學校小食部驚人蛋治曝光 網友：鵪鶉蛋嚟講算大隻

一講起蛋治，是不少港人早餐必點的地道美食，雞蛋加上火腿的鹹香，再配上一杯熱鴦，絕對是醒神的一餐。

示意圖片

腿蛋治雞蛋少得令人震驚

近日有網民在學校小食部購買一份腿蛋治，然後三明治中間的雞蛋少得令人震驚，事主網上曬出蛋治相片，狂呻表示：「嗰蛋想點？」

雞蛋大縮水「似有還無」

網友在社交平台Threads撰文，指在學校一個由專營本港中小學食物部集團經營的小食部點了一個蛋治，見到成品嬲到事主要到網上發帖呻：「咁都唔執」，「收我$9嗰蛋想點？」，相片中見到該份腿蛋治，雞蛋大縮水，僅餘一小塊，似有還無。

網上圖片

網友：「你係咪嗌腿治，佢唔覺意跌咗啲蛋俾你咋？」

相片曝光掀起網友熱議，大家紛紛搞笑留言：「你係咪嗌腿治，佢唔覺意跌咗啲蛋俾你咋？」、「真心，我哋學校成個小食部唯一信心保值嘅係嘢飲」、「鵪鶉蛋嚟講算大隻」、「目測佢應該唔夠一隻蛋 9蚊算收少咗你 佢煎完一隻重要用工具分開 做多幾多功夫呀」、「個蛋係反映咗一種後現代主義入面嘅無奈同悲痛」 ，還有網友分享同樣中伏的蛋治，大呼是同路人。

網上圖片

經常有網友投訴有樓上住戶喜歡在晾衫架上曬臘味，令屋外的衣物沾到滴下的肉汁：日前亦有公屋住戶以「隔籬屋曬臘肉，係咪應該要舉報」為題發文在討論區裏公審鄰居，但網民卻不以為意，反而認為相中的另一情況才是「最可恥」！

網上圖片

渠邊還放置地拖盆栽及空瓶空樽

這位網友上載的相片所見，有4條臘肉被吊掛在晾衫架上，而窗外的渠邊還放置了一個地拖、6至7盆盆栽及一些廢置的空膠樽及空瓶子。

網上圖片

眼利網友：應該舉報花盆多啲！

雖然網友的隔籬鄰舍曬臘肉易引起衛生問題，但網民卻認為相中放置在渠邊上的花盆更為危險「應該舉報花盆多啲，（路人）隨時中咗頭獎去見上帝」、「應該舉報花盆多啲」、「臘肉比較安全，其他就......」、「曬臘肉冇問題，但係佢啲花盆／盆栽就有問題」。

網上圖片

網民怒斥是但跌一樣落樓，都中頭獎

有網民更怒斥「真係花盆先最可恥」、「一張相有齊臘肉、花盆、地拖頭、置物架，是但跌一樣落樓都可以令人中頭獎」、「你唔覺得呢家人好自私咩？曬臘肉一定滴油，咁樓下曬衣物嘅點算？地拖頭、花盆跌咗落街揼死人又點算？」。

網上圖片

房署：窗外放有高空墮落風險物品，扣7分

有網友回歸正題，指鄰舍曬臘肉「搞到成個屋村有老鼠㗎」，更有網民同病相憐指「我樓上就係曬臘肉，我啲被袋全部唔要得」。而根據房署的「屋邨管理扣分制」，在窗、露台或樓宇外牆放置滴水物件屬不當行為，可扣3分；在窗、露台或樓宇外牆外掛放或置放有從高處掉落潛在風險的物品（包括簷篷、冷氣機遮簷和其他伸出物），可扣7分。

網上圖片