Peter話邊拍邊驚,唔知邊場戲要嚟真呢!
由陳果執導的「妓女三部曲」最後一章電影《三夫》,在「香港電影金像獎」獲提名最佳電影、導演、女主角及新演員,肯定是近期話題之作,戲中涉及大量性愛場面,劇場演員出身的男主角陳湛文(Peter)就大爆原來導演陳果最初要求他們「打真軍」,內地女主角曾美慧孜(小美)更增肥30多磅演出,搞到停經兩個月。
![小美和Peter對陳果極度信任,否則不會肯裸露及預埋「打真軍」演出。](https://image.bastillepost.com/704x/wp-content/uploads/hongkong/2019/03/20190315-EN-曾美慧4.jpg.webp)
小美和Peter對陳果極度信任,否則不會肯裸露及預埋「打真軍」演出。
Peter大爆原來導演陳果最初要求他們「打真軍」,希望他們以全冇底線情況下拍攝,小美和Peter亦已答應,預了嚟真去做。而增肥30多磅演出的小美亦自爆搞到停經兩個月,這麼瞓身演出難怪先後捧走「香港電影評論學會」及「香港電影導演會」的女主角獎。
陳果透露斷斷續續搵了多年主角,一直找不到,特別是女主角,「香港嘅女演員聽見要露冇人夠膽演,後尾經朋友介紹我去內地見到小美,第一次見佢已答應演出,我基本上都揀定咗佢,雖然之後都有再見其他人,但都係敷衍了事。」至於男主角Peter亦是透過朋友介紹,「我唔想要啲小鮮肉咁嘅樣,同埋我覺得佢同小美碰埋,外形好唔夾咁就啱啦!」
![30歲的小美畢業於中國傳媒大學,亦曾到紐約進修,而36歲演藝畢業的Peter目前以演出舞台劇為主。](https://image.bastillepost.com/468x/wp-content/uploads/hongkong/2019/03/20190315-EN-曾美慧8.jpg.webp)
30歲的小美畢業於中國傳媒大學,亦曾到紐約進修,而36歲演藝畢業的Peter目前以演出舞台劇為主。
非陳果不肯拍
Peter話最初都有掙扎,因為除了要露,原來導演一開波還要求「打真軍」,「最後我唯有當自己拍歐洲片嘅演員咁豁出去。」小美話露同埋「打真軍」都不是最膽心,「我反而認為這個是個難得的機會,作為演員這種有發揮的角色,絕對是可遇不可求的。」不過Peter和小美都坦言若果導演不是陳果就未必答應,小美說:「在內地讀電影的有兩個導演會特別喜歡,一個是陳果,另一個是王家衛。」
![小美在戲中以做妓女為生,更一女侍三夫。](https://image.bastillepost.com/704x/wp-content/uploads/hongkong/2019/03/20190315-EN-曾美慧7.jpg.webp)
小美在戲中以做妓女為生,更一女侍三夫。
講到「打真軍」,陳果解釋為何最初有此想法,「如果演員接受到咁樣,可以更加放去演出,好似我嗰時拍《那夜凌晨 我坐上旺角開往大埔的紅van》,有場女學生喺草叢嘅強姦戲,我都同個女仔講,你預咗要露,咁樣對手先可以好自然咁扯開佢啲衫,唔使避穿崩走光咁多嘢,大家都會做得放啲,不過到拍嘅時候,覺得冇咁嘅需要,今次情況都係一樣,拍時覺得唔使真做。」不過卻令Peter邊拍邊驚,「每次拍呢啲場口時聽到導演叫我去遮重要部位,我就鬆一口氣。(唔知邊場要?)係呀!過得一場得一場啦!」
![拍攝時,陳果親自示範如何演繹,令演員更了解。](https://image.bastillepost.com/704x/wp-content/uploads/hongkong/2019/03/20190315-EN-曾美慧6.jpg.webp)
拍攝時,陳果親自示範如何演繹,令演員更了解。
獎項不抱期望
除了裸露外,小美為角色專登增肥30多磅,她笑言增磅期間像隻豬,「我每日瞓醒就是食,肚餓就食麥記,最高紀錄一日食七、八餐,食飽就瞓覺,結果花了個多月增了30多磅,當時膝頭開始痛,月經都失調,兩個月都沒有來,但導演最初還是覺得我未夠胖,口依家花了大半年時間減磅,仍未回復原來體重。」陳果話因為故事是講低端人士,「如果太靚唔係咁似,所以愈肥愈好,但係因為冇時間等要開拍。」小美坦承接拍電影時,亦有膽心會像湯唯當年拍《色戒》一樣被封殺,「不過後來始終覺得機會很難得,上了飛機來香港拍就沒有再想太多了。」陳果就解釋因電影不會在內地上映,相信小美同湯唯的情況有所不同。
![小美幾乎跟戲中所有男演員都有親密戲份。](https://image.bastillepost.com/704x/wp-content/uploads/hongkong/2019/03/20190315-EN-曾美慧5.jpg.webp)
小美幾乎跟戲中所有男演員都有親密戲份。
該片繼「香港電影評論學會」奪得最佳導演、電影及女主角獎後,日前再在「香港電影導演會」再得最佳女主角獎,問到會否對在金像獎奪獎加強信心,小美坦言有信心,「一定要對自己有信心的,但獎項真的很難說。」自言見慣風浪的陳果也希望小美奪獎,「我呢啲見慣冇乜所謂,但佢真係為套戲付出咗好多,好想佢得到獎作肯定,不過我叫佢唔好抱太大期望,呢啲嘢好難講。」
![女主角「小妹」覺得自己本身就是一條魚。](https://image.bastillepost.com/704x/wp-content/uploads/hongkong/2019/03/20190315-EN-曾美慧3.jpg.webp)
女主角「小妹」覺得自己本身就是一條魚。
![戲中小美和Peter有連場露骨性愛戲份,場地亦相當出位,包括在密斗貨車上。](https://image.bastillepost.com/704x/wp-content/uploads/hongkong/2019/03/20190315-EN-曾美慧2.jpg.webp)
戲中小美和Peter有連場露骨性愛戲份,場地亦相當出位,包括在密斗貨車上。
![該片大部份在船上拍攝,兩位主角都異口同聲話有難度。](https://image.bastillepost.com/704x/wp-content/uploads/hongkong/2019/03/20190315-EN-曾美慧1.jpg.webp)
該片大部份在船上拍攝,兩位主角都異口同聲話有難度。