胡定欣陳展鵬唔介意「情侶檔」開工

出爐視帝陳展鵬笑稱已經「找數」錫咗視后胡定欣，而定欣都話如果觀眾喜歡，不介意繼續同展鵬一齊開工，兩人始終無正面回應緋聞。

本網記者攝

定欣說很開心《城寨英雄》奪獎：「除咗有我哋兩個，阿Ben（袁偉豪）、君馨，同我哋有最佳劇集、歌曲，好圓滿，明日出發到台灣拍《同盟》外景，回來先慶祝。」提到找數錫定欣，陳展鵬話唔尷尬，笑稱無話過會嘴對嘴：「呢幾個月一路多謝媒體支持，大家開心。」

被問是否繼續保持緋聞賺錢，定欣說賺錢唔係最重要：「事業上遇到好對手、好拍檔，可以演一齣好戲，大家過程中可以互相進步同學習，係我哋最大收獲。當然如果觀眾之後好喜愛，又（有人）繼續搵我哋工作，我哋係好開心嘅。」

陳展鵬亦指第一定同定欣合作，是觀眾對營幕情侶感覺良好：「媒體睇到外界feedback之後會咁樣支持我哋，成件事好順理成章，希望接下來可以同定欣拍多啲唔同類型劇集。」被問會否緋聞成真，定欣說人生要有多點時間才能有其他想法，笑稱已跟展鵬「朝見口晚見面」。

陳展鵬期望新劇《同盟》明年有好成績，但同定欣一樣避談戀情：「一路以來，我都係保持平常心，睇吓媒體會唔會一路好主動，希望不好困擾到胡小姐，其實一向有呢啲新聞最重要都係唔好影響身邊嘅人，其實點寫我都無問題，第三者又試過，寫我破壞乜嘢都試過，最重要唔好要影響身邊嗰個人就OK。」

胡定欣：「是我的福氣。」

9月9日是胡定欣牛一，但為免影響fans準備開學，定欣每年都在8月中提早與影迷慶祝。日前定欣先在香港與近120名來自香港、澳門、國內及新加坡fans舉行首個生日聚會，席間定欣以歌曲及小遊戲、一對一合照感謝他們支持，同步細聽每位影迷分享，定欣道：「好開心我的說話可以鼓勵到大家，是大家走下去的動力，你們已經做得好好，俾我更叻！」

胡定欣提早與粉絲搞慶生派對。

在生日會上定欣即席獻唱。

與影迷慶祝生日的次數，定欣笑言十隻手指都不夠數，有一些更加由小朋友開始，一轉眼已是十年以上資深鐵粉，所以每年的生日聚會，慢慢已經變成好似家人間的聚會，今年聚會上，定欣更逐一聽每位影迷分享對自己的感覺，定欣說：「這幾年收的心意卡，出現最多的字是DSE！在你們想放棄、沮喪時，多謝你們想起我的工作態度、我的每一句鼓勵說話和我們經歷過的每一個moment，我想說你們已經做得好好，能夠成為你的嘅精神支柱真的是我的福氣，一直覺得是你們給我力量，聽到你們每一位分享時，好感動！我忍住了眼淚，那份影響力原來遠遠超出我想像。」

感謝粉絲不離不棄。

與粉絲大玩遊戲！

定欣感動表示：「好開心我的說話可以鼓勵到大家，是大家走下去的動力，你們已經做得好好，畀我更叻！」

生日會上圍繞近期大熱電影《反轉腦朋友2》作主題，定欣與影迷玩遊戲派禮物兼即場獻唱，影迷則即席畫不同的定欣肖像，非常有趣，而被問到定欣屬於那種性格？她說：「我覺得會因不同環境而變成I或者E人，我鍾意戶外活動同朋友聚會，但有時人多或者陌生人的地方，阿焦就會出現，應該是當刻環境不可能放鬆做自己，正在學習慢慢改變，不要給阿焦長期On panel，多給機會Joy主持大局，哈哈！」而稍後定欣會飛上海在與當地影迷一同慶生！

對定欣而言每年的生日聚會，猶如家人的聚會。

定欣先在香港與近120名來自香港、澳門、國內及新加坡粉絲舉行首個生日聚會，稍後更會飛到上海與當地粉絲一同慶生。