保錡形象全毀被網民擔要求他退出ERROR。
男子組合ERROR成員保錡自從被爆與性感女神張沛樂（沙律）拍拖後，接連爆出負面新聞，繼被指控偷食後，又在網上公然爆粗鬧網民，形象全毀，不少網民擔心保錡會影響ERROR發展，要求他退出ERROR。
點擊看圖輯
保錡自12月與性感女神張沛樂（沙律）公開戀情後，接連爆出負面新聞。
肥仔享同隊友193及阿Dee打邊爐的片段，近期被負面新聞纏身的保錡則未有現身。
阿Dee日前在IG透露ERROR即將推出新歌，更公開了自己在新歌MV中的造型照。
保錡自12月與性感女神張沛樂（沙律）公開戀情後，接連爆出負面新聞。
保錡早前在網上直播公然爆粗鬧網民。
今日（8日）ERROR隊長肥仔在IG分享與隊友193及阿Dee打邊爐的片段，爆粗爆到走晒Fans的保錡就冇影。
因為太好味，阿Dee忍唔住爆粗。
片段可見ERROR三子食長腳蟹食得津津有味，期間食住蟹肉的阿Dee突然爆出一句：「好X肥美。」隊友193即大聲喝住，「唔好講粗口」，負責拍片的女友人亦警告他不要講粗口。肥仔更要求友人刪除了這段影片。之後阿Dee便改口笑稱：「我成功食咗梁業喇！」明寸隊友保錡爆粗鬧網民一事。
肥仔享同隊友193及阿Dee打邊爐的片段，近期被負面新聞纏身的保錡則未有現身。
阿Dee日前在IG透露ERROR即將推出新歌，更公開了自己在新歌MV中的造型照。
ERROR新歌《野舞士》向80年代經典《跳舞街》致敬！
ERROR於今年成軍6周年，各成員一同作出新嘗試，推出跳唱作品《野舞士》，眾人更為歌曲排舞，而MV邀來陳慧嫻客串演出，為404粉絲帶來最具驚喜的周年禮物。
ERROR成軍6周年出跳唱歌。
ERROR推出跳唱作品《野舞士》。
新歌《野舞士》走80年代citypop曲風 ，Fatboy形容道：「今次曲風偏向80年代《野舞士》嘅曲風，有種懷舊感覺，同埋我哋會一齊跳舞！」Poki更道：「因為個feel比較Japanese，所以一聽呢首歌會感覺kimochi（舒服）。」今次推出跳唱作品，Dee表示是Fatboy多年心願，他說：「咁多年嚟大家都期待我哋有跳舞作品，亦當係肥仔嘅心願，佢一直都係以個人跳唱歌手努力，今次ERROR終於配合佢推出一首跳舞歌，仲要係好un得嘅一首歌！」雖說是跳唱作品，但193表示：「呢首歌配合我哋成軍6周年，但趕住出MV，所以舞唔係排咗好多。」
freestyle舞步突顯成員特色。
邀得陳慧嫻客串MV。
說到跳唱，大家必定聯想到節拍強勁、動作一致的舞步，但Poki率先閂後門道：「最緊要跳得開心，技術嚟講一定有，但開心係重要因素。」193也和應道：「我哋唔係講跳得齊唔齊，係講個vibe，同埋每個人都有啲個人風格融入喺團體舞入面，呢個係好有特色！」就連跳舞公認耍家的Fatboy也直言：「ERROR跳舞賣freestyle，唔係賣齊整。」想要欣賞ERROR四子的舞步，可能要期待一下他們的現場演出了。不過Fatboy透露，今次他找來好友兼排舞師Ali編舞，他說：「之前我哋演唱會都係佢排，所以搵返佢嚟排，基本上啲舞步唔算好難，我哋仲度一個freestyle位俾Poki跳佢嘅台客舞。」193又補充道：「我見仲有加入Fatboy嘅搓肚腩，呢個我哋做唔到喇，唔知嗰幾下搓肚腩係咪為肥仔而排？」
向80年代經典《跳舞街》致敬。
《野舞士》曲風帶有80年代廣東歌經典《跳舞街》的感覺，Fatboy於是忽發想，邀請了《跳舞街》的主唱陳慧嫻客串MV，Fatboy表示：「慧嫻姐姐唔使跳舞，呢個MV有少少劇情搵佢客串，因為某程度上呢首歌都係向《跳舞街》致敬，所以搵佢過嚟係為我哋嘅MV增添氣息。」Dee十分感謝陳慧嫻今次的參與，更道：「多謝慧嫻姐姐抽空過嚟，加持一下我哋呢首新歌，都希望演唱會有冇機會合作到。」問到眾人對陳慧嫻的認識，Fatboy即表示：「我嘅回憶就係《千千闕歌》！」193亦笑言：「我哋『大大個』已經有聽慧嫻姐姐，聽到而家真係大大個都繼續聽，一直覺得佢好靚，但未見過真人，嗰種期待度，就好似期待一個電視人物喺電視機走出嚟。」193更坦言在見面前，他是有點緊張呢！至於Dee則大讚陳慧嫻歌聲甜美，Poki更揚言：「佢嘅經典歌一定要keep住聽！」
193笑言：「我哋『大大個』已經有聽慧嫻姐姐。」
談到6周年，ERROR轉回感性mode，193分享道：「多謝fans一直陪伴我哋，我哋係自暴自棄嘅藝人，最近投票嘅我最喜愛組合都冇乜宣傳過但都keep住投我哋，好感謝大家，喺我哋冇出聲嘅時候都繼續撐我哋。」Poki也道：「多謝大家，呢6年都辛苦喇！」193聽到Poki所言，續道：「辛苦晒去支持我哋呢啲劣質藝人，不過只係我同Poki。」雖然聽似玩笑性質，但相信亦是ERROR打從心底最誠懇的謝辭。
郭嘉駿（193）
梁業（肥仔）
何啟華（DeeGor）
吳保錡（保錡）
