呢個星期不斷睇到全民投票的網站被黑客攻擊，真係好擔心今日投票會受影響，懷著戰戰兢兢的心情上到公投的App，竟然能夠順利完成投票，一到投票日就好番，真係奇蹟，昨日仲聽講話個網站仍然受到嚴重的黑客攻擊，正式開始時可以好番晒，希望多啲人珍惜呢個表達權利的機會。
面對咁強大的對手，佔中三子雖然顯得弱小，但佢哋背後有正義的市民支持，真係好感恩，港人可以爭取自己的權利而努力。
好多人話投票的三個方案都太激，中共唔會鐘意，亦唔會接受，乜我哋依家要按人哋的意思來投票咩，我哋依家就係要俾啲顏色北京睇，我哋唔鍾意佢哋想點就點，港人有權選擇自己認為合適的方法嚟普選。
唔好唔記得三個方案都係選出來，就算本來唔鍾意呢三個方案的人，好似陳方安生咁，都叫大家出來投票，重要係表態，我哋要爭取一個符合國際標準的民主普選。加油！
Katniss
** 博客文章文責自負,不代表本公司立場 **