姚焯菲享受聖誕不忘為新歌作準備 公開錄音室照展示認真一面

唔知新歌幾時正常推出呢？

18歲的「聲夢小花」姚焯菲（Chantel）早前完成IB公開試及在新西蘭的最後兩年中學學業回港，除了積極出席不同活動外，下月初還會以「熊」家親戚身份加入處境劇《愛．回家之開心速遞》，而音樂方面，她早前受訪時曾透露有計劃推新歌，並自揭會有新嘗試。

Chantel回港後即積極出席不同活動。

下月初還會以「熊」家親戚身份加入《愛．回家之開心速遞》。

Chantel近日在IG分享聖誕節期間的靚相，並留言：「i loveeeee christmas!」相中可見，Chantel先晒出拿着聖誕樹公仔和免公仔，嘟嘴賣萌；之後她PO出與女友人的「人生四格相」，更見她換上貼身短裙又化了靚妝，如此悉心打扮，似乎是去參加聖誕派對！此外，Chantel還貼出一張在錄音室認真錄歌的照片，相信「小菲象」好快就聽到Chantel的新歌！

Chantel分享聖誕節期間的靚相。

帶愛犬愛出。

與女友人影「人生四格相」。

又悉心打扮去玩。

相信這個聖誕節過得很充實。

當然少不了為新歌做準備！

著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。

李居明大師稱屬狗與屬猴人士，在蛇年當中運勢最旺。（本網記者攝）

李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」

同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」

（本網記者攝）

屬猴藝人：張敬軒

屬狗藝人：姚焯菲（Chantel）

李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」

他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」

要小心腳傷。

李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」

增加了轉工、搬屋同旅遊的機會。