歐鎧淳出海玩划板三點式晒健美身材

如果歐鎧淳開班授徒，定必大受歡迎！

「女飛魚」歐鎧淳相約友人出海玩划板，穿上藍色三點式泳裝的她將健美身材表露無遺。她又上載照片及影片，與網友分享水上活動帶來的快感！

再一次恭喜「劍擊女神」Vivian！

港隊今屆巴黎奧運奪金希望、有「劍擊女神」之稱的江旻憓（Vivian），今日（28日）凌晨在重劍決賽中面對法國選手時，雖然一開局一度以零比四落後，但江旻憓半點沒有氣餒，沉住氣一分一分慢慢後來居上、反敗為勝，成功為香港爭奪首面巴黎奧運金牌！

身處巴黎的無綫奧運採訪隊，至飛抵當地後一直致力為觀眾搜羅既多元又有趣資訊，及最新鮮滾熱辣奧運第一手消息。昨晚隨著江旻憓（Vivian）殺入女子重劍Final、奪金呼聲高企後，台前幕後即作出即時部署，結果TVB奧運特派專員何振然最終成功抓緊時機、排除萬難第一時間爭取了Vivian奪金後第一個訪問！

由於是奪金後首個訪問，Vivian全程真情流露，一邊受訪、一邊忍不住流下開心的眼淚，Vivian 邊流淚、邊傻笑說：「我仲係唔相信，我唔知講咩，我每日起身都話畀自己知唔係今日比賽，到今日終於比賽喇，我好驚聽日起身又要比多次賽。」談到三年前八強止步忍不住淚灑，江旻憓又笑又喊謂：「我諗三年前我係話我唔要輸咗喊，因為我要贏咗先喊，所以我依家要喊晒出嚟。好多謝我團隊好多人支持我，我次次輸係輸我自己做得唔好，所以我好對唔住大家，今次我終於冇做得唔好喇。」

膝頭哥先後動過兩次手術的Vivian，原來今次於奧運比賽前一個月，因為膝頭哥又受傷，一度連進攻都「打唔到」，如今Vivian不但能克服膝頭傷患問題，更勵志地奪得奧運金牌，難怪她大叫感恩：「我覺得所有壓力都唔係咩，只要可以享受到比賽，可以打到畀大家睇，我就好感恩。」並按何振然要求向在香港支持自己的觀眾及隊友打招呼：「你哋係咪起咗身睇我呀？辛苦晒你哋，希望你哋可以瞓覺呀。」相當Sweet。

除了Vivian，何振然還成功邀請到Vivian教練Octavian-Petru Zidaru（Tavi）訪問，對於愛徒勇奪奧運金牌，Tavi以英文笑言：「我到依家都唔相信，可能聽日我會相信！」提到Vivian由零比四「絕地反擊」，Tavi 評Vivian「戰術穩定、自信及Motivated」，他又感激香港粉絲在現場的熱情打氣及支持，並笑言熱情度沒有輸給主場法國選手的支持者。

身為Vivian隊友兼為無綫專業評述的連翊希（Coco），在錄影廠直擊Vivian奪冠後心情大為興奮兼感動，一度為隊友開心至眼紅紅的她，在直播時說：「我哋唔喊嘅，真係超級感動，我相信全香港市民，唔止我，都係十分之感動，因為見到Vivian咁多年嚟一路一路咁進步，無可否認由2016年起，大家已經睇好佢攞獎牌，但就成日好似爭少少，作為隊友，大家都戥佢心急同緊張，但見到嚟到2024年，巴黎奧運（佢）今次終於圓夢喇，咁我戥佢戥教練十分高興。」

在頒獎禮後，Coco即時與Vivian隔空連線，再度感動到眼濕濕的Coco問Vivian有否Enjoy比賽， Vivian竟Sweet爆向Coco笑言：「場地係你鍾意嘅紫色，好靚呀！」之後Coco問回到選手村第一件事會做甚麼？Vivian可愛地說：「我要食士多啤梨！」氹得Coco笑逐顏開，錄影廠其他主持則同聲讚Coco了解VIvian：「估中晒！」 Vivian則說：「好多謝你送畀我嘅士多啤梨花同埋祝福。」Vivian說罷對着鏡頭狂派飛吻，Coco則以心心手勢回敬，畫面十分有愛。

在游泳比賽方面，TVB奧運特派專員兼有「飛魚王子」之稱的方力申（小方）成功邀請了四位參加4 X 100米自由泳接力的港隊運動員歐鎧淳、譚凱琳、鄭莉梅及簡綽桐進行訪問。

四位異口同聲表示現場氣氛相當好，小方又爆料指已是第五度參加奧運的歐鎧淳，原來有個封號叫「五朝元老」，對此淳淳靦腆謂：「多謝大家畀咗個咁嘅稱號我。」對於小方連日來線上線下（鏡頭前及自己社交網）均努力為大家貼身直擊巴黎奧運最新消息，網民大表讚許，並留言讚小方表現好：「方力申做主持越來越有自信，自然流暢同到題！」