餐廳打邊爐要唔要自己熄爐？食客無熄火遭公審引兩極反應 有人問：唔通要洗埋碗？

餐廳打完邊爐要自己熄爐？最近有網民拍照公審餐廳食客在打完邊爐後沒有關爐就直接離開，令火鍋湯底和食材仍滾燙地冒煙，網民仲留言「想火燭？」。

示意圖。設計圖片

食客離開爐具仍見火種冒煙

雖然原帖疑被刪除，但網民早就將帖文截圖分享至其他群組。從帖文可見，樓主上傳了1張在餐廳內拍攝的照片，並批評有食客「打完邊爐，火都未熄就走咗走，想火燭？」。

FB原帖

相中拍攝了1張4人枱，相關食客已經離開，只留下一桌的餐具和碗碟，其中火鍋仍滾燙冒煙，爐具仍有火種。

網民：關掉爐具只是舉手之勞

轉載帖文的樓主同樣批評涉事食客「而家啲人平時有工人啩，呢班人可能綁鞋帶都唔識」。帖文惹來網民熱議，有人認為順手關掉爐具只是舉手之勞，食客不應留下火種就離開，「每個爐都有跟個鐵蓋畀你臨走整熄佢（爐）㗎喎」、「阿媽係女人都要教？用手熄（爐）」。

FB圖片

部份網民反串樓主：洗埋碗啊？

不過，部份網民就指關爐的責任不在客人身上，應交給店員處理，「呢啲爐你想個食客用咩嚟整熄佢？」、「出去食飯，食完梗係走㗎啦，需唔需要執埋嘢，洗埋碗啊？」、「點解唔係員工過去，要個客去整熄佢啊」、「你記得下次出街食飯，食完之後執好晒嘢，洗埋碗，抹好晒張枱，砌好晒人哋啲嘢先至好走啊」。

示意圖。設計圖片

有大頭蝦早前在上環丟失銀包，沒想到附近竟有好心店主拾獲，更出動自家法寶，製作出萬無一失的鐵柱掛銀包仔妙法，靜候物主自行回頭認領。

unsplash示意圖

樓主出帖曬妙法

樓主早前在facebook群組「西環變幻時」以「冇打開過冇睇過，純粹路過邊個跌咗銀包仔自己嚟永樂街執返」為題上載相片。

FB截圖

膠紙捆著錢包掛柱

可以看到，相中街道旁的店舖均拉了閘，而一條疑似路牌綠色鐵柱上則有一個啡色錢包。至於點解錢包能掛柱上，全靠樓主「妙招」——膠紙。有網民好奇「邊個有膠紙喺身咁厲害」，獲樓主回應指「應該係隔籬舖頭執到黐上去嘅」。

FB圖片

轉載各群組望失主見到

有網民緊張地以一個「推」字作留言，希望將事情推廣開去讓大家知道，有人則索性建議轉載至「香港失物報失及認領群組」，增加讓失主見到失物的機會。

unsplash示意圖