COLLAR新歌互相貫穿 越南拍MV夠「戲」勢

COLLAR新歌MV玩美式風格！

由Marf邱彥筒、Gao沈貞巧、Day許軼、Candy王家晴、Winka陳泳伽、Ivy蘇雅琳及Sumling李芯駖組成的樂壇女子組合COLLAR，繼早前舉行成軍以來首個演唱會後，又再有突破，即將在11月推出COLLAR第一張 EP《UNIT1201》，而EP會以公路電影為主題，並由一首序幕歌《ROAD TRIP》加四首全新歌曲《SSS》、《CALL BACK IN 20》、《AFK？？？》、《HOME RUN》貫穿而成，喻意這兩年多，在路上雖遇到不同天氣，但她們仍勇於歷險，透過EP帶領大家一同踏上這次Road Trip。

COLLAR即將在11月推出第一張 EP《UNIT1201》。

赴越南拍MV。

COLLAR首張EP《UNIT1201》

Candy 王家晴

Day 許軼

猛人助拳填詞排舞
由年初開始策劃的EP《UNIT1201》，終於在下月面世，今次EP製作團隊陣容鼎盛，除邀請鍾說、Serrini等為歌曲填詞外，EP中的一首歌亦有幸請到國際級女團BLACKPINK其中一位排舞導師Taryn為她們排舞，為加強四首新歌《SSS》、《CALL BACK IN 20》、《AFK？？？》、《HOME RUN》的MV電影效果，COLLAR更遠赴越南取景拍攝，務求帶給大家耳目一新感覺。Gao表示：「EP以公路電影為主題，講述我哋未來分開咗，各自做緊自己嘅嘢，之後逐一聚集番，然後一起向新道路出發嘅故事。」EP中的四首歌，儼如四部曲一樣，按着「UNIT1201」的hints，由Marf開始逐一尋找隊友，Marf指：「今次EP嘅概念唔係啲咩總結，而係從新誕生一個多面向嘅COLLAR畀大家睇。」

Gao 沈貞巧

MV大玩美式風格
打頭陣的《SSS》 昨日推出，《SSS》意思是指「濕濕碎」，是COLLAR出道以來首次全中文歌曲，由鍾雪填詞，據芯駖指：「之前大家有同鍾說溝通，過程中對方問大家對出走有咩畫面及想法，大家都畀咗好多Idea，所以呢首歌都有好多COLLAR想法及故事在內，同埋『濕濕碎』嘅意思，係我哋都入咗女團一段時間，經歷咗好多嘢後，發現原本之前嘅好多嘢都係『濕濕碎』 ，所以不用顧累繼續向前，繼續搵我哋嘅道路。」

《SSS》MV無論在造型及背景上，都帶出濃烈的復古美國公路感覺，Day就笑言《SSS》另一特別之處：「雖然係主打歌，但MV中係冇我哋隊長（Gao）出現，之後劇情係點？同點解冇隊長，大家可以追看我哋嗰幾個MV就會分曉。」

Ivy So 蘇雅琳

Marf 邱彥筒

全英語歌探索方向
究竟EP《UNIT1201》四首歌曲之中，哪一首最有特破？COLLAR認為每首均有突破之處，就好似《HOME RUN》是她們首支全英語歌曲，Gao說：「喺語言上已經好有突破，有全中文同英語歌，全英文可以畀其他地方嘅聽眾聽到我哋嘅歌，發掘多啲我哋嘅可能性。」Winka就認為《CALL BACK IN 20》的曲風上最具突破：「聽落會畀人一種好得意同搞笑嘅感覺。」

至於提到今年COLLAR又舉行演唱會又出EP，還定下甚麼目標想挑戰？Candy指：「嚟緊會去澳門開演唱會，首先做呢個演唱會先，繼澳門之後，衝出其他地方開演唱會，多啲現場表演機會。」Ivy認為出了EP後，最好舉行簽唱會，她說：「好想搞簽唱會，都講咗好耐，而家有EP，可以簽喺EP度。」

Sumling 李芯駖

Winka 陳泳伽

Sumling透露買了好多手信給隊友們。

樂壇女子組合COLLAR成員Sumling李芯駖，日前代表主演電影《望月》，到日本福岡出席由香港國際電影節協會主辦、文創產業發展處贊助的巡迴影展「光影浪潮 - 香港電影新動力 2024」，向世界各地宣揚香港電影，同場還有《武替道》導演Herbert梁冠舜及《贖夢》演員Brian李凱賢。首次撇低COLLAR成員，獨自出埠的Sumling，坦言今趟旅程難免有點孤寂感，但她仍感恩有今次機會，她笑言出發前還嘗試學好幾句日語，跟日本觀眾打招呼。

芯駖、導演Herbert梁冠舜、Brian李凱賢

芯駖、Brian李凱賢

Sumling過往曾到日本拍攝團歌MV及綜藝節目，不過為電影出埠卻是首次，她表示：「覺得同日本好有緣分，之前好多工作都喺日本發生，不過今次非常緊張，好擔心唔識同日本觀眾溝通，慶幸有位非常好嘅翻譯，其實我出發前都有嘗試學一兩句日文，嚟同日本觀眾打招呼。」

Sumling出發前特意學了一兩句日文同日本觀眾打招呼。

首次獨自出埠，Sumling表示不太習慣，她說：「平時一定係一大班姊妹喺身邊，好似之前日本拍《idc》MV，最少人一次都有Gao同我一齊喺日本拍旅遊節目，今次得自己一個，有啲孤寂感，我成日上網update吓，睇佢哋做緊咩，我都買咗好多手信畀佢哋。嚟到日本，見到便利店，就會諗起COLLAR拍MV時，一齊去便利店狂掃嘢食，去舖頭買衫，平時會一齊街拍，你拍我，我拍你，今次得我一個，影少咗好多相。」

Sumling對獨自出埠，表示不太習慣。

提到年底有不少樂壇頒獎禮舉行，今年單飛出歌的Sumling，對於新人獎可有盼望？Sumling指：「反而係平常心，因為出作品，我係好享受過程，好喜歡整個作品由零開始，去到誕生，箇中經歷係好開心，呢個亦係令我想做更加多作品嘅動力，所以重點係作品，對獎項未有太大盼望。」

Sumling對獎項保持平常心。

去年好姊妹Marf邱彥筒成為女新人，對此，Sumling可有壓力？她說：「上年Marf成為女新人，好戥佢開心，好proud of佢。我又冇壓力喎，無論喺團或solo都有好多作品，獎項如果有係感上添花。」未知可會邀請媽媽出席頒獎禮？Sumling笑言媽媽年紀大，留在家中舒舒服服看電視好過。