《職場反眼》：陪阿女見工

Mary來電約我下星期去觀塘hightea！雖說今日的觀塘已儼然一個CBD(Central Business District)，但hightea就當然要去high卡士的半島喇！問落至知原來我呢個個同學個女要去觀塘見工。哦！但係我都未哦得完，問題就來了，阿女見工關Mary乜事呢？

原來佢要陪阿女去見工，佢話阿女都想，但係老公就叫佢唔好，所以約我hightea當係飲茶唔係陪見工，冇咁罪惡感喎！哈，搵我過橋！

「你唔好陪阿女去見工呀！」我話。知道自己睇住佢大的小女孩要見工，不無感動，但也一定要阻止這個阿媽行錯第一步！

我的理由很簡單，反正這是他第一次見工，就讓他自己撞下，當一個有潛質的年青人知道過程中只有自己時，會懂得格外小心，這是他成長的機會，大人不應搶走！而且面試過程中，「等」是不可缺少的一環，一來這可能是公司刻意安排的考驗，二來也是公司為了方便自己而同一時間安排幾個人同一時段見工。

當然是你等佢好過佢等你喇！在「等」的過程他未必會打電話給朋友又或打回家，但如果他知道媽媽在附近，在等得太久時他可能會打電話叫媽媽唔好陪佢等；另外你又可能見乜咁耐重未走得，又或擔心有甚麼意外而打電話去問佢有冇事，於是佢悶悶地又乘機同你呻下，你心掛掛又問多兩句，呢幕母女情深確係好感人，但係就真係乜工都唔駛見，你養埋佢下半世算喇！

不過，唔陪個女去見工唔等於唔理佢，好似今次去觀塘，雖說果度今日已經唔係工廠區，但係搭巴士唔知幾時至有車到；搭的士又怕塞車；搭地鐵又驚觀塘九龍灣不分而盪失路，咁做父母就可以先陪佢去一轉，肯定左見工地點，計埋所需交通時間，咁見工果日就擔心少一樣。

      

另外，在見工前幫佢對下文件，記住係幫佢對，唔係幫佢執！亦可提佢帶定幾張相，雖然而家講求「平等機會」，好多大公司都唔會硬性規定俾相，但係人地問起，你有就總好過冇！而且佢個女咁好樣，交相有著數囉！最後就是前一日要養足精神，睇下見工果間公司的資料，雖說是青衣(trainee)，請左你之後會有好多機會認識公司，但係知多尐總好過口啞啞，何況而家個個都係名校畢業生，預備越足機會越大！

至於hightea，當然出番半島喇，我鍾意飲濃茶嫁，果度啲茶葉要幾多有幾多呀。

何嘉麗

** 博客文章文責自負,不代表本公司立場 **

鄭丹瑞（旦哥）生日快樂！

鄭丹瑞（旦哥）今年踏入68歲，旦哥今日（11月27日）在IG PO出多張提早慶祝生日的相片，並寫﹕「由懵吓懵吓，到醒醒定定，由天馬行空，到腳踏實地，感恩有一班同路人，陪伴我行咗24,820個日子，68歲了！同自己講聲生日快樂，同我個女珉珉講聲生日快樂！同我嘅家人以及愛我嘅朋友講一聲：永遠愛你們！」

鄭丹瑞與細女一齊慶祝生日

鄭丹瑞與細女一齊慶祝生日

鄭丹瑞與細女一齊慶祝生日

旦哥罕有地曬出一家四口的全家福，有老婆「沙律」、有大女Zaneta及細女鄭珉。亭亭玉立的兩位女兒非常吸晴。大女Zaneta現職時裝編輯，而細女Natalie則是鋼管舞及瑜伽導師。

曬一家四口幸福照

除了與家人慶祝外，在相片中，又見到其他好友，包括《三個小神仙》的何嘉麗與林珊珊、陳德森、郭富城經理人小美也有到賀，能夠與家人及好友一起慶生，阿旦每張相都笑到見牙唔見眼。

《三個小神仙》合體

有不少好友到賀

阿旦與珊珊、何嘉麗的《三個小神仙》當年紅爆廣播界，伴着不少聽眾一起成長，3人的細水流長的情誼至今已近40年，非常珍貴，也勾起不少網民回憶。