得寵先生｜盧慧敏與「大樹下」義工帶狗狗分享 宣揚領養不棄養

「大樹下」資深義工JoJo表示，只要給予適當的照料和愛心，流浪狗狗亦可以成為家中寵物。

溫暖小品電影《得寵先生》踏入上映第三周，宣布票房衝破300萬港元，口碑載道。電影宣揚保護流浪動物和關懷長者，戲外團隊除了義賣tee籌款和捐糧到狗舍，日前電影女主角盧慧敏（Amy）、導演兼編劇李志偉（Thomas），與「大樹下善待動物庇護站」（「大樹下」）資深義工JoJo，帶著狗狗「自來」和「MayMay」，以及訓犬師Garrick Sir和Fish姐姐，與狗狗「Dolly」和「Kabi 」，到「仁濟醫院蔡衍濤小學」，舉行「生命教育——愛護小動物 領養不棄養」分享會，讓逾百位小學生與狗狗親密接觸，現場充滿興奮笑聲。

Amy與導演兼編劇李志偉、與「大樹下」資深義工JoJo及訓犬師Garrick Sir和Fish姐姐，帶同4隻狗狗到「仁濟醫院蔡衍濤小學」。

舉行「生命教育——愛護小動物 領養不棄養」分享會。

分享會開始前，義工帶著「大樹下」的「自來」和「MayMay」入場時，原本靜靜地在台下的同學們立即興奮起來，狗狗經過他們身邊時更伸手輕輕撫摸，又驚又喜，非常可愛。「大樹下」資深義工JoJo介紹牠們原本都是被遺棄的小狗，她說：「『自來』本來係山上流浪狗，義工燕姐每日到去餵，有一日同佢講：『如果你行入嚟大樹下，我哋以後有粥食粥，有飯食飯。』然後佢真係行入嚟，所以就叫『自來』。已經嚟咗十年，最鍾意人嗌佢個名和影相。至於MayMay就係義工哥哥喺垃圾站發現，當時佢只有三個月大，依家未夠兩歲，最鍾意食零食。」JoJo表示只要給予適當的照料和愛心，流浪狗狗亦可以成為家中寵物。

左起：「大樹下」資深義工JoJo，Amy，導演Thomas，訓犬師Garrick Sir

狗狗「MayMay」（左）、狗狗「自來」（右）。

「自來」和「MayMay」原本都是流浪狗。

JoJo表示，只要給予適當的照料和愛心，流浪狗都可以成為家中寵物。

之後，Garrick Sir、Fish姐姐、狗狗Dolly和Kabi示範戲中部份動作練習過程，並邀請同學仔與狗狗玩小遊戲。Amy分享拍攝時與狗狗的相處秘訣，她說：「其實人和狗狗都一樣，最重要係關心和陪伴，可以用說話、眼神、擁抱，你哋可以攬吓隔離位嘅同學仔。」台下同學仔起哄並互相擁抱，之後Amy和義工、Fish姐姐等，分別帶著狗狗走入同學仔之中，讓他們互相接觸，全場一片歡笑聲。

Amy和訓犬師Fish姐姐。

白色狗狗是「Dolly」，牧羊犬則是「Kabi」。

Garrick Sir、Fish姐姐與狗狗Dolly和Kabi示範戲中部份動作練習過程。

邀請同學仔與狗狗玩小遊戲。

Amy和義工、Fish姐姐等分別帶著狗狗走入同學仔中。

讓狗狗與同學仔互相接觸。

全場一片歡笑聲！

活動結束後，Amy仍然好興奮，「好開心因為演出呢部電影，然後參與到咁有意義嘅活動。我人生第一次同咁多小朋友近距離接觸，見到佢哋望到狗仔嘅反應好開心，禮堂充滿笑聲、尖叫聲同埋雀躍嘅表現，令到我哋整個團隊更加投入，互相都有好好嘅影響。」她還笑言：「今日之後，我更加敬佩拍戲時遇到好多小朋友同埋動物嘅演員和團隊！」

Amy在活動結束後仍然好興奮。

笑言今次活動後令她更敬佩拍戲時遇到好多小朋友和動物的演員與團隊！

Amy透露為了今次分享會悉心「打扮」，「有一次『人寵場』遇到一隻好熱情嘅狗仔，佢撲埋嚟整甩咗隻耳環，好彩佢無食到。所以為咗狗狗嘅安全，我今日唔戴任何首飾，100%『悅娜』（戲中角色）、100%義工，而且紮行馬，可以接受狗狗任何形式嘅擁抱同埋濕吻。不過今日冇擁抱又冇錫錫，但拖住狗狗同小朋友接觸，係另一種難忘又開心嘅體驗！」

Amy好受狗狗歡迎。

Amy好受狗狗歡迎。

大家都好有愛！

溫暖小品電影《得寵先生》上映踏入第三周，口碑載道，台前幕後都非常振奮。戲中飾演動物義工「悅娜」的盧慧敏（Amy），日前與導演兼編劇李志偉（Thomas）和飾演「佳叔」外籍女婿的陳俊利，到大埔林村「浪浪之家」狗舍捐狗糧和物資，得知這款狗糧營養高，連人都可以進食，她二話不說放入口。期間她「悅娜」上身，搬狗糧、清潔尿尿、餵食和陪牠們玩，弄得一身小腳印和口水，揚言是「幸福烙印」！

Amy日前與導演兼編劇李志偉和飾演「佳叔」外籍女婿的陳俊利，到大埔林村「浪浪之家」捐狗糧和物資。

今次多謝Buddy Bites贊助超過450kg（約1千磅）狗糧給《得寵先生》捐助「浪浪之家」。幾十包狗糧堆滿足手推車，Thomas導演和Buddy Bites的代表Bryan合力推車，而Amy和陳俊利就各自捧住幾包，一同送到狗舍並放入糧倉。Amy說：「剛才運送狗糧嘅時候，出現咗一個『幸福滿瀉』畫面，因為一架手推車唔夠裝，跌咗幾包落地。雖然幾十包糧，好似好多，但其實只夠兩星期食用。除了狗舍嘅狗狗，仲有餵開嘅流浪狗和其他暫托狗。眨吓眼就食晒，所以要呼籲各界繼續捐物資和糧食，幫助狗狗或者不同動物團體，同埋支持領養不棄養。」

Buddy Bites贊助超過450kg狗糧給《得寵先生》捐助「浪浪之家」。

幾十包狗糧堆滿足手推車。

眾人一同送到狗舍並放入糧倉。

踏入狗舍，Amy立即「悅娜」上身，走入狗BB的房間餵狗，見到地上有狗尿就立即清潔和消毒，期間又溫柔地和狗狗傾偈。接著走到空地，帶著零食的她大受狗狗歡迎，十幾隻狗狗熱情地圍著她，還撲到身上。當她蹲下時，狗狗更投入她懷抱，又舔她臉和嘴，逗得Amy哈哈大笑。

踏入狗舍後，Amy立即「悅娜」上身。

走入狗BB的房間餵狗。

見到地上有狗尿就立即清潔和消毒。

帶著零食的Amy大受狗狗歡迎。

十幾隻狗狗熱情地圍著Amy。

十幾隻狗狗熱情地圍著Amy。

當Amy蹲下時，狗狗更投入她懷抱。

當Amy蹲下時，狗狗更投入她懷抱。

又舔Amy臉和嘴。

又舔Amy臉和嘴。

逗得Amy哈哈大笑。

期間Amy被發現偷食狗糧，她說：「呢款狗糧人都可以食，Bryan都有食，因為好高蛋白質，我偷偷地食咗一粒，無乜味，其實貓糧都係無乜味，我試過，好奇嘛，好多主人都會試食。好開心有呢啲咁健康、充滿營養嘅狗糧畀呢度嘅狗狗。」

Amy被發現偷食狗糧。

Amy指狗糧人都可以食，因為好高蛋白質。

「浪浪之家」創辦人April，就是《得寵先生》Amy飾演動物義工「悅娜」的原形人物，電影開拍前Amy向她取經，了解動物義工日常運作和面對的人和事。Amy說：「好開心見返April，佢依然好忙，照顧好多狗狗，成個人發光！而我一嚟到就好似返入角色，見到有尿尿就抹，有消毒就即刻攞嚟用，勾起好多拍攝嘅回憶！」

Amy與「浪浪之家」創辦人April。

Amy讚April照顧狗狗時成個人發光！

Amy得知當日有三隻小狗被領養好開心，但同時知道將接收二十幾隻山上的流浪狗，狗舍負擔好大亦令她擔心。Amy說：「最初我以為April打理狗舍和照顧流浪狗，係一個有愛心嘅女人，認識之後發現佢仲好堅強和好忙碌，有好多問題要解決。」April說：「其實唔只我，每位喺香港搞狗舍嘅場主都好困難，都有自己嘅煩惱。」

April坦言每位在香港搞狗舍的場主都好困難。