屢戰屢敗,勇氣可嘉!
![資料圖片](https://image.bastillepost.com/704x/wp-content/uploads/hongkong/2019/01/20190501_CR_考車牌_2.jpg.webp)
資料圖片
有網民在Facebook專業發文,指自己考了8次自動波私家車駕駛執照都失敗,考牌官基於公眾安全的考慮,終止女事主的駕駛考試。
![有大學女生考8次私家車執照都不合格。CUHKSecrets圖片](https://image.bastillepost.com/586x/wp-content/uploads/hongkong/2019/01/20190105-CR-駕駛執照1.jpg.webp)
有大學女生考8次私家車執照都不合格。CUHKSecrets圖片
女網民在Facebook「CUHK Secrets」,「第8次考車牌自動波私家車合併試肥咗,個人勁灰」。女網民指,「一開頭果次就因為考天才波肥咗筆試。之後嘅考試就分別衰超速、冇打燈/睇鏡就cut(切)線,同埋轉彎撞咗上壆等等。我都唔知點解會咁」。女網民稱,「今次肥咗師傅直頭叫我不如搵過第二個師傅教,佢唔識教,覺得自己好似係比個天針對咁」。
![有大學女生考8次私家車執照都不合格。CUHKSecrets圖片/資料圖片](https://image.bastillepost.com/704x/wp-content/uploads/hongkong/2019/01/20190105-CR-駕駛執照2.jpg.webp)
有大學女生考8次私家車執照都不合格。CUHKSecrets圖片/資料圖片
女網民稱,今次被考牌主任終止考試,要跟考牌官調位駕車返試場。她稱,「斜路起步果陣,唔記得畀油。鬆咗手掣之後畀考官踩停」。之後去燈位,她見到黃燈打算加速過去,「結果去到時變紅燈但衝沖咗出去,又畀考官係黃格踩停」。她指,旁邊的交通警見狀都覺得好笑無抄牌。
女網民稱,「之後都心知不妙。最後揸揸下有個行人衝咗出嚟。果下好突然嚇到我個腦一片空白,唔識畀反應係到尖叫。最後又畀考官踩停」。之後考官叫女網民停靠一邊,「話基於公眾安全嘅考慮,我依家終止你嘅駕駛考試,請你落車,我而家會車你返試場」。
![資料圖片](https://image.bastillepost.com/704x/wp-content/uploads/hongkong/2019/01/20190501_CR_考車牌_1.jpg.webp)
資料圖片
女網民最後稱,場務員、保安及其他考生、師傅,見到她與考牌官調轉坐,都手指指笑她。她問網民,「我好唔好認真考埋下一次佢」,「好驚聽日同男朋友拍拖時,畀佢問到考成點」。
不少網民都稱讚考牌官避免了這位「馬路炸彈」造成車禍危害社會安全,「好彩你考咁多次都考唔到」。有人指出「其實你咁樣係危害緊所有人安全囉。有人衝出嚟你只係識尖叫呢點,就證明你唔應該揸車」。