旦哥表現激動！
寰亞電影《得寵先生》周四（12月8日）上映，男女主角鄭丹瑞（旦哥）與盧慧敏（Amy)馬不停蹄，為優先場謝票，前日（24日）旦哥現身母校「聖保羅書院」校友場次，旦哥一見觀眾席上的老師就爆喊，老師話有追睇他的YouTube 節目「健康。旦」，非常捧場。適逢最新一集節目，旦哥一人分飾兩人，健康旦訪問《得寵先生》廢老「佳叔」，火藥味濃，「佳叔」更掟咪，拂袖而去！
點擊看圖輯
鄭丹瑞與Amy走訪多個《得寵先生》優先場謝票，與觀眾分享拍攝難忘事。
旦哥對老師說：「你（老師）點會嚟睇我做戲㗎，你要我讀書乖，我都唔乖！」
寰亞電影《得寵先生》本周四（28日）上映。
鄭丹瑞與Amy走訪多個《得寵先生》優先場謝票，與觀眾分享拍攝難忘事。
鄭丹瑞在謝票場巧遇中學恩師。
前日旦哥與Amy，以及電影團隊走訪多個《得寵先生》優先場謝票，與觀眾分享拍攝難忘事。其中一場就是旦哥母校同學會包場。在戲院外旦哥坦言心情特別緊張，因為當年教過他的老師亦在場。入場時他故作淡定，向老師鞠躬講「早晨」，老師亦回應他「乖啦」，全場笑聲。
他即忍不住爆喊！
然後旦哥開始口震震，說：「我見到我中學嘅老師，我頭先，依家已經想喊⋯⋯」話口未完就爆喊，他一路捽額頭控制情緒，但仍然激動，他對老師說：「你點會嚟睇我做戲㗎，老師？你要我讀書乖，我都唔乖！」觀眾席上的老師說：「我有睇你YouTube㗎！」旦哥續說：「當年聖保羅老師對我嘅關顧、對我嘅教育，今日希望老師睇到你嘅學生，做一齣好戲俾你睇！多謝！」他再向老師鞠躬致謝。
旦哥對老師說：「你（老師）點會嚟睇我做戲㗎，你要我讀書乖，我都唔乖！」
另外，健康旦和佳叔在訪談節目中，火藥味濃。
而老師提到平時有捧場旦哥的YouTube頻道「健康。旦」，剛好有新訪談環節上架，主持人旦哥訪問電影《得寵先生》超臭脾氣的孤獨廢老「任春佳」（佳叔），兩個旦哥，兩個極端造型，相映成趣。「佳叔」透露「被退休」後變孤獨老人、被女兒誤會、與狗舍和浪浪「燒腩」的恩怨，期間旦哥踢爆「佳叔」兩度吊頸都被「燒腩」拯救，「佳叔」突然老羞成怒，掟咪拂袖離場，氣氛尷尬！
佳叔還拂袖而去。
阿正非常欣賞《得寵先生》團隊認真對待戲中每個角色！
在溫暖小品電影《得寵先生》中，飾演女主角盧慧敏（Amy）的閨密，兼動獸醫診所護士黃正宜（阿正），為演好角色，她專程跟獸醫上堂，學習做手術和急救的知識、動作和專業用語。而阿正生鬼的演出，為電影添上活潑氣息。
《得寵先生》劇照
《得寵先生》劇照
《得寵先生》劇照
《得寵先生》劇照
阿正表示非常欣賞《得寵先生》團隊認真對待戲中每個角色，而且要求嚴謹，她說：「我飾演獸醫診所護士，團隊做咗好多資料搜集，仲安排我去見真正獸醫，去學習，好欣賞佢哋做呢啲前期準備。原來佢哋喺六、七年前已經有呢個諗法，佢哋嘅堅毅和有心嘅程度，我真心好欣賞，因為拍動物嘅戲實在太難！」
阿正獲劇組安排去見真正獸醫，去學習。
阿正獲劇組安排去見真正獸醫，去學習。
阿正獲劇組安排去見真正獸醫，去學習。
阿正非常欣賞《得寵先生》團隊認真對待戲中每個角色，而且要求嚴謹。
其中一幕最令阿正印象深刻，是她與Amy上山餵流浪狗，「嗰場戲好壯觀，Amy行落山，然後有十幾隻狗跟住佢。」Amy憶述這場戲亦好興奮，「首先工作人員移師所有狗上山頂，導演嗌action就全部衝落山。」阿正爆料，「其中有一隻狗狗好有性格，個個跑晒上山，佢就係唔肯跑，堅持留喺涼亭。同狗仔拍戲有一種不穩定性，佢哋唔會識『連戲』，每一take都要自己執生，諗辦法氹佢哋。如果可以透過呢部電影，令更多人認知流浪狗面對嘅問題，我覺得係一個好有意義嘅參與。」
阿正印象最深刻的一幕是她與Amy上山餵流浪狗。
身為動物義工Amy的閨密，經常幫手照顧流浪狗，其中一幕她們拉著手推車，運送裝了狗狗的鐵籠行上崎嶇的山路小徑，非常吃力，但二人有說有笑，戲內戲外都很友愛。阿正說：「喺戲中作為Amy好朋友，佢不顧一切咁為流浪狗，我就比較理性。拍攝時我哋好多即興發揮，我哋好夾，感覺好似識咗好耐嘅好朋友。」
阿正在片中飾演動物義工Amy的閨密，經常幫手照顧流浪狗。
此外，《得寵先生》戲中網民討論度極高的泥灘救狗狗一幕，逾20隻真狗狗同時躺在草地上扮嘔吐、扮抽搐和扮死，嘔吐物全部都是狗狗可進食的食物，非常安全。來自My Dog Fits的犬隻訓練及動作指導師Garrick Sir，非常感謝狗狗和牠們的狗主配合和投入，由邀請狗演員、練習到拍攝，花了接近半年時間。他說：「主要分三個階段，首先搵適合嘅狗狗，然後每星期一次課堂，再根據每隻狗狗嘅進度，慢慢提升扮死嘅能力，第二階段係狗主與狗狗在家練習。」
戲中泥灘救狗狗一幕獲網民高度討論。
戲中狗狗嘔吐物，都是狗狗可進食的食材。
訓練員Garrick Sir協助Amy Lo與狗狗做戲。
由於拍攝需要同時20隻狗乖乖躺在草地上不能動，所以單獨完成動作後，增加狗隻數量和環境變化，以提升狗狗的能力。Garrick Sir說：「有幾隻狗狗瞓低，我再帶其他狗狗喺隔離、或者有人行嚟行去，提升誘惑，令狗狗習慣即使身邊有誘惑都繼續扮死。」最後就帶狗狗到拍攝地點相近的地方練習，氣味和環境盡量模仿拍攝現場，讓牠們適應。
拍攝需要同時20隻狗乖乖躺在草地上不能動，所以要先單獨完成動作，再增加狗隻數量和環境變化，以提升狗狗的能力。
正式拍攝當日，刻意選在黃昏時候，Garrick Sir說：「盡量提供一個無咁熱、舒適嘅環境畀狗狗。首先拍咗全部狗狗瞓低嘅全景，然後逐隻拍近鏡。等埋位嘅時候，工作人員一對一照顧狗狗和主人，在充足食物、飲用水嘅環境下享受拍攝。」大功告成，他表示狗主們好開心，「成個拍攝過程冇狗或狗主中暑！雖然拍出嚟只有幾秒，但佢哋都好滿足，因為佢哋好享受同狗狗一齊成長和學習嘅過程。」
正式拍攝當日，為了給狗狗們一個不太熱、舒適的環境，所以刻意選在黃昏時候拍攝。
拍攝完成得，狗主們都好開心！
