佢話唔開心幾多錢都唔做！
入行42年，現年63歲的柳影虹下月19日將在麥花臣球場開多場演唱會，由於身邊一直都有一班鐵粉支持，所以她周不時會過吓歌癮開Show，如今年3月、4月她就剛做完兩場《柳影虹聲影虹情演唱會》。她豪氣地說：「我老人家唱歌，蝕住唱，唱得開心，啱咀型嘅老闆、拍檔就做，唔開心幾多錢都唔做，激到生Cancer咪死！」她還狠批新一代演員無品兼戲屎，加上劇本不吸引，所以無癮復出拍劇。
點擊看圖輯
柳影虹話自己不是恃老賣老，實在是老（前輩），有資格發表對現今娛樂圈感受。
家人逐一離世，柳姐依家最親是老公同個親生女。
5年前，柳姐同林峯拍完內地劇《大漢賢后衛子夫》就冇再拍劇。
柳姐演唱「碼頭」不講得笑，全部係私伙堅嘢。
柳姐同環星老闆張國林最夾，次次香港演唱會都是他做老闆。
30年前同梁藝齡及藍潔瑛拍無線電視電影《霓虹姊妹花》打傷腰。
今年3月演唱會，請來葉振棠做表演嘉賓。
40年前，拍過麗的熱播劇《天蠶變》。
柳影虹話自己不是恃老賣老，實在是老（前輩），有資格發表對現今娛樂圈感受。
柳影虹好enjoy在細場開show的互動性，最怕紅館又暗又黑多陷阱，話不恨唱到上紅館，她說：「去年黎小田作品演唱會第一場佢幾乎跌咗落（紅館）個窿度呀，當時佢有隻腳已經叉咗落去，係我手急眼快拉返住佢咋，嚇死我哋呀，而且我哋着住高踭鞋企喺升降台震住上落，聲線都唔穩定啦！」她又自爆要求高，服飾貴都飛起，每次都是要貼錢唱歌：「o依家搵唔啱拍檔我都唔做，人生苦短，我父母連3姐弟一家5口，但死剩我同細細佬，個個都生Cancer死，我呢啲年紀睇得好化，唔開心多多錢都唔賺呀。」
家人逐一離世，柳姐依家最親是老公同個親生女。
89年，柳影虹因拍無線電視電影《霓虹姊妹花》一幕打交戲，被梁藝齡（原名梁佩玲）踢歪盆骨，痛不欲生，多年来要常按摩舒緩：「腰傷過，年紀又大咗，復出機會好微，而且o依家啲劇好唔開胃，故事狗屁不通，對白都要執，製作又唔好，好嘅演員都走晒啦，年輕一班藝人咬字不清似甩牙咁，着衫又暴露，去整高個鼻，整咗個嘴，總之整到好似公仔咁就會紅，賣肉咩？做戲、唱歌啫，唔係露肉就好戲！最重要佢哋冇乜品德，朋友老公又勾，人哋老婆又搞，又出軌，吸毒又有，好無品德呀！」
5年前，柳姐同林峯拍完內地劇《大漢賢后衛子夫》就冇再拍劇。
柳姐演唱「碼頭」不講得笑，全部係私伙堅嘢。
柳姐同環星老闆張國林最夾，次次香港演唱會都是他做老闆。
30年前同梁藝齡及藍潔瑛拍無線電視電影《霓虹姊妹花》打傷腰。
今年3月演唱會，請來葉振棠做表演嘉賓。
40年前，拍過麗的熱播劇《天蠶變》。