孖謝安琪情侶裝出街拍拖瘋狂放閃 張繼聰剃鬚示人樣子勁回春

Sweet到爆啊！

張繼聰（Louis）與老婆謝安琪（Kay）結婚17年，育有一對寶貝仔女大仔張瞻（James）與細女張靖（Karina，花名Kakaball），一家四口生活幸福美滿！張繼聰近年一直以鬍鬚造型示人，佬味十足，近日謝安琪就貼出老公剃了鬚的近照，樣子即時回春！

一家四口。

結婚17年依然非常恩愛！

張繼聰一向熱愛電單車，早前與白只等一班電單車友到日本展開五日四夜的Bike Tour，更登上當地雜誌！之後又再陪老婆同遊京都，但隨處都有「第三者」白只的蹤影，近日眾人都已經回港，謝安琪就貼出兩公婆拍拖歎美食的照片及影片，並留言：「沒有鬍鬚的張先生、沒有鬍鬚的張太太、沒有鬍鬚的白先生，沒聲沒息的回港了#白只你喺邊」。

張繼聰早前與白只等一班電單車友到日本展開五日四夜的Bike Tour。

老友白只「如影隨形」。

老友白只「如影隨形」。

更登上當地電單車雜誌。

更登上當地電單車雜誌。

張繼聰表示：「玩到上咗日本雜誌😍✨ #威威司令 🤘🏼」。

張繼聰之後都有陪老婆同遊京都。

相中可見，謝安琪與張繼聰以夫妻裝上鏡，齊齊以cap帽搭配牛仔衫，悠閒又有型！張繼聰更罕有剃乾淨鬍鬚，樣子即時年輕了不少！而在影片中，兩公婆在品嚐美食期間又瘋狂放閃，食食下都要錫錫，甜蜜到爆！

謝安琪小鳥依人般靠在老公膊頭。

剃了鬚的張繼聰看上去年輕了不少。

瘋狂放閃！

Sweet到爆！

不少網民都表示已被兩公婆閃盲，「點解可以一路食一路錫，好sweet呀」、「好似熱戀中情侶，不似生咗小朋友」、「喂你唔好以為我睇唔到你地錫錫」、「放閃couples，正呀喂」、「有冇諗過單身狗嘅感受啫」，亦有人大讚張繼聰剃鬚後回春，「好唔慣見到無鬍鬚的張先生，望到佢個樣，即刻醒一醒。青春又靚仔的張生返嚟喇，好醒神呀」、「張生青靚白淨～後生幾年了」、「無鬍鬚後生好多！」

不過，最好笑的都是蔣祖曼與謝安琪的互動，蔣祖曼留言：「個第三者（白只）終於走啦？」謝安琪就回覆：「我未走啊」，蔣祖曼表示：「係喎，一時忘記咗係你介入佢地之間」，謝安琪又大方笑說：「我好清楚自己嘅位置！」

蔣祖曼與謝安琪互動搞笑！

《裡應外合》未上映已獲國際級影展關注！

由《盜月者》賣座導演袁劍偉領軍，身兼監製、導演及編劇，張繼聰、楊天宇及馬思惠領銜主演，周家怡、余安安、藍靖、莊鍶敏，高戰及張娜聯合演出之英皇電影《裡應外合》宣布將於10月26日（星期六）上映。

楊天宇為角色操肌。（《裡應外合》海報）

《裡應外合》未上映已獲國際級影展關注，先後獲邀參加第23屆紐約亞洲電影節，並先行於七月舉行全球矚目首映，主演之一楊天宇早前更親身飛往紐約現身首映。而好消息一浪接一浪，電影再度獲邀參與享譽全球最大奇幻影展之名的西班牙錫切斯奇幻電影節，更勇闖影展競賽部份之全景單元，於節期之中舉行歐洲首映。

對於電影正式定檔，主演張繼聰大呼興奮：「心情好興奮，因為大家都為呢部戲花咗好多努力，同埋係我比較少接觸嘅角色，拍嘅時候大家都好認真，所以都相當期待。阿聰更表示拍攝《裡應外合》動作場面時難免受傷，他透露：「比較文戲，我今次更想挑戰動作，所以花咗好多時間準備。最難忘拍攝時候受傷，喺一個傷患嘅狀態下拍攝，所以好多謝劇組嘅體諒同遷就。對我自己都係一個好好嘅經驗，忍住痛去完成整個拍攝，幸好出嚟效果好好，今次經驗令自己更加強大。

《裡應外合》劇照

而首度榮升男主角的楊天宇（Angus）得知《裡應外合》將會上映，坦言既興奮又緊張：「心情興奮得來，亦都有少少複雜。始終今次擔任比較重要嘅角色，顧慮嘅嘢會比以往多咗，譬如觀眾對於呢一齣戲嘅反應等等。因為我認為表演係一種「遺憾藝術」。當日你認為自己做得最好，但係過咗一個星期之後，你再思考返，又有可能諗到更好嘅方法去演繹嗰一場戲，更何況呢一套戲係兩三年前拍攝。但係更多於壓力嘅係感恩！我係抱着好感恩嘅心有機會參與呢部電影，亦都會將喺呢部電影所吸收到嘅嘢發揮喺未來嘅作品入面。」

《裡應外合》劇照

提到今次首次與Angus 楊天宇在電影上交流演出，阿聰對其大表欣賞：「我覺得楊天宇係一個好認真、好努力嘅演員，呢部戲佢都好辛苦，所以好戥佢高興，可以喺大銀幕俾觀眾見到佢嘅努力。

《裡應外合》劇照

有別於一般劇情片，《裡應外合》開拍以來一直保持神秘感，有見落實映期，劇情首度公佈一條30秒概念影片，簡單描述電影獨有的世界觀－正常的世界下面，有一個潛藏江湖，而江湖有江湖的規鉅，而所有人都盡力保持平𧗾，唯獨「火龍」破壞盡所有規矩，他太大野心，他要話事，建立自己一套規矩。雖然這條概念影片未有任何真實的演員出現，卻建構起電影獨有的意識及狀態，相當引人入勝。

楊天宇、馬思惠（《裡應外合》劇照）

余安安、周家怡（《裡應外合》劇照）