阿伯慈雲山餐廳用水杯浸假牙 水略見混濁 街坊憂衞生怒批嘔心

有慈雲山居民近日光顧區內一間連鎖茶餐廳時，發現隔離檯1男長者食客直接用餐廳水杯浸「假牙」。帖文一出，旋即惹來網民熱議！

unsplash示意圖

事主見到「成棚假牙就落個水杯度」

該名網民近日於facebook群組「慈雲山資訊交流」發帖，指於在區內一間連鎖茶餐廳食飯時，見到有食客用餐廳水杯浸「假牙」，留言直指「成棚假牙就落個水杯度」。

FB截圖

目擊者稱熟客浸假牙

從相中可見，該名食客的檯上有3杯水。一杯清澈，一杯略帶混濁，還有一杯則正泡浸假牙。樓主及後補充「香港人嚟㗎！係阿伯，仲要係嗰度嘅熟客」、「我第一次見」。

示意圖

網民大感噁心斥「缺德」

有關帖文引發熱議，不少網民大感噁心，狠批阿伯缺德，擔憂惹來衞生問題，「唔計實質衞生問題，個畫面好嘔心」、「嘩呀真係冇家教」、「太自私」、「只要你唔尷尬，尷尬嗰個就係人哋」。

有街坊稱「唔再幫襯」

有街坊更表示「好噁心，我平時成日去」、「唔再幫襯」，又指餐廳應張貼勸喻通告及永久拒絕相關顧客光顧，亦有網民就指「叫佢自己帶私家杯」、「叫佢攞埋個杯返屋企」。

FB圖片

有人見怪不怪：我見過吐痰落杯水度

另有人稱已見怪不怪，「細個會見得比較多，近年已經少咗」、「其實用假牙長者很多都有這種缺德的習慣，睇得多慢慢你就會感覺冇嘢」、「間中會見到老鬼咁做，就算話佢哋都係唔會改」、「我見過吐痰落杯水度」。

大家時不時會收到冒認入境處職員的詐騙電話，對付此類電話多即時Cut線。日前就有網民分享了一則誤以為收詐騙電話的趣事，笑言「入境處職員可能係畀人cut線（收線）拒絕最多的工作」。

將軍澳入境處

一聽是入境處來電秒Cut 線

近日有網民在Threads分享友人的趣事，指有天友人收到自稱是入境處職員的來電，他第一時間就認為是詐騙電話，未等對方講完致電因由，就馬上收線。

網站圖片

職員三度致電貇求不要收線

之後對方再打來，並以焦急的語氣表明「我真係香港入境處呀，你唔好收線先」但友人仍不等對方說完就堅決收線。直到收到對方的第三次來電，並以懇求的語氣說到「我求下你唔好收線呀，我真係入境處呀，求下你聽一聽我講先，你係唔係申請緊（傭工姓名）嚟香港做工人呀？」友人才恍然大悟，自己真的誤會了，對方的確是入境處職員，致電是為了有關申請家庭傭工事宜。

樓主慨嘆：慘過做cold call 銷售

樓主其後慨嘆「入境處職員可能係比人cut線拒絕最多的工作，慘過做cold call 銷售。」帖文一出得到不少網友認同「真係好慘」，「日日都畀人以為係騙徒」、「每日畀人cut線（收線）100次」、「做入境打電話其實都幾無助」。

示意圖。《新聞女王》劇照

網友笑言：要過三關先可以得到認證

亦有網民分享類似經歷「試過cut咗幾次先發現係真係入境處」、「我之前換護照嗰個阿sir就醒啦，一打嚟就問我係唔係今朝換護照，然後先話係入境處再講咩問題」；有人講笑咁話「要過三關先可以得到認證」、「對咗暗號先」。