蜥蜴仔形容現在見步行步,他寄望疫情快些過去,經濟復甦,人人有工開。
在電影中通常飾演騎呢角色、外號「蜥蜴仔」的曾德華,靠做電影茄喱啡,維持生計。由於受新冠肺炎疫情的影響,電影業陷入冰封狀態, 他亦難逃沒有工開的命運,被迫轉行做外賣仔。
現年42歲、外號「蜥蜴仔」的曾德華,早年憑着騎騎呢呢的外表,在周星馳的電影《行運一條龍》中,飾演在party內被漠視的一角,而為人所熟悉。其後,他經常在電影中飾演「毒男」等角色;而在片中,他雖然對白和戲份都不多,但密食當三番,總算可以維持生計。
近年,蜥蜴仔更找人作曲、填詞,製作屬於自己的歌曲《我最騎呢》,並花費五萬元,拍攝MV放上社交網絡,令他成功打開內地的市場,有機會北上大灣區登台,儘管薪酬不像其他藝人般優厚,但總算可以幫補收入。可是,受到新冠肺炎疫情的影響,電影圈幾乎停頓,所以他的茄喱啡工作,可謂寥寥可數;而為生活,他就被迫轉行做外賣仔。此外,由於他不懂駕駛,故只能做「步兵」。
據《東周刊》報道,日前晚上八時,外表骨瘦如柴的蜥蜴仔,現身旺角道的一個公園。當時,他瑟縮於公園一角暗處的石櫈食飯盒,而旁邊正是一個垃圾房,因此不時飄來陣陣垃圾臭味。他食飯的位置更有不少老鼠肆無忌憚地走來走去,令他恍如置身「米奇樂園」一樣,衞生環境極度惡劣。
約十分鐘後,蜥蜴仔三扒兩撥已經食飽飽,於是急急收拾行裝離開公園。過了不久,在街頭接到一個外賣訂單,他隨即一支箭急步行到大角嘴的一間快餐店取外賣;跟着,他又行了七分鐘,走上一幢八層高的唐樓送外賣,為生活吃盡苦頭。
事後,《東周刊》記者致電訪問蜥蜴仔,他坦承受疫情的影響已大半年冇工開,即使有內地經理人安排登台騷,亦無法北上開工,令收入大減,惟有轉行做外賣仔:「雖然內地有登台job,但係上去要自費喺酒店隔離,扣埋人工等於白做,所以依家轉做送外賣。」他表示由於自己是「步兵」,故每日的接單量數不多,因此自己會比別人更勤力,用盡一日的時間開工。
近日政府頒令六點後禁堂食,亦影響《東周刊》沒有地方食晚飯:「講真,一日收入大約得二百五十蚊。其實,一張單只係賺到廿幾蚊,都買唔到一個飯盒,依家又冇得堂食,惟有踎公園啦!不過,你估我想o架咩,好多我哋呢啲打工仔,都係咁,夜晚要開工,只能夠逼住喺街邊食飯。仲有呀!嗰個公園好多老鼠、好恐怖,仲要唔驚人㗎,我惟有逼自己唔好驚囉。」蜥蜴仔形容現在見步行步,他寄望疫情快些過去,經濟復甦,人人有工開。
更多娛樂消息,請看東周網:http://eastweek.my-magazine.me/main/entertainment