Keep得好係有原因的。
無綫台慶劇《黑色月光》正在熱播，女主角兼視后楊茜堯被讚演技爆發，打鐵趁熱，她仲好積極經營其社交網，務求令人氣再升高啲。45歲的楊茜堯，雖已是兩孩之母，但身材仲保持得窈窕，原來平時食得好清淡。
兩孩之母，但身材仲保持得窈窕
她近日上載一條影片公開其午餐飯盒，見她飯盒內只有奇異果、蔬菜及紅腰豆，超級清淡，她解釋因為工作要保持最佳狀態，更話：「奇異果其實係畀我個仔同個女，不過我阿媽見我出去做嘢，所以益我。」
午餐只有奇異果、蔬菜及紅腰豆
不過正當楊茜堯食指大動時，她發現支叉未洗乾淨，即時「哇」了一聲，之後更分享自己的食蟲經驗：「西洋菜我喺個口度咬，Bo一聲爆咗，枝豆我打開嚟食，有一條蟲瞓咗喺入面，紫菜湯最後一啖入面，有烏蠅，我同蟲係有仇。」又話自己開工一定帶熱水壼，而且仲sweet爆話有老公羅子溢為她定制的一個，更不小心透露二人打情罵俏的對話，她說：「我問佢，點解你自己唔留一個，佢話我留嚟仲乜，你咁大個人喺我身邊。」
發現支叉未洗乾淨，好大反應
分享自己的食蟲經驗
同老公羅子溢經常放閃
兩分鐘近乎零對白場口挑戰演技新高度
由優酷視頻和TVB聯合製作的台慶劇《K Cash業主私人貸款呈獻：黑色月光》，由《新聞女王》總監製鍾澍佳與謝穎再度聯手炮製，並由關文深及權香蘭聯合監製，逢周一至周五晚翡翠台九點半播出，主要演員楊茜堯，王浩信、林夏薇、馬志威、黃翠如、楊卓娜、尹揚明、郭鋒、馬貫東、何廣沛及張頴康等。
呢吓冷笑樣加埋啲笑聲，真係睇到人好爽。
網民：唔使講嘢都知佢諗緊咩
昨晚（4日）劇情講述余滿月Moon姐（楊茜堯飾）為了令仇人蔣基俊（馬志威飾）盡快跌入圈套，以債務威脅蔣基俊跟班Barry（馬貫東飾）助攻。昨晚Moon姐VS Barry場口，在近乎兩分鐘的場口楊茜堯雖然只有四句對白，「你想點」、「你唔係諗住同蔣基俊講呀嘛？」、「你係咪傻架？」等；但楊茜堯憑「連環眼神殺」及視后級「表情包」，配以漸進式「奸險冷笑」再到「大聲勝利恥笑」，還有側頭及擰轉面大笑等動作神配合，成功展現了深藏不露、諗計仔應付、盛怒、不恥、勝券在握、奸險、狠毒、以賴皮抵制賴皮等多重情緒，最後以一個極度不易話為的精神面貌吐出一句：「其實我份人好易話為架咋」，令場口張力十足，爽感十足！不過當不用面對壞人，楊茜堯的表情即180度大不同，例如對著親妹曦晨（黃翠如飾）時總是一臉憐愛，開心的時候眼神更會帶著笑意，難怪獲網民大讚全能型。網民留言：「楊枱（楊茜堯）拎硬視后」、「唔使講嘢都知佢諗緊咩」、「楊做奸角好似呢套咁，有種令人心寒嘅感覺，同阿旺一樣，真係奸又得、正義又得」。
呢個樣話自己易話為，真係搞到人毛管戙。
呢個拎住手袋嘅冷笑樣，絕！
留意番，馬貫東啲樣都好衰格。
正如網民話齋，唔使寫caption都知楊茜堯演緊乜。
呢個準備發圍嘅盛怒樣，正！
漸進式冷笑。
漸進式冷笑。
漸進式冷笑。
氣勢！
楊茜堯劇中都有溫柔一面架。
另一焦點場口，是卓慧雲（林夏薇飾）因賭錢輸掉鉅款，被逼以價值七位數的限量版名牌手袋套現，結果在出席名流社交公開場合時被發現「背假包」，最終獲Moon姐出手解圍…場口在內地引發了極大迴響，「黑色月光名媛背假包」更引發熱搜話題，皆因拆解假包包風波劇情峰迴路轉，當中更包含了滿月及滿星（楊卓娜飾）的姊妹情。該幕最值得留意的，還是《法證先鋒VI：倖存者的救贖》主角之一Nana（蔣祖曼飾）以名模身份現身宴會的天橋上大行catwalk，其中某些鏡頭、祖曼更與林夏薇及文雪兒同場，獲不少網民大讚驚喜。不說不知道，祖曼在場口的亮相時間、扣除楊茜堯及林夏薇的特寫鏡頭，前後只有約16秒，但這短短16秒的鏡頭、卻足足拍攝了大半個晚上，足見製作認真。
蔣祖曼以Nana身份亮相勁驚喜。
蔣祖曼以Nana身份亮相勁驚喜。
蔣祖曼以Nana身份亮相勁驚喜。
祖曼受訪時直認是專誠到《黑色月光》劇組拍攝相關客串鏡頭，笑言很興奮：「咁啱《法證》同《黑色月光》同一時間開工，但嗰日我淨係開《黑色月光》，所以唔係剪接，我係直接進入《黑色月光》劇組，見到楊茜堯同薇薇超開心。呢場戲好犀利，我人生未見過六部機一齊拍咁大場面，好犀利。同埋令我覺得Nana呢個角色圓滿咗好多，因為佢喺《法證》度冇乜實質行過天橋，咁《黑色月光》呢個位就彌補到佢呢個缺口。佳導成日都會埋啲伏筆，好多角色都會喺唔同嘅劇度穿插，呢樣嘢好好玩，最好玩嘅角色，係同一個角色但喺劇組度係接觸唔同嘅工作人員，梳化服都唔同，所以好過癮，我都好期待Nana將來係咪可以再去第二套劇玩。」
