目驚心，在現場的旁人都為之側目。網民紛紛回應帖文，並表示「我唔會咁樣傷害自己」、「好危險囉，傷自己又傷人」；也有人坦言「細個成日想咁做，大個面皮薄唔敢做」、「我發夢有做過！ 」。

FB截圖

網民代清潔姐姐多謝佢

有網民則笑言「代清潔姐姐多謝佢」、「唔該師兄，乾淨晒」、「咁樣抹，乾淨啲」。有網民形容情況如「臥虎藏龍」，也有人估計，白衣男可能直接就是「清潔工」本尊。

FB截圖

有人影片地點逐個估

有網民更關心影片地點出自哪個地鐵站，便開始在影片中尋找蛛絲馬跡。因應港鐵站橙色的紙皮石，有網民估計現場可能是天后站，不過同樣以橙色作主色的車站，還有北角、利東、啟德、寶琳和荔枝角等站。

FB截圖