前HotCha成員黎美言一年修讀6個課程增值 媽媽患肝癌 明言今年「唔容易過」

Winkie好積極。

近年積極轉型的前HotCha成員黎美言（Winkie），成功創立了拳擊舞蹈學校和娛樂公司，近日，她在IG為自己2024年作總結，並指自己一年內修讀6個課程增值，「今年讀咗好多書，考咗好多試，真係堅毅嘅，好辛苦，但係值得嘅。」。

Winkie 熱愛拳擊，自己開埋學校

自己亦係生招牌

她又指﹕「永遠保持歸零學習嘅心態一直向前進，真係深深認識我嘅朋友，知道我係一個好有目標嘅女仔、好有夢想嘅女仔（sorry已經係女人了）」現年37歲的她指因「愛自己」而進修，今年完成了伸展及運動治療師、健康管理師認證、恒生大學頒發的可攜式光療師證書（了解細胞修復）、正向心理學導師課程、保險理財及投資策劃顧問課程。

積極轉型，今年狂進修讀6課程

她指進修係「愛自己」的表現

不過原來2024年，Winkie過得不容易。她提到，年初最愛的14歲愛犬因關節問題需要長期悉心照顧，媽媽則被診斷為一期肝癌，雖然手術成功，但仍需定期復診。此外，她的Fitness公司受到移民潮的影響，經營面臨不少挑戰，從租金到運營都需要不斷想辦法求存，「但係我沒有灰心，心境決定境界，我選擇將悲憤化為動力去讀書！」，又指自己以積極的態度面對生活中的挑戰，「保持正面心態，因為我知道每個人喺社會都唔容易過。相比之下，我嘅經歷實在小事一則，我仍然有手有腳行得走得，有飯食，實在已經感謝天父，感恩。」

雖然今年Winkie 過得不容易，但她保持積極