Sheldon表示現正學做好嗲哋。
「巨星幫」出身、32歲的羅孝勇（Sheldon）與模媽王丹妮將於12月結婚，人逢喜事精神爽，昨晚（10日）他神采飛揚為節目《流行經典50年》錄影，他說去年已求婚，不想承諾拖太耐，所以揀了好日子到律師樓先簽紙，他父母在澳洲，到時會直播簽紙儀式，待疫情過去才安排婚禮。
點擊看圖輯
《超級巨聲2》羅孝勇係季軍，冠軍係曾經跟他拍過拖嘅林欣彤Mag（中）、亞軍為TVB力捧緊嘅胡鴻鈞。
羅孝勇人逢喜事精神爽。
羅孝勇與模媽王丹妮拍拖4年，終修成正果。
《超級巨聲2》羅孝勇係季軍，冠軍係曾經跟他拍過拖嘅林欣彤Mag（中）、亞軍為TVB力捧緊嘅胡鴻鈞。
Sheldon否認未婚妻有身孕，暫時想專心工作。愛屋及烏的他不介意做繼父，問到他與王丹妮的6歲女兒關係如何？他表示很好，多年前已稱他嗲哋，給他好多愛及開心，更教識他很多，打開他的心扉，對唱歌及演戲都有幫助，現正學做好嗲哋。
王丹妮有樣有身材，唔似係人母。
王丹妮好錫6歲女兒。
羅孝勇和繼女相處得好好。
一直以來Sheldon都希望演戲方面有更多機會，他又報喜表示，最近簽了邵氏及無線，正拍攝《飛虎之壯志英雄》及《愛．回家之開心速遞》。
二人都表示瞓身支持港隊！
四年一度的體壇盛事2024奧運正值法國舉行，王丹妮（Louise）與羅孝勇（Sheldon）夫婦趁四天假期旋風飛赴巴黎，首次親身體驗奧運多項賽事，並到場為港隊游泳賽事打氣。
王丹妮與羅孝勇趁四天假期旋風飛赴巴黎。
Louise與Sheldon自去年底結婚後，因工作和讀書關係，平時聚少離多，近日剛好兩人難得有假，且適逢獲手錶品牌Omega邀請，展開一次四天蜜遊奧運之行。睇奧運之餘，又可以順便遊覽當地。
二人獲手錶品牌Omega邀請，展開蜜遊奧運之行。
雖然只得短短四天假期，但兩人計劃周詳，這兩天除置身奧運開幕禮中，還一口氣觀看了四場奧運賽事，包括七人欖球、柔道、沙灘排球和重點賽事之一游泳比賽，Louise坦言很開心和榮幸能夠親身為港隊打氣。
齊齊觀看開幕禮。
Louise與郭晶晶合照。
Louise興奮的說：「人生第一次睇奧運真係感覺難忘，尋日開幕禮雖然落大雨，但係都無阻觀眾同運動員嘅熱情 ，落住雨見證各個國家隊坐住船經過塞納河真係好浪漫同好有巴黎特色。睇住唔同嘅歌舞表演，巴黎鐵塔嘅幻燈show，最後仲有我喜歡嘅歌手Céline Dion驚喜現身，一路聽一路起晒雞皮，真係超級感動同埋鼓舞。而之後喺現場睇比賽，親身體驗現場熾熱氣氛，觀眾為自己支持嘅隊伍打氣，唱歌跳舞，玩人浪真係好正！」
Louise直言人生第一次睇奧運感覺難忘。
提到今次蜜遊巴黎有何收穫？Louise很享受的說：「當然時間長啲就更好啦，但係四天也可以很充實愉快。今次嘅旅程好開心同另一半夾到四日時間一齊參與呢個世界體壇盛事，上年年尾結完婚都好似冇機會咁樣一齊出遊，所以今次Paris Olympics 之旅，對我哋兩個都更有特別意義。今次我哋兩個睇完開幕禮之後，仲睇埋七人欖球、沙灘排球、游水、柔道等，行程非常緊湊豐富。
Sheldon以前大學時候都有玩過欖球同柔道，所以佢都睇得特別興奮! 我自己以前有打排球，所以亦都好期待睇沙灘排球。但係我哋兩個最期待嘅一定係游水！能夠喺現場大聲支持香港隊，為香港隊吶喊助威，興奮心情難以形容，亦都希望香港隊可以繼續再創佳績！」
二人還一口氣觀看了四場奧運賽事。
看了七人欖球、沙灘排球、游水、柔道等。
看了七人欖球、沙灘排球、游水、柔道等。
看了七人欖球、沙灘排球、游水、柔道等。
Louise與Sheldon四天行程中連看多場奧運賽事，十足運動狂熱分子，而熱愛運動又是兩人的共同喜好。Louise回味讀書時期的自己說：「其實由細到大都有參與好多唔同嘅運動，因為個人生得比較高手腳比較長，所以中學入學嘅時候都總會被運動方面嘅團隊招攬，嗰陣時有join划艇，長跑同埋排球隊，仲好記得每個禮拜好幾日放學都不斷咁同其他戰友一齊訓練，而家諗返都係一段好美好嘅回憶。」
Louise與Sheldon變身運動狂熱分子。
當然少不了買紀念品。
