社會事
海洋公園大熊貓盈盈於今年8月15日誕下一對龍鳳胎BB，兩姐弟在海洋公園及內地專家的悉心照顧下暴風式成長，並即將於本月23日迎來滿100日的大日子。
IG圖片
8日，海洋公園在社交網站分享多張盈盈同家姐的親子相片，並搞笑的寫到「肉緊盈媽上線」，相片中的盈盈為大家演繹什麼是「錫到燶」，瘋狂攬實家姐狂錫，而海洋公園小編亦道出家姐心聲：「媽媽~ 我知你好愛我，但係你攬得我太緊啦！」，不過母愛氾濫的盈盈懶理不斷掙扎的家姐，依然肉緊攬緊個女「畀我錫一啖啦~ Muah~」
在 Instagram 查看這則貼文
盈盈母女的親子相片曝光引來網友熱議，大家紛紛留言表示：「家姐完全感受到媽媽這份愛」、「家姐 = 媽媽同細佬嘅攬枕玩具」、「好鍾意第一張相 ， 兩母女好似喺度笑緊咁， 最尾張相， 盈盈媽咪見到個女，乖過細佬B呢個奀皮仔咁多， 肉緊到直頭想一啖吞佢落肚咁樣」
IG圖片
IG圖片
IG圖片
本港天氣大跌溫，天寒地凍，連身穿厚厚「皮大衣」的大熊貓BB家姐和細佬也都一於瞓覺覺豬，家姐話齋：今天我不想做嘢只想瞓。
大熊貓龍鳳胎中的細佬睡到頭岳岳。海洋公園ig影片截圖
大熊貓龍鳳胎中的家姐，身體掛在樹杈上熟睡。海洋公園ig影片截圖
海洋公園社交平台晚上貼出家姐細佬最新影片，小編話，星期日至少做一件懶洋洋的事，而熊貓每日主線任務就正正係瞓覺。
在 Instagram 查看這則貼文
片中的細佬坐在大樹下，背部靠在一條橫在地上的樹幹上，睡到頭仔後仰，嘴仔張開，瞓到非常旁若無熊。家姐呢？抬頭一看，家姐就整個身體掛在樹杈上，安靜熟睡。
大熊貓龍鳳胎中的細佬睡到頭岳岳、口擘擘。海洋公園ig影片截圖
大熊貓龍鳳胎中的家姐睡姿，獲契媽們大讚有儀態。海洋公園ig影片截圖
這樣萌爆的睡姿，當然又引來一眾熊粉起哄：「佢哋啲睡姿好搞笑呀」、「完美示範『90度躺平』」、「細佬你瞓到成個人咁……超搞笑，家姐呢點瞓都係女神，都係咁可愛～優雅不失儀態！」、「細佬斷電mode，放電放得太盡，兩隻都好得意呀，人嚟，同我拎個大麻包袋過嚟！」
大熊貓龍鳳胎中的細佬睡到頭岳岳、口擘擘。海洋公園ig影片截圖
大熊貓龍鳳胎中的家姐睡姿，獲契媽們大讚有儀態。海洋公園ig影片截圖
不過，因為家姐的睡姿係掛在樹上，也引來網民關切這姿勢會否有危險：「睇實D，家姐好似吊頸咁」、「因為家姐姿勢有點危險，且始終是BB，所以才想奶爸奶媽小心些」。大家對呢對銀河唯二的港產大熊貓龍鳳胎真係關懷備至，事事上心啊。
