有錯在先還要出惡言~
網上圖片
等巴士要排隊應該是常識吧！但有乘客竟不滿打尖上巴士遭車長勸阻，而取出電話拍片公審，更大罵車長「成世揸巴士」又揚言要放上網。
網上圖片
片段在巴士車長的群組流傳，並轉載至「巴士的事討論區」。據片段顯示的日期，事發為昨午的5時許，一名男乘客從紅磡海底隧道站上車，但車長隨即向他表示「排隊，你見唔到後面有條龍㗎？」未料，他回覆指「我睇唔到，咁點呀？我係睇唔到，唔係打尖！」
網上圖片
男乘客其後站在車頭位置以表不滿，車長則要求他行入，「我企係邊度唔阻你」，強調他會先讓其他坐好，重申「我以為無人上，唔係有心打尖」，期間車長並沒有出聲反駁。
網上圖片
未料男乘客突然指斥「你滿意未呀？巴士佬，成世揸巴士啦你！」巴士車長對該男乘客的「突襲」未有太大反應，反擊指「咁你就成世搭巴士。」男乘客其後取出電話拍下車長的樣貌；車長則提醒他有行車記錄儀，認為事件起因由他插隊引起，「你擺上網，我又擺上網囉！」
片段流出後，網民一面倒支持車長，「自己唔啱仲要咁Ｘ大聲」，「搭車排隊係常識，唔駛教呀話」，認為做巴士車長並無問題，大讚巴士車長有急才「對答得好」。