郭政鴻日前於有線節目跟隨世界桌球冠軍吳安儀學習桌球,在吳安儀的教授和鼓勵下,成功挑戰連續入球的考驗,被吳安儀大讚有天份。
郭政鴻曾在電視劇中飾演球技精湛的桌球手,但現實中的他原來對桌球一竅不通,並於有線節目《星級導師》跟吳安儀「學篤波」。吳安儀笑言:「我以為佢好叻,直程想過去求佢表演俾我睇,點知原來佢冇學過,對我呢個新手教練有啲難度。」而則郭政鴻指拍劇用鏡頭遷就,所以好少接觸桌球,完全唔識打。
桌球非常講究專注力,過程中難免遇上困難。郭政鴻幸得吳安儀的鼓勵:「應該正面啲諗,有失誤時,當成一個機會去學習改善。」他在吳安儀短時間內教授絕門秘技後,成功挑戰連續入球的考驗。吳安儀大讚他所有姿勢都做得不錯,好多初學者未必做到:「佢整體表現好好,比我想像中有天份。」