人妻港姐陳倩揚剛剛踏入33歲,收到丈夫兒子的生日驚喜外,亦不忘推動公益事務,團結媽媽們的力量成立「香港地創業媽」,身體力行鼓勵媽咪創業。
陳倩揚正日生日難得不用工作,丈夫還特意放假陪她,倩揚表示:「送完大仔義廷去小一面試,諗住兩公婆拍吓拖,放肆咁食個五餸車仔麵簡單慶生就算。點知返到屋企竟然有意外驚喜,老公除安排家傭煮我最鍾意嘅腐皮卷同手拍青瓜外,飯後三父子趁住我沖涼就火速咁換上我最愛嘅粉紅色衫,由兩個囝囝捧出一個好靚嘅粉紅色蛋糕。」
丈夫這個充滿心思的安排經充滿驚喜,壓軸還送上新手機和同系列電腦。有個這麼體貼的丈夫,陳倩揚邊說的笑:「11月輪到老公生日,但至今我未有任何頭緒同佢點慶祝。」至於生日願望,她希望一家人身體健康,事業穩步上揚。
關於「香港地創業媽」,陳倩揚透露將會於10月29日舉行一個萬聖節派對,到時可以燒烤、有市集、鬼屋還會有表演。她表示:「上次中秋節喺觀塘已經搞個一個大型市集,今次係第二波,其實舉行呢類活動係冇錢賺嘅,旨在畀到機會媽媽們創業,為夢想而戰,好多擺檔嘅本土產品都係出自媽咪嘅手藝。」
此外,陳倩揚稍後還會替明年啟播的奇妙電視主持一個飲食資訊節目《細細Love》。對於為奇妙電視主持一個飲食資訊節目,倩揚自言是為她度身訂造,因為她非常渴望能主持飲食節目,她會在節目中做親子菜和健康素菜,還會加入育兒資訊,她還笑言:「最重要係人工好ok,係一個開心價,可能佢哋睇到我嘅社交平台同直播,覺得好啱佢哋嘅節目方向,如果可以,下次做旅遊節目都唔錯。」