蘇麗珊（Cecilia）於電視劇《無間道》在羅嘉良面前跳艷舞，又與男主角王陽激咀，坦言拍這幾場戲勁緊張，導演見她騰晒雞，下令清場拍攝。
蘇麗珊於電視劇《無間道》有跳艷舞場面。
Cecilia第一次拍電視劇便要跳艷舞，他同場其他女演員跳得太出色，笑言擔心跳到似機械人，擔心被比下去而勁緊張：「第一次係鏡頭前跳舞，條裙又短又低胸，仲要喺嘉良哥面前跳，心情非常緊張，但都要硬着頭皮跳。因為我本身唔識跳舞，隔離嘅女孩子又扭得好厲害，所以拍攝前要特訓， 勁練咗幾十次先至夠膽喺鏡頭前跳。好多謝Toby（梁靖琪）花咗一日嚟教我跳舞，收咗工都專登留低陪我壯膽，俾咗好多信心和支持我。」
蘇麗珊笑言擔心跳艷舞跳到似機械人。
她又直言打戲和跳舞戲難度一樣高，但兩種感覺不同：「可能因為我細粒，又唔夠力量，所以覺得好難制服到賊人，效果搞笑。不過打戲動作快，加上後期剪接後見得下人。但跳舞就好驚觀眾睇咗會覺得好流，仲要喺咁多前輩面前跳舞好尷尬，更加緊張。」她謂大家見她驚到都不敢笑，仲要清場拍添，結果出來的效果都好滿意。
蘇麗珊滿意出來的效果。
此外，劇情講述王陽到夜總會搶羅嘉良販毒生意，期間遇上蘇麗珊飾演陳永仁女兒陳玥琪，情急下強吻蘇麗珊，成功避過追捕卻硬食她一大巴掌。雖然不是營幕初吻，但Cecilia拍吻戲前仍難掩忐忑心情，原來真正問題不只是害羞：「拍強吻戲要做掙札反應，有幾次因為撞咀要NG，再加上緊接我摑王陽一巴，反應唔連接又要NG，又要再錫和再打。王陽好好，佢叫我唔好就住打，要狠狠真打，真係打到佢面腫㗎，非常唔好意思！」
王陽情急下強吻蘇麗珊。
《一些事一些人》已經上架！
由主音張明偉、鼓手陳偉倫、吉他手黃嘉麟和低音吉他手李兆偉組成的本地獨立搖滾樂隊Charming Way剛剛推出新歌《一些事一些人》，新歌由樂隊作曲，邀來Adrian Chan監製和梁栢堅填詞，合奏出人生的譜曲。
《一些事一些人》劇照
《一些事一些人》劇照
《一些事一些人》劇照
《一些事一些人》劇照
《一些事一些人》劇照
《一些事一些人》劇照
創作上，新歌的弦樂部分更是遠赴德國錄製，而所有樂手均來自香港，整個作品動用了超過60位工作人員，齊齊花了大半年時間去完成這件心血結晶。新歌MV邀請了蘇麗珊擔任女主角，許倚榕以及樂隊各成員等亦客串演出。故事講述了女主角從出生到步入社會，反映不同人都會同樣面對的心路歷程。回憶片段像走馬燈般一幕幕重現，雖然看似微不足道，卻在不知不覺中塑造了我們的生命旅程。
《一些事一些人》劇照
《一些事一些人》劇照
《一些事一些人》劇照
《一些事一些人》劇照
《一些事一些人》劇照
曾因拍攝TVB處境劇《愛．回家之開心速遞》火速入屋的張明偉除了是演員外，亦是一名音樂人，其樂隊Charming Way最近送上最新作品《一些事一些人》。張明偉說：「呢兩年離開舊工作，投入做好嘅歌俾大家聽，真係好唔容易，活在香港呢個地方真係好多未知數無窮無盡咁打埋嚟，但生活往往就係咁，相信大家都同我一樣，受到各方面挑戰，希望呢首歌可以同大家一齊勇敢去克服！」
Charming Way新歌《一些事一些人》
Charming Way藉着新歌跟樂迷分享：「無論經歷多少、分歧多大、情感多深，我們始終無法逃脫彼此的牽引。在浩瀚的宇宙面前，人類的存在顯得極其渺小。每一次相聚和離別，彷彿都是萬物秩序中微不足道的一部分。我們共同面對命運的無常，卻也珍惜著這份難得的緣分。窺探着人生的走馬燈，讓我們一起見證著生命中的喜怒哀樂。在廣袤的宇宙中，透過你和我彼此交織，再次一起找到屬於自己的獨特意義。」
