Jer盛讚「絕世筍工」一次過滿足兩個願望！
每年又一城的聖誕裝飾都別出心裁，今年一反傳統棄用歐美式布置，將Sanrio人氣角色HANGYODON首次帶來香港與大家共渡普天同慶的聖誕佳節，上月開始到2025年1月1日，舉辦《HANGYODON • HONG KONG WINTER FUN FEST 2024》，當中以5米高的雪山造型HANGYODON取代傳統聖誕樹，極具視覺震撼；更有HANGYODON鳥居、登山纜車及雪人等精美打卡位，加上會場獨家及期間限定店的多款限定周邊商品！
點擊看圖輯
柳應廷（Jer）化身「梳毛師」神秘現身又一城《HANGYODON • HONG KONG WINTER FUN FEST 2024》。
Jer替「兒時偶像」HANGYODON梳毛超治癒！
柳應廷（Jer）化身「梳毛師」神秘現身又一城《HANGYODON • HONG KONG WINTER FUN FEST 2024》。
Jer替「兒時偶像」HANGYODON梳毛超治癒！
上月開幕即惹來全城哄動，極多「HANGYODON迷」到來朝聖及搶購一系列精品，亦熱爆各大社交平台，更成為多位名人紅星與網友的打卡熱點，大家除了爭相一睹精靈可愛的雪山HANGYODON外，連替HANGYODON梳毛的工作人員也掀起網絡熱話，大讚「梳毛師」是「絕世筍工」寓工作於療癒，又一城更將特別推出節日限定梳毛體驗！而日前一位「梳毛師」唯美而穩重的背影更成為城中熱話，吸引大家紛紛競猜背影誰屬！
盛讚「絕世筍工」！
答案終於揭曉，原來日前神祕現身又一城的「梳毛師」正正是MIRROR的唱歌擔當柳應廷（Jer），見他一邊溫柔地幫HANGYODON梳毛，一邊眉開眼笑，如此童心未泯，果然不負「柳三歲」的美譽！Jer樂不可支地說：「今次來又一城幫HANGYODON梳毛相當開心，它的毛毛相當柔軟，加上我一直很喜歡這個卡通人物，更可以在『無人之境』用梳帚幫它梳理毛毛，梳得齊齊整整，又可以親手觸碰HANGYODON的順滑毛毛，感覺超級有趣！」
一次過滿足兩個願望。
自認眼仔睩睩加名模唇似足HANGYODON。
哭出傷痛真眼淚！
柳應廷（Jer）2024年度最後一首派台歌《沒終點的青春》，跟樂迷一同談論成長課題，他更為歌曲在拍攝MV時特別化了一個老妝，化身90歲老翁，而MV中的情節，亦令向來感性的Jer哭出真眼淚。
柳應廷（Jer）推出今年最後一首派台歌《沒終點的青春》。
唱出成長及生老病死等課題。
在經歷過月亮三部曲後，Jer今年的第四首作品《沒終點的青春》，唱出成長、生老病死等課題，Jer介紹道：「頭三首歌走入咗幻想世界，未必咁多人可以代入到故事，所以去到第四首，好想寫一首關於每一個人都經歷過嘅嘢。我有好多歌曲都鍾意講關於遺憾同失去、講人生中嘅錯過，今次喺製作歌曲時，同小克傾傾下就聯想到時間同生老病死嘅topic，講一個人由得到，到失去，再去到學懂放下嘅過程。」
Jer指成長是人生必經階段，當中不能避免各種取捨。
Jer扮演一位90歲的老翁。
成長是人生必經階段，當中不能避免各種取捨，Jer有感而發道：「成長係一個你必須要面對選擇嘅一個step，例如選擇升學、就業，到讀完書選擇職業，又或者繼續追隨夢想；成長往往都係好殘酷去迫當事人去做一啲決定，你可能會因為呢啲決定放低咗一啲嘢，又或者選擇放棄夢想，係好殘酷。」個人以外，還有面對其他各式各樣細節，例如家庭責任、生活與生存，這些都影響一個人的人生走向，但Jer很想藉著《沒終點的青春》，給大家一個溫馨提示，他續道：「有好多因素令到一個人冇咗以前後生嗰種純粹，以前後生好想做就去做，好想試就去衝，今次《沒終點的青春》某程度上係有少少提醒大家，要保持住年輕嗰種向前衝嘅心態，唔好俾生活或者成長去迫使自己呢個人磨平所有稜角，變成一個好純粹嘅社會齒輪。」問及Jer最難忘的人生階段，他表示是畢業後的日子，他分享道：「畢業後冇做嘢，攞咗兩年嚟全職玩音樂，係咪有好多成就？就冇嘅，純粹只係同朋友每星期夾3、4日band、出下show，學咗好多樂器，唱咗好多歌，自從嗰段時間就好鍾意唱歌，所以特別難忘。」
嘗試特技化妝。
說到未來，Jer很想預視自己老來的模樣，在今次《沒終點的青春》，他便有得到這個機會！Jer說：「我都幾想睇下自己老咗係點，所以特登喺MV入面有一啲造型係俾我自己跳到去未來，睇下自己將來係點，預視自己將來老咗係點。呢個老咗嘅樣，我爸媽都未必接受到。對我嚟講係幾得意，好似一個實驗，俾自己睇下自己老咗個樣會係點，又或者俾fans睇下我老咗會係點。」MV講述男主角在臨終經歷人生走馬燈，回想起多個人生重要片段，當中不少情節都很寫實，Jer更因此觸動了感性神經，在片場哭起來。「MV有一幕講我爸爸走咗，我要俾媽媽一個好溫暖嘅擁抱，場面有少少傷感，因為我拍嘅時候好代入到個故事就喊咗。喺現實生活你唔會想有呢個情況出現，但MV現場就覺得好似真係發生緊，所以好難忘，又感動。」
代入角色面對至親離世劇情。
Jer在《沒終點的青春》親自飾演男主角，結果要扮演一位90歲的老翁，他亦因此嘗試了特技化妝，他道：「化老妝用咗好長時間，試妝都用咗4個妝，真實化妝用咗4個鐘，事前更抽咗一日去倒模自己個樣，都真係花咗好多時間。出到嚟見到自己特技化妝嘅老樣係好真實，原來自己個樣老咗係咁樣。好多謝化妝師用咗好多心機同時間去研究點樣做到一個好似嘅老樣，都做得好好，再加埋服飾，覺得自己好似變咗一個8、90歲嘅伯伯。」
令向來感性的Jer哭出真眼淚！
