近日有不少人趁著長假期出遊，但早前有港女因帶哮喘藥，被機場安檢職員截停，職員態度更是激到她無名火起，事情惹來網民熱烈討論。
示意圖
港女帶哮喘藥安檢被截停
早前，一位港女在社交平台以「香港究竟發生咩事？」為題發文，直指自己近日在機場準備外遊時，在過安檢的途中就被當值職員截停，而事件起因竟然是單單因為一枝哮喘藥！
threads截圖
職員1句質疑惹爭議
事主被截停時，當值男職員說「你個袋有支氣體」，事主亦坦言回應「 係呀，係我支哮喘藥」。誰知該名男職員竟揚言「我都希望係哮喘藥」。聽到職員似乎話中有話，事主雖十分不爽，但仍「打開個袋」供對方檢查，並補充「個袋得枝哮喘藥係氣體」。對方回應道「哦，好呀，係哮喘藥就得啦」，並對負責截停她的女職員無奈表示「係哮喘藥黎，幫你唔到」。
香港哮喘會圖片
網民分享同款無奈經歷
針對兩位職員的言論，事主嬲爆大呻「請問，呢兩位人員係咪應該再培訓？可以咁樣講野？」、「咩態度？咩意思？」。大批網民旋即分享類似經歷，有人表示「幫佢唔到？乜捉到人有違禁品變左KPI咩？幾恐怖喎」、「老實講covid前啲機場保安正常好多，好efficient。而家啲保安似商場看更，咩都唔識，我都試過哮喘藥、非壓縮face spray（得英文）俾佢拎出嚟研究成分鐘。」、「我嗰次拎100ml藥水上機，有晒label。個女職員問我咩嚟，我話藥水嚟嘅，我有醫生紙，然後佢話正常唔俾上機架，因為咁大支我唔知你入面嗰啲係咪藥水嚟，我地每樽液體上限係100ml。但樽藥水寫住100ml….佢問返我轉頭乜原來支藥水係100ml….」。
TVB《飛常日誌》劇照
有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！
$100紙因1原因拒收
樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。
FB截圖
拎另1張$100再拒收
樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。
2張銀紙上有約1厘米的裂痕
從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。
FB圖片
網民批「吹毛求疵」
帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。
有人指做法無可厚非
但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。
示意圖
網民曬同款經歷
另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。
「霉霉爛爛」紙幣可否用？金管局拆迷思
「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。
示意圖
