無綫實況節目《有樓萬事足》下周首播，其中Seasun的「冇樓唔好白撞」言論成為熱話，她出席宣傳活動時，坦言不擔心節目出街會受非議。她仲話做港女好驕傲，不擔心被網友圍插。
Seasun唔怕「冇樓白撞論」被插。（本網記者攝）
22歲的Seasun今午與五位《有樓萬事足》的受訪者到荃灣出席宣傳活動，並即場以「有樓有真愛」為題作辯論比賽。對於在節目中說「冇樓嘅話就唔好白撞」、「男方買樓才是表達愛的方法」惹起熱話，她解釋說：「每個人對於擇偶條件心中有一啲要求。呢個節目畀人分享對買樓嘅辛酸故事，樓價高有乜感覺。係一個好好嘅渠道去發洩民憤。」
《有樓萬事足》的宣傳。（本網記者攝）
對於節目未出街已被封為「港女」，她說：「我自己好少去諗壞嘅方面，港女都可以係一樣好嘢。有人話我係港女，我好proud of我自己係港女。（擔唔擔心節目出街後，自己被人鬧？）唔一定諗呢方面，睇你嘅心態出發點好定唔好。」提到司儀蔡康年大爆她於節目中曾說過「有樓先有高潮」，她解釋在節目中都是做回自己，但未必對潮語太了解。
Seasun話做港女好驕傲。（本網記者攝）