莊韻澄走出離婚陰霾 性感DeepV造型現身馬場慶生

索媽！

莊韻澄（前名莊端兒）於今年7月26日突然在社交平台發出離婚聲明，表示與經理人兼丈夫呂成忠（Joe）於去年7月起正式分居，正辦理離婚手續，但之後二人隔空展開連場罵戰，鬧出激烈的離婚風波。事隔三個多月，莊韻澄迎來43歲生日，並以性感Look現身馬場慶生，而且笑容滿面，似乎已走出離婚陰霾！

莊韻澄宣布與經理人兼丈夫呂成忠離婚後，二人隔空展開激烈罵戰。

二人育有一子，現由莊韻澄撫養。

莊韻澄近日迎來43歲生日，似乎已走出離婚陰霾。

莊韻澄在IG分享在馬場慶生的照片，並留言：「原來係我今日農曆生日🎂🥰Yeah🥳#hbd again🤣」。相中可見，莊韻澄穿著紅色Deep V斗篷式上衣，搭配紅色短褲，大騷傲人上圍及白滑美腿，又不時彎腰擺pose與蛋糕及鮮花合照，相當吸睛！

莊韻澄日前在馬場慶祝農曆生日。

Deep V性感現身。

大騷傲人上圍！

當然少不了白滑美腿。

彎腰擺pose更是非常吸睛！

不少網民看過莊韻澄的帖文都留言祝福她生日快樂，又紛紛大讚，「Lady in red ♥️ is always pretty」、「嘩。。。妳咁樣會吾會靚爆鏡呀」、「永遠咁省鏡」、「生日真係特別靚過人」、「點解可以咁靚」、「壽星女着紅色特別索！」

莊韻澄再出Po力數前夫！

現年42歲的莊韻澄（前名莊端兒）7月26日突然在社交平台發出離婚聲明，表示與經理人兼丈夫呂成忠（Joe）於去年7月起正式分居，兩人正辦理離婚手續。莊韻澄稱一直擔起所有家庭開支，又指控呂成忠曾在不知情的情況下，帶兒子出走台灣威脅自己，更稱自己飽受情緒勒索的惶恐、言語暴力的傷痛之中。

莊韻澄早前宣布與老公呂成忠分居。

莊韻澄7月26日貼出一封律師信，指與呂成忠由7月起正式分居，現正辦理離婚手續。

今日（7月30日），莊韻澄再度於社交平台發長文談及離婚事件，表示堅拒再受前夫威脅：「首個回應，我唔會關留言亦唔會回留言，只會统一回應呂成忠先生指責。既然呂成忠先生要發動群眾壓力及言論去討伐我，我已經約好今晚第一位聯絡我嘅記者盡快去做個專訪。呂成忠先生永遠都係喺我唔知情況底下或背後做好多動作。如果想復合想做好老公或好爸爸請你正正經經去打份工，搵份要供強積金要交稅嘅穩定收入。而唔係喺我完全供養呂成忠生嘅日子底下連負責分擔我嘅工作都要計較，而我在未認識呂成忠生之前一樣係冇固定經理人都係咁工作！只係我個人主觀理想諗住兩公婆一齊努力搵錢啫！唔好浪費大家時間！我就成就你所想！」

大爆前夫惡行令她不得不分開。

她又力數前夫卑鄙手段與行為：「要撕開肚皮去面對700萬以上人，講真我公開出得聲明就預咗，我唔會再受呂成忠威脅，因為我係公眾人物關係呂成忠先生每日用不同嘅存檔去威脅我或聲言公審我！我會勇敢去逐一回應我係人都有情緒都會做錯事！一切都只係證明呂成忠先生點樣去繼續傷害我同個仔！雖然我冇呂成忠先生咁多計謀咁多設計但你做過鬧過我嘅鬧過我身邊朋友嘅，唔多唔少都會有記錄！呂成忠先生想用公審形式去傷害我唔緊要！但呂成忠先生一定記得一句說話贏場交輸個家！至於有人用傷害人嘅方式，利用人哋嘅家庭糾紛去增流量及利益實屬卑鄙行為！」

莊韻澄今日（30日）再在IG談及離婚事件。

莊韻澄稱拒絕再受前夫威脅勒索。

最後莊韻澄強調：「再次重申本人並無自殺傾向！如果要自殺早死咗唔使咁努力積極去工作！就算受盡天下人言語攻擊！我都會以事實去回應！請呂成忠先生兌現你嘅誓言只要你講一個大話以後都冇得見個仔！多謝你哋令我變得更堅強更勇敢！即使我孤身1人要面對你發動嘅一切事情，我仍然會坦然面對！畢竟哩件先係我人生大事！我係應該面對我嘅人生！我會繼續我嘅工作繼續去湊仔繼續去陪我媽咪，繼續見想見我嘅朋友繼續出ig繼續我精彩嘅人生！我記得自己好細個嘅時候整傷自己，傷口好痛時我會同自己講，放心啦！好返呢就會唔記得咗當時有幾痛！我會每日喊住同自己講一次甚至更多次！但傷口一定會好返事情一定會過去！情緒同傷心一定有但我一定會好返！」