社會事
海洋公園大熊貓盈盈於今年8月15日誕下一對龍鳳胎BB，兩姐弟在海洋公園及內地專家的悉心照顧下暴風式成長，並即將於本月23日迎來滿100日的大日子。
IG圖片
8日，海洋公園在社交網站分享多張盈盈同家姐的親子相片，並搞笑的寫到「肉緊盈媽上線」，相片中的盈盈為大家演繹什麼是「錫到燶」，瘋狂攬實家姐狂錫，而海洋公園小編亦道出家姐心聲：「媽媽~ 我知你好愛我，但係你攬得我太緊啦！」，不過母愛氾濫的盈盈懶理不斷掙扎的家姐，依然肉緊攬緊個女「畀我錫一啖啦~ Muah~」
在 Instagram 查看這則貼文
盈盈母女的親子相片曝光引來網友熱議，大家紛紛留言表示：「家姐完全感受到媽媽這份愛」、「家姐 = 媽媽同細佬嘅攬枕玩具」、「好鍾意第一張相 ， 兩母女好似喺度笑緊咁， 最尾張相， 盈盈媽咪見到個女，乖過細佬B呢個奀皮仔咁多， 肉緊到直頭想一啖吞佢落肚咁樣」
IG圖片
IG圖片
IG圖片
大熊貓盈盈的一對龍鳳胎即將於11月23日迎來滿100日的大日子，海洋公園預告將於本月23至24日為家姐細佬舉行「百日宴」派對，屆時還將推出一系列以熊貓為主題的活動。
IG圖片
百日慶典派對跨入倒計時，海洋公園7日晚再po出一段有關家姐細佬的最新影片，只見細佬勁興奮狀瘋狂攬實家姐，迫不及待同佢分享好消息「家姐！家姐！聽講公園幫我哋準備緊百日慶呀」，「百厭」細佬由於過度興奮，更數度使出奪命「鉸剪腳」，搞笑的夾完家姐頭，再夾家姐身，而被細佬嘈到無覺好瞓的家姐，則在不斷嘗試掙脫細佬的「鉸剪腳」，勁無奈的同細佬講：「冷靜啲！唔好壓住我先」。
在 Instagram 查看這則貼文
影片曝光引來網友的熱議，大家紛紛留言表示：「細佬係咪痴身啲？家姐呢個熊貓攬枕真係唔易做」、「細佬練定功夫要係百日宴大顯身手？」、「細佬無敵較剪腳我夾！家姐一捐一伸我走！兩隻小可愛就咁就又100日啦？？好感動啊」、「細佬呀細佬，睇到你隻腳仔搭左落家姐個頭度，真係笑死我」、「細佬你當家姐係攬枕」
IG圖片
IG圖片
IG圖片
海洋公園亦再度提醒一眾契爺契媽，家姐細佬就快滿100日了，大家記得Mark實百日慶時間，到時一齊入園慶祝這一盛事啦。
IG圖片
IG圖片
「大熊貓雙胞胎百日慶」
活動日期：2024 年 11 月 23 至 24 日
活動網站：https://hkoceanpark.com/4fA9LPH
活動時間及玩樂設施如有更改，恕不另行通知。
IG圖片
IG圖片
IG圖片
