紅磡街市百蚊一條魷魚疑中伏 劏開意外收穫網民：抵！買一送十

街市是一眾家庭主婦的天堂，每日穿梭於不同的街市，挑選新鮮食材是不少師奶的樂趣。不過近日有網民大呻在街市買海鮮中伏，遭檔主以「奇招」呃秤。

網站截圖

街市買魷魚肚內有「意外收穫」

該網民在FB群組「黃埔人•紅磡人•土瓜灣人」撰文，提醒網民及街坊小心。該網友指自己日前在紅磡街市一個海鮮檔買了一隻魷魚，售價$100，雖然事主認為售價偏貴，但海鮮檔老闆指該條魷魚很大條，然而當事主回到家中，將魷魚劏開一看，魷魚肚內竟然有「意外收穫」，相片曝光有網民搞笑指：「抵！買一送十」！

FB圖片

魷魚肚被塞10隻劏好小魚

該網民在FB群組發帖，呼籲大家小心紅磡街市的涉事魚檔，該網友買了一隻魷魚，「阿姐話$100，當下有跟她反應怎麼那麼貴，阿姐話這個魷魚很大條。」結果網友回家劏的時候，發現魷魚肚裡被塞了10隻劏好的小魚。

FB圖片

網友：買一送十仲想點

帖文曝光引來網民紛紛留言：「咁都得！呃人錢，以後唔好幫襯佢」，亦有網友就安慰事主：「有着數」、「咪仲好買魷魚送魚」、「買一送十仲想點」、「雖則呃人唔啱，但其實劏細好花時間，好多檔都話明唔幫人劏魚毛，佢係咪比錯咗第二袋你咋」。

網上經常流出投訴的士服務質素的影片，日前就有港男在深夜乘搭的士，但司機未關車門就已開車，並要在乘客多次提醒下才按製關門，有如搭上了「亡命的士」。

threads 影片截圖

車門完全打開就開車竟慒然不知

這名乘客將事發時的情況拍下，上傳至Threads，只見片中乘客後排座位旁的車門完全打開，看到外面的路旁景色，而且的士車速不慢，情況相當驚險。樓主寫到「揸車之後都冇咩搭過的士，跟住一搭的士就咁刺激，車門都唔使閂」

threads 影片截圖

即使提醒幾次都不停車只撳掣

有看完片的網民問到「司機冇留意到未閂門咩？」，樓主回覆指「冇，如果我冇同佢講佢真係諗就咁車到我返屋企」，又表示「最慘係咩叫住佢仲行緊，叫咗佢幾次佢淨係喺度撳掣唔停車，所以先拍條片出嚟」，似乎司機對車門未關上的情況愛理不理，也不覺有危險。樓主強調「已經提咗佢啦，佢唔停車，淨係喺度撳嗰粒掣」，「一上車就咁樣，唔通跳車」。

threads 影片截圖

網民調侃：的士收費但機動遊戲體驗

網友們都熱議留言，開玩笑地說到「似玩機動遊戲」、「正喎的士收費但機動遊戲體驗」、「人地開蓬跑車，你坐開門跑車」、「其實都幾爽」、「夠大風，唔怕熱」、「冷氣都唔洗開」、「方便落車，又方便逃單」、「沿途望出車外，是命喪的感慨」、「當坐電單車囉，咁你會覺得好安全！」

資料圖片

網友：跌出去碌死咗，告謀殺定誤殺？

當然亦有不少人指責司機危險駕駛，「如果你真係跌左出去，唔只你受重傷，司機都要負責任」、「即係代表咗呢個司機唔會望後鏡、側鏡，安全意識好差」、「跌出去碌死咗，告謀殺定誤殺？」、「司機危險駕駛，一定告得入信我」、「提早跳車連的士錢都慳返，仲可以告佢疏忽賠埋湯藥費，到時仲唔發過豬頭」。