胡定欣與陳展鵬雙雙現身晚宴，同場還有佘詩曼、唐詩詠等。定欣與展鵬緋聞甚囂塵上，更被拍到二人同車密會，消息傳出後，無論外界或好多圈中人都認為二人很相襯，大部份都讚好二人拍拖。然而，二人於宴會上一改常態，刻意避忌全程零交流，不但謝絕一起受訪，正當傳媒想促成二人合照時，助手竟拉開定欣，場面尷尬！
胡定欣被拉走不影合照。
胡定欣和陳展鵬被拍到同車食糖水後首次同場，晚上齊齊盛裝出席晚宴，不獲安排一齊做訪問，又被拉走不影合照，被問到是否應該收貴點？定欣笑言：「我們日日都有開工，其實沒避忌，都唔知點解唔一齊做訪問，都應該係大會安排。」
至於問到有否再一起食糖水？她表示時間上夾不到。那展鵬有否再車她回家？定欣直言：「有呀，大家都知道我被停牌。（黃）智雯都知踢爆這件事後都即刻同我報案，還請我食飯補數。」她又解釋要停牌半年，現尚餘三個月。
對袁偉豪笑稱都不敢車她，留給展鵬車，定欣說：「我都唔敢亂叫袁偉豪車，佢有女朋友。其實好多朋友知道我冇得揸車，都會主動話車埋我，好似豹哥（單立文）等。（依家展鵬車你？）外景有時有啲山旮旯地方，外景開廠，同事好心車埋我，其實好casual。（佢咁gentleman舉動會否加分？）佢係好gentleman。（試下發展？）我們在戲入面發展先啦，佢係我拍檔，我們九成工作都是在一起，角色又要好friend好夾，所以都要一齊研究好多劇本。」
被問到為甚麼不拍合照？展鵬感愕然並說：「我都唔知咩事，可能呢排影得太多合照。（唔一齊做訪問？）咁要問返公司，可能公司驚我講錯嘢。」
他又強調二人只是同事和好拍檔的關係。至於會否有機會發展？展鵬冷笑了兩聲說：「好難答，定欣是一個好好的女仔，可能是自己有問題，有怪癖，我咁多年來的緋聞都是假的。」
