《五行與遊戲》
作者：小魔
話說小魔我近派愛上咗一種遊戲，叫 LARP (角色扮演推理遊戲)。
簡單介紹一下， 角色扮演推理遊戲，每次遊戲都會有一個劇本做主體，每位玩家都會有一份角色劇本，大家需要投入角色，邊扮演，邊推理。遊戲人數視乎劇本而定，遊戲時間又處決於大家既推理進度。
真係想知點玩，上 Youtube 睇下韓國節目「犯罪現場」，玩法大同小異。
呢個 game 係外國好流行，叫 dinner mystery或者叫 Mystery party。國內都非常熱衷，叫劇本殺。
因為 LARP 係外國開始先，大部份劇本都係英文。有翻譯本，不過唔多囉，所以大部份劇本都係國內市場提供。
而我發現唔少國內劇本都會加入五行原素，特別係一啲幫助推理既線索。
圖片係其中一個劇本內既推理線索，有關五行相沖。
線索咭講述北為水﹑東為木﹑南為火﹑西為金﹑中宮為土，如果五行錯置，家宅有問題。
大家睇睇地圖，北為水，佢就整咗個花園，土剋水；東為木，佢就整咗個武器庫，金剋木；南為火，建咗個水池，水剋火；西為金，就係西位建個廚房，火剋金；中宮為土，就種咗棵大樹，木剋土。
我有跟師傅學過，又未俾返師傅既，好 easy 咁就被我解決咗呢個問題。
有時講到八字﹑玄學，大家都變到好嚴肅，其實遊戲都可以有五行啊!
香港兔蘆術數學會
** 博客文章文責自負,不代表本公司立場 **