習主席出席慶祝回歸20周年大會，致辭時講得好坦白，令不少政界人士紛紛議論，其實佢講到香港的經濟發展問題，亦同樣講到好白。佢認為香港要聚焦發展，係第一要務，係香港的立身之本，亦係解決香港各種問題的金鑰匙。
習主席又提到香港是一個多元社會，對一啲具體問題存在不同意見，甚至重大分歧並不奇怪，可以求大同、存大異，但如果陷入「泛政治化」的旋渦，人為製造對立、對抗，咁就不僅於事無補，而且會嚴重阻礙經濟社會發展。
佢話香港雖有不錯的家底，但喺全球經濟格局深度調整、國際競爭日趨激烈的背景下，也面臨好大的挑戰，直接香港經不起折騰，經不起內耗。習主席呼籲港人團結起來、和衷共濟，先能夠將香港這個共同家園建設好。香港背靠祖國、面向世界，有好多有利發展條件和獨特競爭優勢。特別是這幾年，國家的持續快速發展，為香港發展提供了難得機遇、不竭動力同埋廣闊空間。
習主席講到呢度，特別引用了一句香港俗語「蘇州過後無艇搭」，現場出現一遍笑聲，主席見到台下的反應，亦相當開心。在笑聲中，其實呢個話題十分嚴肅，講到香港發展轉型，按習主席通篇講話的論點，可以推論，香港要成功轉型，亦係要回歸一國，把握中國發展的機遇，坐上中國發展的快車，如果唔係，就真係「蘇州過後無艇搭」囉。
Ariel
** 博客文章文責自負,不代表本公司立場 **
