大女呷細佬醋偷流淚蔣怡心痛承諾多陪伴

娛圈事

大女呷細佬醋偷流淚蔣怡心痛承諾多陪伴

2018年11月11日 17:02 最後更新：17:13

為人母不易~

蔣怡（Coco）以代言人身份現身產後護理中心開幕禮，細仔翁羽已5個月大，她的身形也回復纖瘦，透露做了5次古法紮肚療程後，全身一共減去42cm，更認為育有兩個小孩已經足夠。她稱照顧兩小孩頗辛苦，最辛苦兒子初生4個月，因為未戒夜奶，而且日間要湊大女翁容，更大爆長女對細仔有少少呷醋又好愛錫，女兒亦對她講全世界最鍾意弟弟，不過女兒試過因呷醋匿埋流眼淚。

Coco說：「女兒唔想我知，內心亦知道唔可以咁，因為家姐要錫弟弟，呢啲我仲覺得心酸，所以我會再陪女兒玩多啲，自己再辛苦啲。」問是否宣佈封肚？她謂：「真係封肚，之前都封，但唔小心生咗出來，都有兩個得意又健康小朋友，已經好好福氣。」她坦言誕下長女後想快出來工作，但次子出世後感覺不同，因不想錯過BB成長階段。

往下看更多文章

蔣怡清水灣豪宅因暴雨水浸慘變泳池全家出動清積水

2024年05月04日 19:30 最後更新：05月05日 13:32

蔣怡家中水浸得好誇張。

天文台今日先後發出黃色、紅色及黑雨暴雨警告信號，多個地區出現水浸，西貢區雨勢更特別大。名模靚媽蔣怡今日（4日）在IG上載一段短片並說：「我家就是一個游泳池！」，片中所見，其露台和花園水位浸高至小腿位置，十分誇張。

住在清水灣獨立豪宅的蔣怡，受暴雨影響，家中今日嚴重水浸。除了露台和花園浸到似泳池一樣，花園連接地下大閘的樓梯更加變成小瀑布，至於屋內亦不應幸免，客廳飯廳等地方都有大量積水，傢具統統被水浸住。全家出動用水兜、膠箱甚至巨型膠桶清積水，除了家傭姐姐，一對寶貝仔女亦有幫手，見他們穿上雨衣，既清積水，又似趁機玩水，全家似乎未受水浸影響心情。