直播靈接觸｜睇樓唔使帶小朋友有「平替」？茅山師傅胡秀聰揭「陰陽眼」有遺傳

由梁思浩、黃紫恩（Jojo）及黃耀英（Darren）主持的《直播靈接觸》昨晚（3月4日）主題為「靈異小兒科」，請來茅山師傅胡秀聰擔任嘉賓，他處理過很多小朋友撞邪的個案。

《直播靈接觸》昨晚（4日）請來茅山師傅胡秀聰擔任嘉賓，主題為「靈異小兒科」。

對於坊間傳聞買樓可以帶小朋友同行，感受靈異反應，胡師傅表示確實可行，但並不推薦，他解釋︰「小朋友感觀世界係靈敏嘅，但無必要就唔好嚇餐飽，一陣睇醫生仲煩。」他表示-小朋友可以感應到靈體，跟他們腦內松果體仍未萎縮有關︰「小朋友8歲前個松果體仲用得到，容易睇到我哋睇唔到、感受唔到嘅嘢。體質弱、精氣神較差嘅小朋友亦較易撞鬼。」他建議「平替」可帶貓狗睇樓，還來得實際。

胡師傅不推薦買樓帶小朋友同行，感受靈異反應。

胡師傅提到「靈力」會有遺傳，他的一名徒弟兒子，就遺傳了父親的陰陽眼，他說︰「徒弟開頭都唔知囝囝有遺傳，直到有次囝囝喺廳大叫，話見到風扇有個阿婆嗰頭喺入面，嗰次係兩父一齊見鬼，都幾恐怖。」有人千方百計想封印靈力，但亦有人視為特異功能。胡師傅透露有位大肚後生女客人，希望BB能遺傳自己的陰陽眼，理由是「個個睇唔到，佢睇到喎」。

胡師傅指「靈力」會有遺傳。

節目中梁思浩提到「喊驚」，意指小朋友受驚過度或者玩得太癲，導致魂魄不齊變得呆呆滯滯，在圍村就會為小朋友「喊驚」，思浩笑說︰「啲圍村婆婆就會唱《喊魂歌》，不停講『返來喇、返來喇』。以前啲細路仔返鄉下都會帶多件衫，遇到玩得癲魂魄走咗出嚟，就會攞件衫唱《喊魂歌》，叫返魂魄上件衫。」Jojo透露台灣有類似的「收驚」儀式。除本人可親到公廟進行外，亦可由家屬代勞，方法跟「喊驚」類似，她說︰「將一件當事人有袖衫放入袋，由師傅焚香頌經，返到屋企着返件衫。」在台灣亦有人為寵物舉行「收驚」儀式。

台灣有為人及寵物舉行的收驚儀式。

台灣有為人及寵物舉行的收驚儀式。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（3月25日）播出最後一集，請來肥媽Maria Cordero擔任壓軸嘉賓，主題為「中年好驚陰」。

昨晚肥媽擔任壓軸嘉賓。

昨晚節目一開始梁思浩便感激觀眾及網民支持，並宣布未夠一年時間，留言數目已超過一百萬，成績亮麗。肥媽接着登場，她提到丈夫施曉洋離世前最後一段日子，他曾吩咐肥媽要為自己燒金銀衣紙，她說︰「臨走前佢話『雖然我天主教嘅，驚無錢使。我有一日走，你記得燒嘢畀我』所以做足儀式，破地獄都做齊，仲燒咗架紙紮Harley Davidson、Kawasaki電單車、四驅車，全部一比一。另外仲有球拍、樂器，全都係佢生前嘅興趣同嗜好。」肥媽表示跟丈夫的愛很真摯，希望能替對方多做點事。在頭七回魂夜當晚，肥媽預備了丈夫最愛的提子包及叉燒飯，她說︰「第二日個麵包無咗一啖，令我覺得老公喺我身邊。」她形容丈夫像沒有離開般，在身旁守護自己，就好似有趟天氣很冷，房中兩部冷氣忽然開動，肥媽認真的說︰「我知係老公，跟住我話『唔好玩嘢呀』。」事後才知是丈夫希望啟示肥媽要保留相機、鏡頭給孫女。肥媽又透露丈夫雖已離世近5年，但二人仍然存在「聯系」。她笑言但凡在家中有什麼物件找不到時，只要憑空喝一聲，該物件就會輕鬆找到，非常神奇。

肥媽談到跟亡夫的connection。

思浩藉肥媽故事助煒烈走出陰霾。

思浩自爆曾借肥媽跟亡夫的故事，令甘草演員煒烈走出喪妻陰霾。他表示跟煒烈原本不熟識，但敬重對方跟太太的情義︰「他經歷同太太10幾年癌病鬥爭，兩人依然相愛，可惜太太最後都不敵病魔。」思浩形容煒烈自此仿如失去靈魂，他說︰「佢唔返工、唔拍劇成日以淚洗面，好似行屍走肉。見到佢幾個月都係咁。」最後思浩跟煒烈講了肥媽的故事，解開對方心鎖︰「我同佢講人走咗都仲喺你身邊，你咁愛太太，如果佢企喺度望到你而家咁樣，會唔會好傷心？」思浩直言對方有段時間曾想過「唔做人」。

《直播靈接觸》昨晚播出最後一集。