與9000「院友」合唱生日歌 洪嘉豪完場前爆喊感激歌迷

《Kaho Live 2024》澳門站圓滿結束！

由棋人娛樂主辦，洪嘉豪（Kaho）首個海外演唱會兼踏上澳門最大的演出舞台的《KAHO LIVE 2024》澳門站，昨晚（10月19日）假銀河綜藝館圓滿結束。連月感冒，看了7次醫生的Kaho雖帶病上陣，但未有影響演出，只是演唱會尾段時才有點聲沙，但看到來自不同地方的「院友」（Kaho粉絲專稱）為他本月26日生日製造驚喜拍片打氣，9000觀眾又即場同唱生日歌，令本身揚言唔會再經歴「紅館哭了」的Kaho，在唱最後一首歌《洗面》時再次爆喊多謝「院友」。

洪嘉豪首個海外演唱會圓滿結束。

這次《Kaho Live 2024》澳門站演唱會，雖用上紅館個唱的海報，又同樣把《黑玻璃》MV中出鏡的愛車 Honda Civic type R FL5 搬到澳門舞台，並相繼唱出了《黑玻璃》、《My Secret Park》；Encore前又重著了綠色心口有花花和兔公仔歌衫獻唱了《只要你不尷尬》。但除了以上，Kaho為令再次入場的「院友」有新鮮感，澳門站的六套歌衫有五套是新做，並笑言因而收起了「紅館纖腰」外，Kaho在歌單方面也重新編排。新加了《海邊的呀豪》、《24/7戀人》、《十號儲物櫃》及新歌《跟你分擔失落比較快樂》外，並首次唱出上一隻大碟，沒有派台而用作送給「院友」的歌曲《離永遠只差一點》。

澳門站演唱會有五套新歌衫。

歌衫歌單花心思外，昨晚澳門站的舞台更有別紅館，主舞台設計不變，但台左台右各有一條延伸至場中的天橋，讓Kaho不時邊唱邊可以近距離和「院友」握手、自拍，甚至吹水，每次Kaho的走近都令「院友」們歡呼尖叫，氣氛熾熱，Kaho說：「好感動，見到好多好遠來嘅觀眾，知道有一位dm我，唔記得係美國定英國飛由土耳其，再飛香港再轉船定車到澳門嚟睇我，洪嘉豪係那來嘅福氣，可以有今晚9000位觀眾。」

澳門站的舞台的台左台右各有一條延伸至場中的天橋，讓Kaho不時邊唱邊可以近距離接觸「院友」。

Kaho不斷和「院友」們握手、自拍，甚至吹水。

Kaho擁有平凡的名字，平淡的成長，但因為努力追前，成就了今日舞台上的自己，昨晚Kaho籍此再鼓勵大家，因為他可以大家一樣可以，Kaho更表示在這段「Kaho Live」演唱會的日子，還學識了欣賞自己，「大家都知我之前病，病嘅時侯食足一個月藥，係最壞嘅時侯，我嘗試換轉角度諗都幾好，可以喺演唱會前免疫咗，所以好想大家生活中，不能話好偉大要擁抱任何唔好嘅事情，但換個角度可能你會有得著。洪嘉豪呢個人，我對唱歌必須要承認冇天份，但佢會令我形成一個唔會懶惰、唔會睇少任何一個演出、怠慢任何一首歌嘅一個自己，但又搵到自己嘅長處，可以令到大家開心，都係一種福氣，慢慢學識咗自己都唔係咁差。」

Kaho指在這段「Kaho Live」演唱會的日子，學識了欣賞自己。

至於上次演唱會哭成淚人，昨晚Kaho則提醒自己不能再犯，並分享上次「紅館哭了」的後悔和反省，「上次男人流淚，一直係心耿耿於懷，覺得明明一個好好機會，話俾人知我做到，但果次又衰咗，導致「創傷後遺症」，上次紅館啲片我真係冇咩睇過，今晚克服到再唱一次係咪值得俾掌聲！」而這半年間，Kaho同時反省覺得，《黑玻璃》的歌詞寫的完全不是他的性格，但卻能得到大家支持，所以承諾未來會繼續創作，以用歌曲安撫大家。

Kaho分享上次「紅館哭了」的後悔和反省。

又承諾未來會繼續創作，以用歌曲安撫大家。

Kaho對歌迷有滿滿的愛，作為「院友」也自然感受到，所以適逢下星期六Kaho牛一，昨晚演唱會上便播出了來自不同地方的「院友」，為Kaho準備生日應援片段，各人手持「Kaho生日快樂 懷抱永遠也供應」的手幅，多謝和鼓勵Kaho，隨即舞蹈員推出蛋糕，Kaho在台中升起，與現場9000觀眾齊唱生日歌，而Kaho許願後，再邊唱歌邊走到兩面台側與「院友」繼續拍照，在看到每位入場觀眾的熱情，Kaho在唱最後一曲《洗面》，終於也忍不住也以淚洗面多謝大家，最後演唱會在一片感動中落幕。

「院友」們為Kaho準備了生日應援。

Kaho曾提醒自己不能再哭，但最後都忍不住落淚。

以淚洗面多謝大家。

又走到到兩面台側與「院友」繼續拍照

至於錯過了今次《Kaho Live 2024》澳門站的朋友要留意，昨晚演唱會將足本在12月推出Blu ray，到時再有機會欣賞《Kaho Live 2024》澳門站Kaho在台上的耀眼時刻。

恒生銀行（「恒生」）再一次邀請潮流教父葛民輝（阿葛）做代言人，夥拍新生代人氣創作歌手洪嘉豪（嘉豪）、Kiri T及Gordon Flanders，組成星級陣容拍攝全新恒生Preferred Banking廣告企劃。Carry全城打工仔，開恒生Preferred Banking轉用PayDay+ 出糧賺高達5%儲蓄年利率1,2，自己出手加⼈⼯，就係咁輕鬆。

恒生銀行（「恒生」）再一次邀請潮流教父葛民輝（阿葛）做代言人，夥拍新生代人氣創作歌手洪嘉豪（嘉豪）、Kiri T及Gordon Flanders

廣告一開始嘉豪驚訝自己嘅人工加得少少，與Kiri T同Gordon密斟轉去邊度有得加人工。「高層」阿葛趁機獻計「轉工大法」拉攏他們跳槽加人工，嘉豪調教阿葛：「想加人工，唔一定要轉工嘅，轉出糧戶口都得！」

嘉豪扭計人工加得少  阿葛出手挖角  嘉豪反爆「想加人工，唔使靠轉工嘅」

今次是嘉豪第二次與恒生合作，上一次孖住金牌司儀Do姐鄭裕玲拍廣告，面對口才了得又IQ高的Do姐，嘉豪順利過關；今次拍住出名腦筋轉得快兼無厘頭文化祖師的阿葛，嘉豪都招架得住。同樣是第二次跟恒生合作的阿葛，上一次學到只要好好部署，每一蚊的價值都可以無限放大；今次同嘉豪、Kiri T及Gordon擦出新火花，學到好好部署出糧戶口，就可以爆盡份糧每一蚊的價值。

被問到他們第一次收人工的經驗，嘉豪分享：「我第一份工係喺快餐店做暑期工，出糧戶口都係阿媽幫我搞。」至於他人生的第一份糧有幾多？嘉豪表示：「做咗差不多兩個月暑期工，份糧只得3千多元。」至於Kiri T爆自己：「我嘅第一份工係喺咖啡店工作，不過未過試用期就被炒，因為我太廢！記得做咗一星期左右，賺到幾百蚊。」雖然第一份工好短又只賺得幾百蚊，Kiri亦有將人生的第一份糧存入小時候媽媽幫她開的儲蓄戶口。出道大概兩年的Gordon表示：「我第一份人工就係幫嘉豪寫歌，一出糧就用嚟交租！而我用嚟出糧嘅銀行戶口，就係屋企樓下最近嘅銀行開嘅。」跟阿葛同樣是有家室之人的Gordon，坦言太太沒有管著他的錢，反而自己會經常留意銀行的優惠。三位年輕人均表示以前自己選擇出糧戶口較為被動，現在認識了恒生PayDay+，會主動去諗如何將份糧的每一蚊價值爆大。

嘉豪大爆第一份糧搵幾多  阿葛出術唔畀阿媽知自己搵幾錢人工

資歷最深的阿葛繼上一輯拍攝恒生廣告時分享考古有趣事，今次再重溫當年，表示初出來工作時，公司是用支票出糧，他打趣說：「以前出糧會盡量要求收支票，阿媽睇紅簿仔時就唔會知我真實有幾多人工，俾家用可以年年一樣。」被問到出糧的心情，阿葛再次發揮其搞笑又到位的一面，笑言：「我呢啲咁早成家立室嘅，太太會幫我plan好，一出糧已經分配好、安排好，我一早已經有個『人生嘅Preferred Banking』！」更笑言有恒生Preferred Banking用作出糧戶口就不同，可以爆盡份糧每一蚊！

作為藝人不是月月出糧，收入亦不穩定。當討論到有什麼方法加人工，Kiri T竟然大膽提出：「轉公司囉！」此言一出，即引來在場兩位同門師兄弟嘩然，嘉豪笑指：「上年公司幫妳做到咁好成績，你竟然話轉公司！」Kiri連忙耍手澄清：「唔係講我自己，係聽啲返朝9晚5嘅朋友講，可以試吓轉工，咁舊公司為咗留人或者新公司挖角都會加人工。其實，要加人工都不一定要轉公司，轉用恒生PayDay+出糧，就可以輕鬆幫自己加人工！」加入公司年資最淺的Gordon就最實際，直言幫公司每一位歌手都寫歌，多勞多得，希望續約時公司可以加人工，嘉豪笑指他用更多的努力換取更高人工，這不是真正加人工！前輩阿葛撐Gordon：「幫多啲不同歌手做多啲好歌，然後有好成績就可以加價了！」

Kiri T為加人工竟然嗌轉工  Gordon努力做歌相信多勞多得

至於老闆級的阿葛離開打工仔行列好一段日子，現在回想起自己當年亦是為加人工努力做出成績：「我正式返工嘅頭兩年人工低，當時十分勤力工作，唔怕蝕底、唔怕OT，幾乎每3個月就會升職加幾百蚊，跟底薪比例算高。之後轉工加入電台工作，冇主動爭取加人工，反而努力做其他瓣數，例如電影，令自己人工加少少！」

3位歌手拍攝銀行廣告「撈多瓣」搏加人工之餘理財技能亦「升呢」，學到「出糧戶口唔只用嚟出糧」。一向醒目的嘉豪就幫大家計數：「揀啱出糧戶口就可以賺到盡、慳到盡、玩到盡，儲蓄年利率仲高達5%1,2，輕鬆幫自己加咗人工！」慳妹性格的Kiri大讚：「揀出糧戶口梗係揀日常手機銀行服務係$0收費嘅3，可以幫我慳到盡！」最年輕的Gordon當然趁年青玩到盡，表示：「會留意多咗出糧戶口客戶嘅專享優惠，參加抽獎有額外機會，分分鐘贏機票免費去旅行，咁就可以玩到盡！」

嘉豪、Kiri T及Gordon拍廣告  理財技能「升呢」