游學修：「有咁嘅成績已經好好。」
昨日（29日）舞台劇《試鏡》的主創人員導演朱栢謙，演員游學修、蘇子情，聯同美術指導張蚊會見傳媒，《試鏡》全劇只有游學修和蘇子情對戲，故此近日展開的圍讀階段，大家都為劇中的台詞、演繹方式進行討論階段。
舞台劇《試鏡》團隊進行圍讀。
剛出席完台灣《金馬獎》的游學修，收拾心情為舞台劇《試鏡》備戰，談到他在劇中飾演導演角色，與來試鏡的女演員蘇子情，產生微妙的關係，兩人在戲中不單止言語間角力，甚至有埋身的戲份。游學修被問到戲中情慾戲份，他謂︰「呢個劇本好複雜，我同子情有好多對話、好多層次，消耗亦好大，排戲時，真係要睇導演想我點做，(會否有裸露？)唔會好露啩，上次演舞台劇《我們很快樂》，嗰次已經除淨底褲，會唔會衝破？真係要睇導演。」至於蘇子情被問到裸露的程度，她說︰「尺度上要隨住劇本，依家未正式排戲，其實可以發生得好舒服嘅。」
游學修與蘇子情首度合作演情慾戲碼。
游學修擦身金馬影帝。
至於游學修在金馬獎男主角角逐中，僅次於影帝張志勇，票數排第二，他笑言︰「驚死人唔知，其實第一次入圍，有咁嘅成績已經好好。」至於當晚揭曉女主角是鍾雪瑩時，阿修表示︰「我大叫咗出嚟，大家都好戥佢開心，但佢好犀利，好平靜，只係話好肚餓同眼瞓，嗰晚去到凌晨四點。」
改編自百老匯著名舞台劇《Venus in Fur》的《試鏡》，講述一位劇場導演正為新劇本進行試鏡，卻遇到一位不起眼的女演員賴死不走，她如何說服導演讓她試鏡？而過程中導演發現這個女演員，不平凡的一面。
蘇子情
朱栢謙
《試鏡》 Venus In Fur演出詳情︰
演員：游學修、蘇子情
導演：朱栢謙
美術指導：張蚊
演出場次： 2025.1.17-19 | 1.23-25 [8pm]
2025.1.18-19 | 1.25-26 [3pm]
地點：香港藝術中心壽臣劇院
票價：$588 | $488
門票將於2024年12月5日，早上10時於Cityline 公開發售
https://cultural.cityline.com/tc/2025/venusinfur.html
《試鏡》專頁： https://www.facebook.com/share/stnaUtDfd6cVY4B7/?mibextid=LQQJ4d
除了謝君豪和朱栢謙，電影還雲集多達五位新生代大獎級演員，以及多名影壇上位新星！
全新黑色喜劇 《一個部門的誕生》由林小强及劉浩良監製，《樹大招風》《神探大戰》兩屆金像編劇麥天樞執導兼執筆，雲集多達五位新生代影壇大獎級陣容壓陣演技大鬥法，當中包括曾榮獲金像獎、金馬獎及亞洲電影大獎的演員－包括《踏血尋梅》白只、《梅艷芳》廖子妤、《白日之下》梁雍婷、《正義迴廊》麥沛東及《但願人長久》謝咏欣擔綱演出，聯乘多名影壇上位新星－包括《年少日記》《那年盛夏我們綻放如花》戴玉麒、《命案》伍詠詩、《正義迴廊》鄧月平大鬥演技，而同片更邀得好戲之人盧宛茵、朱栢謙、蘇宸褕（灰熊）及徐偉棟等加持。眾星正面交鋒，以嶄新黑色喜劇風格，加上過癮啜核對白，合力炮製2025年最強年輕金像陣容聯手交織之攻守舌戰，揭開令人震驚又有共鳴的cut台血淚史！
《一個部門的誕生》由兩屆金像編劇麥天樞執導兼執筆。
電影公司發布邀得金馬影帝謝君豪（豪哥）及演而優則導的朱栢謙（朱謙）加入劇組演出，日前探班同場更有劉國昌及導演麥天樞。豪哥及朱謙接受電影公司訪問雙雙透露，今次受劇本打動演出，豪哥指：「麥天樞係一個好好嘅編劇，今次係佢第一次導演，一定要撐佢喇，劇本相當完整，感受到佢花咗好多心機去寫。開拍前都有開會，有了解導演同編劇嘅諗法。」；而朱謙則分享：「導演好有誠意，同演員有好多交流空間，所以一定要支持佢。導演了解完我哋嘅想法，又會再調整劇本，感受到佢對演員嘅重視。」
謝君豪、導演麥天樞、劉國昌、朱栢謙
被問到二人的角色關係，豪哥透露：「今次我飾演電視台老闆，朱謙飾演電視台行政總監，即係佢幫我打工，我又會讚佢又會責備佢。至於係咪真心，大家就要自己參透。」；而朱謙補充：「電影風格係黑色幽默，所以不按常理出牌㗎。」豪哥笑言：「以我理解，黑色幽默係唔可以胡鬧，係認真到好極致嘅時候就會幾好笑，就會出咗嗰份味道。」
豪哥在新片中飾演電視台老闆。
朱謙則飾演電視台行政總監。
豪哥表示新生代演員之中，戴玉麒跟自己特別多戲份，對方的角色希望停機（cut台），不過因為手續頗繁覆，並發生一連串的事越搞越大，甚至轟動港九，更多劇情則留待觀眾發掘。至於被問到今次有否爆肚演出？豪哥笑指：「導演可以容許，佢冇限制我哋點做，如果有靈感可以同佢分享。」
豪哥在新片中與新生代演員戴玉麒特別多戲份。
豪哥及朱謙屈指一算，已經是相隔14年再度合作，豪哥大爆自己是朱謙的「樂迷」：「雖然隔咗14年先再次合作，其實我一直都睇佢做戲，聽佢唱音樂劇。仲記得2010年嗰陣合作《情話紫釵》，朱謙每次唱音樂劇，我都會去台側欣賞，真係聽出耳油，好有感染力。」而朱謙則表示豪哥對後輩滿滿關心：「豪哥係我嘅偶像同榜樣，佢真係有睇我嘅戲，就算有時喺街撞到，佢真係會講得出我做緊啲咩。好多謝佢嘅指點同對後輩嘅愛。」
豪哥與朱謙今次是相隔14年再度合作。
豪哥自爆是朱謙的「樂迷」。
至於聖誕節即將來臨，豪哥表示今個聖誕會在工作中渡過，「我會為《天下第一樓》到幾個城市深圳、佛山、蘇州、北京、上海進行接近二十場巡迴演出，緊接農曆新年前再返香港演出，就收爐過年。每到一個城市就要好快入台演出，即將要投入舟車勞頓嘅節奏。」至於朱謙則表示：「我接住落嚟聖誕節會綵排舞台劇《試鏡》，好正好搞笑，係關於鹽鹽濕濕嘅嘢。」
豪哥透露今個聖誕會在工作中渡過。
對於甫完成電視節目《選角》，豪哥大歎感動：「呢件事前後接近一年，由開頭摸下摸下，到大家都越嚟越上心，其實大家都好開心，好唔捨得。其實最令我感動，唔單止係參賽者做得好唔好，係我見到佢哋嘅成長，感受到佢哋嘅真誠，令我自己都相當感動，充滿驚喜。好多參賽者都令我喜出望外，又百感交集，見到佢地臨近尾聲都拼湊出好多火花。最緊要畀到一個機會年輕又熱愛演戲嘅朋友，有機會發揮，幫到幾多就幫幾多，希望繼續會見到佢哋嘅成長。」
豪哥指見到《選角》參賽者們有所成長，感受到他們的真誠，令他相當感動，充滿驚喜。
