遺失八達通報失前被瘋狂嘟！有網民在失物群組發文，指先前在旺角唔見八達通，結果報失前已瘋狂被嘟，拾獲者在44分鐘內嘟咗$229.4！
八達通官網圖片
44分鐘內嘟$229.4
樓主在facebook「香港失物報失及認領群組」發帖，指12月16日晚在旺角遺失了八達通，結果在報失前八達通就被人拾獲並使用。從八達通APP交易紀錄可見，當晚20:41在瑞華行消費$80，1分鐘後再消費$30，21:02在Mastery Toy又消費$68，之後搭港鐵車費$7.4，最後21:25在唐記包點消費$44。44分鐘內總共被嘟去$229.4。
FB圖片
樓主當破財消災：唔諗住攞返
樓主坦言「唔諗住攞返，但希望呢位執到嘅人可以多謝我施捨畀你」，因為「cut卡」要幾小時，沒想到在這段時間已被拾獲者使用，「已當破財消災」，他自言有不慎之處，「但良好嘅品德都好重要，食埋呢餐飯買完玩具培養下自己啦」。
網民1眼睇出拾獲者身份
網民一看消費模式主要買玩具，推測可能是小朋友，「瑞華行都係買玩具」、「一睇個消費就知係小朋友」、「『兇徒』看來經常去MK 買玩具」、「感覺似小朋友」、「年紀大啲嘅，大大力咁嘟，點會重慳住食唐記」。
八達通卡（資料圖片）
但部分人認為沒直接關係，「扭蛋唔係細路專利」、「發現偷人八達通嘅都係會消費唐記 、大家樂、大快活」，但都安慰樓主「當聖誕老人送玩具俾弟弟」、「請問餘額還有多少？如果不多，就當做善事，心情會好啲」。
有人建議樓主報警
不少人建議樓主報警，「如果你本身係剩好多，而佢咁樣消費有哂紀錄嘅話係可以拉到人」、「報警實拉到，佢去啲地方有cam，你咁樣係縱容啲賊下一次犯案」、「需要報警，但期望不大」。樓主回應指，自己3年前在餐廳被偷手機，餐廳雖答應提供閉路電視紀錄，但最後一樣不了了之，所以並不打算報案。
示意圖片(圖片來源:星島日報)
